Miqueas 6:6 - Biblia Dc en Mixe de Quetzaltepec

⁶ ¿Tii mëët yë Wintsën Ni'ik këjxmëpë nwinkuwa'akëtyës koos ënety n'ëwtata'any? ¿Yë'ëjës mëët nwinkuwa'akëty yë tsajpkaajë tu'kjëmëjtpë jyëmëjtën mëti'ipës ntukwintsë'ëkëpënë?

Biblia Mixe de Quetzaltepec

⁶ ¿Tii mëët yë Wintsën Ni'ik këjxmëpë nwinkuwa'akëtyës koos ënäty n'ëwtata'any? ¿Yë'ëjës mëët nwinkuwa'akëty yë tsajpkaajë tu'kjëmëjtpë jyëmëjtën mëti'ipës ntukwintsë'ëkëpënë?

Miqueas 6:6 ပူးပေါင်းရင်းမြစ်များ

2 Samuel 21:3

Ënet ja David yajtëëwëtë: ¿Tii m'amëtoowtëp etsës ntunëty? ¿Tii winma'any mëpaat mpaatës ets y'oyëtëty ja mjot mwinma'anyëty ma të myajmëtëkoytyën? ¿Tääts yë nnaax nkajpnës xykyënu'kxtëty?

Salmos 116:12

¿Wi'ixës yë Wintsën n'ëkkëjuuytyääyëty tëkokyë mëti'ipës të xymyo'oy të xykyexyën?

Salmos 22:29

Winta'ak naaxkowtë ma yë'ëjën nitëkokyë jënu'un winë mëj këjää xymyëët'atën, tu'kë'ëyë jënu'un naaxway y'awinpita'antën, jä'ä ko ka'ap kë'ëm mnäyajjuuky'atëtë.

Salmos 95:2

Tsojk nwinkuwa'këmë mëët yë kukajpxën ets ntukxoontakmëty mëët yë ëy ma yajmëjpëjktä'äkyën.

Salmos 95:6

Mintë, tsojk nwinkoxtëna'ayëmë ets n'ëwtajtëmë. Nwinkoxtëna'ayëmë yë Wintsën, jä'ä ko yë'ë të xyajkojëmë.

Éxodo 12:5

Ja jëyujk mëti'ipë nëjkx xyaj'ooktën, yë'ë mëti'ipë ënety ja jyëmëjt tu'uk të t'apetyën, yä'äypyë ets oypyë mëkpë; oy yë'ë'atëty yë kupixyny ëkë tsajppax.

Éxodo 23:15

Mxëëwtuntëp ma ja tsajpkääky yajkayën jëtu'unyëpë ka'apë tsyooymyëëtëty, jëtu'un tä të ntuk'ëne'emyën, wëxtujk xëëw xykyäyëty yë tsajpkääky ka'apë tsyooymyëëtëtyën. Ya'atë xëëw jää xytyuntëty ma ja xëëw po'o y'änyën mëti'ipë xyëëwajtypyën Abib, jä'ä ko jä'ä po'o ojts jap mtsoontë Egiptë. Ets maas ëjtsën ni pën mëpaat kyaminy jëtu'unyë pën ka'ap tii tmëminy.

Proverbios 15:8

Yë Dios ka'ap nijënu'un t'oy'ixy ko yë ëxëëk ja'ay tyäky yë wintsë'kën, e ko yë wa'ats ja'ay aaw ayuk myo'oyë kyupëjkpy yë'ë.

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Dios ni'ik tyukjotkëtäkpy këtiinëm yë wintsë'kën.

Isaías 40:16

Oy jeexyë ja jëyujk jam Líbano tyimyajmëtso'ontääpyë, mëët ja nyija'axy ka'ap myëta'akëty ets Wintsën yajtukwintsë'ëkëty nino'oky nixämy.

Jeremias 6:20

¿Tiijës ko xytyuknimintë yë poom mëti'ipë jam Sabá të xymyëtsoontën ets aay ujts mëti'ipë pa'akxu'kpën, mëti'ipë tso'onpën wiink kajpn? Ëjts ka'apës yë'ëjëty n'oyjyawë ja wintsë'kën no'okpyë xämpyë ets wiinkëtypë wintsë'kën.

Ezequiel 46:9

Ko yë naax kajpn myintëty ma tsajptëjkën ko ënety ja xëëw tyunyë ets t'ëwtata'antëty yë Wintsën, ya'atë tyuntëp: mëti'ipë tëjkëtyëpën ma ja tëjk'aawën anëkëjxytsyowpë, ëpa'tkë'ëytsyow pyëtsëmtëty; e mëti'ipë tëjkëtyëpën ma ja tëjkëtyaknën ëpa'tkë'ëytsyowpë anëkëjxytsyow pyëtsëmtëty. Ka'ap nëjkx pyëtsëmtë maatsow ënety të tyëkëtën, wiintuuytsyow nëjkx pyëtsëmtë.

Daniel 3:26

E ko jëtu'un kyajpxtaay, ënät ja Nabucodonosor ojts jam nyijkxy jëënjut ëkë'ëm ets mëk yujk'ënany: Sadrac, Mesac ets Abed-negó, miitsëty, Dios Ni'ik Këjxmëpë m'u'unk'ajtëtëp, pëtsëmtë jap ets yam mintë. Ënet nitëkëëk pyëtsëëmtaaytyë jap jëënjutjoty,

Daniel 4:9

Mijts Beltsasar, mëti'ipë nyiwintsën'ajtypyën yë wijyjyä'äytyëjkëty, wa'atsës nijawë ko mijts Dios mnë'ëwinwoow mtu'uwinwoowëp ets mnija'awëtyääpy mëti'ipëjaty tsipën. Mëtoow'it mëti'ipë nwinkuma'ayën ets xytyukmëmëtya'akëtyës wi'ix nyiwijyën.

Daniel 5:18

Yë Dios Ni'ik yë'ë yajk yë kutujkëntakn ets mëj'ajtën, mëj'ajt oyajtën ets näyajmëjnaxë ma mteetyën Nabucodonosor.

Daniel 5:21

Yajjëëwijt jam ma ja ja'ayëtyën ets jëtu'un y'awinpijty aayjëyujk ujtsjëyujkën; ojts mëët tsyënaaymyuky yë krukts ets tsajpkaa ets aayjëyujk ujtsjëyujk ëwa'anëtypë, ojts ja jyot nyini'kx nyimaaniky, koonëm t'ijxpaty yë Dios Ni'ik këjxmëpë, mëti'ipë myëët'ajtypyën yë kuttujkën ets mëk'ajtën ma naaxwiinyëtë ja'ayëtyën ets ko yë'ë myoopy ja kuttujkën ja ja'ay mëti'ipë yë'ë y'a'ijxëpën.

Oseas 5:6

Mëët yë kyupixyny yä'äy ets tsyajpkaato'oxy nëjkx t'ixta'atë yë Wintsën, ka'ap nëjkx tpaatë jä'ä ko tëë ënety tmëjëkämkä'äktë.

Amós 5:22

Ka'apës nkupëky yë wintsë'kën mëti'ipë miits mjayajktëpën no'oky xämy etsës nyätyukwintsë'ëkëty; ka'apës nkupëka'any oy jënu'un tsajpkaani'kx xytyukwintsë'ëkëtëtyës ma ja nay'ëëw'oy näykyajpx'oyë xytsyoktën.

Mateo 19:16

Ojts tu'uk yë yä'äy ëna'k tninëjkxy yë Jesús ets tyajtëëy: Wintsën, ¿mëti'ipës mëpaat oy ntuny etsës npaatëty ja juukyajtën xëmëkyëjxmëpë?

Marcos 12:33

Ets ko ja Dios tu'ukyë ntsojkmëty mëët tu'kë'ëyë ja'awën ets mëët tu'kë'ëyë jot winma'any ets mëët tu'kë'ëyë mëk'ajtën; ets ko nmëku'uk'ajtëm ntsojkmëty ijxtëm kë'ëm nätsyojkëmën, nikë oy jëtu'un këtiinëm ko jëyujk ëkë tii ntukwintsë'këmëty ja Dios ets ko tii ntukwino'k ntukwinxa'amëty.

Marcos 5:7

Tääts ayaxp ajojkp t'ënëmaay: ¿Tii mtsojkpy mëët ëjts? Dios ni'ik këjxmëpë y'u'unk. Nmënu'kxtäkpy mijts, tun ja mëyajtën Tioskëjxm, këtiis xyajjotkëxy.

Lucas 10:25

Tu'uk ja tsajptëkotyëtë yaj'ijxpëjkpë wya'kujkëy ets tkäjpxywyitsa'any ja Jesús ets tyajtëëy: Wintsën, ¿tiis ntunëp ets npaatëtyës ja juukyajtën xëmëkyëjxmëpë?

Juan 6:26

Ets ja Jesús y'ëtsoowëtë: Tëy miits nëëmëtë, paaty xy'ixta'atës ko ojts ku'uxyë mkaytyë; ka'ap yë'ëjëty ko miits xy'ixtë ja mëj'ajtën.

Hechos 16:17

Ja to'oxy'ëna'k ojts ëëts xypyatsoontë, ets y'ënäny mayjyä'äyjoty: Ya'atë ye'etyëjkëty, Dios ni'ik këjxmëpë myëtuuntëp. Yë'ë mtukmëmëtyakëtëp wi'ix xypyaatëty ja nitsokën.

Hechos 16:30

Tääts ja pujxntëjk këwent'ajtpë tyajpëtseemy ja Pablo mëët ja Silas ets tyajtëëy: Mëku'ukëty, ¿tiis ntunëp etsës nnitso'okëty?

Hechos 2:37

Ko jëtu'un tmëtoowtë, tää jyotmaytyëjkëtyë ets tyajtëëwtë ja Pedro ets ja wiink ijxpëjkpëtëjk: Mëku'ukëty, ¿tiijës ntuntëp?

Efesios 3:14

Yë'ëkyëjxmës nwinkoxtänë ja Dios,

Hebreos 10:11

Jëpom jëpom ja teetyëjk tyaktë ja wintsë'kën, oy ja poky tkayajwa'atsy.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.