Miqueas 6:8 - Biblia Dc en Mixe de Quetzaltepec

⁸ Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Biblia Mixe de Quetzaltepec

⁸ Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Tios xymyëtunëty.

Miqueas 6:8 ပူးပေါင်းရင်းမြစ်များ

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Dios ni'ik tyukjotkëtäkpy këtiinëm yë wintsë'kën.

Colosenses 3:12

Mëk miits yë Dios mtsokëtë ets tëë mwin'ixëtë ets jam myajpaatëty ma ja kënu'kxypyë nyaax kyajpnën. Tuk'itëtë ja pa'ëyo'owën, oyjä'äyajtën, yujyajtën, tëtä'äkyajtën, nätsyokë ets ja mä'kxtujkën.

Jeremias 22:3

Tuntë ja tëyajtën ets ja nipaye'eyën tëypyë jaantypë ma ya'atë it naaxwiinyëtën, yaj'ëwaatsëpëtsëmtë ja'ay ma wyintsënën mëti'ipë je'eyë mëk mëtuunpën ets ka'ap tsow yajmëjuy, këtii xytyiytyuntëty yë jaaypyaat jaaypyo'kxy ets ku'ooky u'unk, ku'ookytyo'oxy. Këtii xyaj'ooktëty ma ya'atë it naaxwiinyëtën yë ja'ay mëti'ipë ka'ap tii poky tmëëtëtyën.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.

Isaías 66:2

Ëjts ojts winë nyajkojta'ayës, ets jëtu'un ojts tsyo'onë'ëky tsyo'ontä'äky. Ëjts, Wintsën, ëjts ënaanp.

1 Pedro 3:8

Jëtu'un miits ja jot winma'any tu'ukyë xymyëët'atëty, nätsyokëtë nixim niyam ijxtëm jeexyë mtu'kä'äx'atën; yajnikëxë'ëktë ja mtëtä'äky'ajtënëty.

Lucas 6:36

Mpa'ëyowtëp miits ja ja'ay ijxtëm ja Dios Teety pya'ëyoyën.

Lucas 11:42

Miits fariseë ja'ayëty mon tuk myajpaatë, ko tu'pëky xyjyajëpëktë ma ja majk pëkpyën ets ja Dios xyjyatukwintsë'ëkëtë; tä ja menta, rudë ets wiinkëtypë aay ujts mëti'ipë tojkx tsooy'ajtpën; je'eyëp ko ka'ap xymyëjpëjkta'aktë ja mëtëypyë ja nipaye'eyën ets ja Dios ja tsyojkën jya'awën.

Amós 5:24

Yë'ëjës ntsojkpy ets winë mëtëy yajnipaye'eyëty tä nëë pyëyi'ikyën tu'uwitsy ets ja oypyë ja tu'unën kajpxën xëmë y'itëty tä nëë myuutyën.

Mateo 5:7

Jotkujk yë ja'ay yajpaatë mëti'ipë pa'ëyoowtëpën, jä'ä ko Dios näjyëtu'un pya'ëyowa'anëtë.

Efesios 4:32

Oy mja'ay'atëty ets mnäpya'ëyowëtëp nixim niyam. Nänyimä'kxëtë tu'knax ijxtëm ja Dios të mnimä'kxëtën, ko ja Kristë të xymyëpëktë.

Génesis 18:19

Yë'ëjës të nwin'ixy ets yë'ë t'ënä'ämëty yë y'u'unk y'ëna'k, y'u'unk y'ok, ko tpatuntëty yë n'ijxpëjkënës ets tu'kë'ëyë mëti'ipë oyën ets tëyajtënën. Jëtu'un tjëkyäpëty näjyëtu'un ntunëtyës tu'kë'ëyë, winë mëti'ipës të n'ëwaanën ets tëëpës nikäjpxyën.

Eclesiastés 12:13

Jëtu'un jyëjpkëxy ja kë'ë ëma'ayën. Yë Dios yë'ë mmëjjaw mkënu'kxyjyawëp ets yë'ë mpatunëp yë y'ënä'ämën tyiyajtën, jä'ä ko yi'iyë jëtu'un mëpaat yë naaxwiinyëtë ja'ay tuny.

Oseas 12:6

Paaty myaj'ënëëmë mijts Israel, niwinpit yë mTios; oy winë xytyunëty ets tëy jaanty, yë Dios yë'ë xëmë mtuk'ijxpätëp.

Isaías 57:15

Yë Wintsën këjxmëpë yajpaatyën, mëti'ipë winë xëëw winë jëmëjt juukyajtpën, ets jä'ä txëëwaty Wa'ats, jëtu'un y'ënä'äny: Këjxmës nyajpaaty ets jamës nyajpaaty ma kyënu'kxyëtyën, yajpatpës näjyëtu'un ma ja'ayën mëti'ipë yu'unk naxym juukyajtpën ets mëti'ipë jëëpy yaxpën, täätsës nyajjotkujktä'äky ets njotmëkmo'oy.

Mateo 5:3

Jotkujk yë ja'ay yajpaatë mëti'ipë jyot wyinma'any jëtu'un yajmaay yajtajtëpën tä ëyoopëja'ayëtyën, jä'ä ko yë'ë jyä'ä'atantëp ja tsajpjotmëpë kuttujkën.

Sofonías 2:3

Yë'ë Wintsën ixta'atë, miitsëty ninu'un yu'unk naxym mjuuky'atën ets ninu'un xymyëmëtowtën yë y'ënä'ämën kyutujkën. Tëyajtën winë xytyuntëty ets yu'unk naxym, wä'änxyëp yë tsoktakn xypyaatëty ko ënety ja Wintsën jyoot'anpëky.

Daniel 4:37

E tyamts ënät, ëjts Nabucodonosor, nmëjja'aw njaantyjya'apës ets ntukxoontäkpyës yë yajkutujkpë tsajpjotmëpë, jä'ä ko tëkokyë mëti'ipë tyuunpyën aak mëtëy yë'ë ets wa'ats ets yë'ë yajnaaxkëtäkpy yë ja'ay mëti'ipë mëj këjxm näyajnaxanëpën.

Salmos 37:26

Oy tyimjëna'ajëty xëmë pya'ëyoy; ets yäjkpy winë nu'kxtsoy; yë y'u'unk y'ëna'k yë'ë tyukmëët'ajtyp yë näkyënu'kxën.

Nehemías 9:13

Ko jam jyajtë ma ja tun kopk txëëwatyën Sinaí, jam xynyijënäjky ets mëët mkäjpxy mmëtyäky; ojts xymyo'oy ja aaw ayuk oypyë ets ja ijxpëjkën mëtëypyë ets ja ënä'äm ja kuttujkën mëti'ipë jaantyëtypë.

Salmos 112:4

Jëtu'un jyäjy tyi'kxy tä jëënën akootstuuy ets yajkutë'kxtë ja ja'ay mëti'ipë oy juuky'ajtëpën, mëti'ipë pa'ëyoopën, mëti'ipë oy nipaye'epyën ets mëtëy winë tuny.

Lamentaciones 3:26

Oy ko yë Wintsën n'a'ijx njëjp'ijxmëty yë näypyutëkë, yë'ë nyija'ap jëna'a xypyutëkëja'anëmë.

Salmos 112:9

Yajwä'kxyp ja wyit myeeny ma ja ëyoopëja'ayën, ja y'oyjyä'äyajtën xëmë tmëët'aty; mëët ja y'ijxë'ëky kyoowë'ëky.

Salmos 73:28

E ëjts ni'ikyës yë Dios nmëwinkona'any, jä'ä ko maas ëjtsën, yë'ë tu'uk n'oyjya'apës. Mijts, Wintsën, mijts ntsoktakn'ajtyp, e ëjts kopkpëkyës koos nnikäjpxy mëti'ipë të xytyuny të xykyäjpxyën.

2 Crónicas 34:27

ets ko tëë xyjyotmaypyiky ja aaw ayuk mëti'ipë të xymyëtoyën mëti'ipë ënety tunan jatanëpën ma mijtsën ets ma ya'atë naax kajpnën ets mëët ko tëë xyjyotmayjyawë ets të mjë'ëy të myä'äxy; ëjts nän tyamës n'ijxkuk nja'akyukë tëkokyë ya'atë. Jëtu'unës ëjts n'ëna'any, mëti'ipë Wintsën'ajtpën.

Santiago 2:20

Këtii mtsuu'at xyajtunëty, ja'akyukë yajxon ko ka'ap tsyowpaaty ja mëpëjkën pën ka'ap tii yajtuny oy.

Romanos 7:16

E pën jä'äs ntuunpy mëti'ipës ka'ap njatuna'anyën, nkupëjkpyës ko oy ja ënä'ämën.

2 Crónicas 32:26

E yë'ëjëty oy jëtu'un y'ëktëkooytyë, ojts jatëkok ja Wintsën tmëpëjktsowtë ets ojts pyokymyä'kxëtë ets ka'ap wi'ix tyuunëtë, mapaat ja Ezequías jyuuky'äjtyën.

1 Samuel 12:23

E ëjts mëti'ipës xypyatpën, yë'ë ko tyam nkënu'kxta'aka'antë janaam jatsojk. Ntukni''ixëja'antë wi'ix mëpaat mjuuky'atën oy tsuj ets wi'ix mëpaat oy winë xytyuntën.

Romanos 9:20

Mijts naaxwiinyëtë ja'ay ¿tiikutujkën mëët'ajtyp ets ja Dios xyajtëwëty tii tyuunpyën oy ka'oy? ¿Wä'än jëtää ja tu'ts nëëmëty ja mëti'ipë yajkojëpën tiijës ko jëtu'un të xyajkojyë?

Lucas 10:42

Je'eyep ko tu'ukyë je'eyë mëti'ipë kopkpëkyën. María yë'ë të twin'ixy mëti'ipë ni'ik kopkpëkyën ets ka'ap tjëkyepy pën pyëjkxëtëty.

Ezequiel 16:63

Ko xyjyä'äymyätsëty mëk nëjkx mtsëtyuny ets ëxëëkëm nëjkx mnäjyawëty, ka'ap xy'ëknimëtya'akanëty ja mtuuntëko'oy mkajpxtëko'oyën ko ënety të nmä'äkxta'ayës ja mpoky. Ëjts Wintsën, ëjts ënaanp.

2 Crónicas 33:23

Je'eyëp ko yë'ë ka'ap jyotwinpijty ma Tiosën, jëtu'un tä ja tyeetyën Manasés, ni'ikyë ojts ja pyoky tyajmayë.

2 Tesalonicenses 2:16

Ja Wintsën Jesukristë ets Dios, mëti'ipë nteety'ajtëmën, yë'ë të xytsyojkëm ets jotkujk'ajtën të xymyo'oyëmë xëmëkyëjxm; tsojk nkukajpxëm nja'awëkyëtakëmë ko y'oywyinma'any të tyajkëxë'ëky,

Génesis 5:22

Yë Henoc xëmë ojts jyuuky'äty ijxtëm ënety yë Dios tsokyën. Ko ënety jëtu'un yë Matusalén të myëxu'unk'aty yë Henoc, jä'ä ojts jyaakjuuky'äty tëkëëk mëko'px jëmëjt ets ojts jyaak mëxu'unk'atë y'u'unkëty y'ëna'këty ye'etyëjkpë ets to'oxytyëjkpë.

2 Crónicas 33:19

Ja wyaantak nyu'kxtakën ma Wintsënën, wi'ix ja Wintsën y'ëtsoowën; ja nyëë pyoky ets wi'ix ojts tkojyën kanaak ja awinax; ja naaxpotsy ets ma tnikojyën ja ëxëëkpë; ma tpëjktäkyën ja Aserá y'awinax, ma ënety ka'ap jyotwinpitynyëmën; jap myiinta'ay kuja'ay ma ja nyokyëtyën ja ja'ayëty mëti'ipë ja Wintsën myëtuuntën.

1 Corintios 7:16

Mijts to'oxytyëjk, ¿mnija'ap ko jyëkyejpy mijtskyëjxm ja mniye'etyëjk Dios yajknitso'okëtëty? ets mijts, ye'etyëjk, ¿mnija'ap ko jyëkyejpy mijtskyëjxm ja mto'oxytyëjk Dios yajknitso'okëtëtyë?

2 Crónicas 30:11

Pën ojts kyäjpxyjyä'äykyujkëtë, ma ja Aser, Manasés ets Zabulón ja jyä'äyën ets ja jyot wyinma'any tyaj'o'oyëtë, ojts nyëjkxtë jam Jerusalén.

Lucas 12:14

Ënet ja Jesús y'ëtsooy: Mëku'uk, ka'apës pën të xypyëjktä'äky yajkutujkpë ets naaxkijpxwa'kxpë.

Deuteronomio 30:15

E tyam miits ënät mpatëtëp xywyin'ixtëty, mëti'ipë mtsojkën'ajtëp, pën yë'ë ja oyajtën ets ja juukyajtën ëkë pën yë'ë ja ëxëëkajtën ets ja o'kën tëko'oyën.

Isaías 56:1

Jëtu'un ja Wintsën y'ënä'äny: Tuntë ja mëtëypyë ja nipaye'eyën, ja mëti'ipë tëy jaantyën, jä'ä ko tsojkës nyaj'ëwaatsëpëtsëma'any ja naaxwiinyëtë ja'ay; yë'ëjës nyaj'ixanëp koos xymyääpyës wi'ixës ja'ay nyaj'ëwaatsëpëtsëmëtyën.

Ezequiel 33:14

E koos tu'uk yë ëxëëk ja'ay nyajnitukëty ets y'ookëty ets yë'ë tyaj'oyëty ja jyuukyajtën ets tii winë oy tunëty,

Miqueas 6:9

Yë'ë yë Wintsën myëkäjpxyp yë naax kajpn, wijyajtën ënety yajmëët'ajtp ko yaj'amëtoow'itëty mëët yë winkutsë'kën. Mëtoow'itë miitsëty naax kajpn ets miitsëty näs'ë'ëw mnaskajpxëtë.

Zacarías 7:9

Ya'atës yam ni'ënä'ämëp: Ko miitsëty mëtëy winë xynyipaye'eytyëty ets oy mja'ay'atëty, mëët'atëp yë pa'ëyo'owën najts'ëyo'owën nixim niyam.

Deuteronomio 27:10

Paaty yë'ë jëtu'un mëmëtowtëp ets patuunëtë yë y'ënä'ämën tyiyajtën ets y'aaw y'ayuk, mëti'ipë të mtuknipëkëtën.

Josue 24:14

Mëët tu'kë'ëyë ya'atë mëti'ipë yë Wintsën të tunyën, wintsë'ëkëtë ënät ets mëtuntë winë aaw winëjot. Ixmatstë yë wiink tios mëti'ipë yë m'ap m'ok y'ëwtajtën jam Éufrates mëjnëë'ëkë'ëm ets Egiptë naaxjotm ets mëtuntë yi'iyë tu'uk yë Wintsën tëypyë jaantypë.

Salmos 101:1

Ëjts yë'ëjës yam nkuuy'ëwäämpy yë nätsyok näjyawë ets tëyajtën wa'atsajtën; Wintsën, tyam mijts nwin'ëwa'any.

Jeremias 9:23

Jëtu'un yë Wintsën y'ënä'äny: Ka'ap tjëkyepy yë wijyjyä'äy nyätyukmëjjawëtëty ko wyijyëty, näjyëtu'un yë yajkutujkpë ko tmëët'aty ja mëk'ajtën ets kumeenyjyä'äy ko kyuwit kyumeenyëty.

Jeremias 22:16

Mëk ijty tkuwa'any yë ëyoopëja'aytyëjk ets nyitsiptuunpy mëti'ipë o'ktëy yajtuunpën e paaty ojts oy jyuuky'äty. Yë jëtu'unpë yajtijp ko xy'ixy'ätyës. Ëjts Wintsën, ëjts ënaanp.