Miqueas 6:5 - Biblia Dc en Mixe de Quetzaltepec

⁵ Nnaax nkajpnës, ja'amyäts wi'ix ojts yë Balac tjatuknipëjktaakën, jampë yajkutukyën Moab ets wi'ix y'ëtsoowinpijtyën ja Balaam, Beor yë myaank. Ja'amyäts ko mnajxy jam Sitim ets mja'ajty Guilgal, mëjpëjkta'ak wi'ix ojts yë Wintsën myëtä'äkyën tsipjotm.

Biblia Mixe de Quetzaltepec

⁵ Nnaax nkajpnës, ja'amyäts wi'ix ojts yë Balac tjatuknipëjktaakën, jampë yajkutukyën Moab ets wi'ix y'ëtsoowinpijtyën ja Balaam, Beor yë myaank. Ja'amyäts ko mnajxy jam Sitim ets mja'ajty Guilgal, mëjpëjkta'ak wi'ix ojts yë Wintsën myëtä'äkyën tsipjotm.

Miqueas 6:5 ပူးပေါင်းရင်းမြစ်များ

Salmos 111:4

Yë myëj'ajtën mëti'ipë të tyaj'ixyën ka'ap tjëkyepy nijëna'a yaja'atyëkoyëty. Yë Wintsën yujy tëtä'äky yë'ë ets pa'ëyoop najts'ëyo'owëp.

Salmos 143:11

Mëët mijts ja mxëëw, Wintsën, yajjuuky'ajtkës. Jä'ä ko mijts mwa'ats yë'ë, yajpëtsëëmkës ma monyë tukyën.

Salmos 36:10

Yajnikëxë'ëk xëmë yë mtsojkën mja'awën ets mëtëypyë ja nipaye'eyën, ma ja ja'ayëtyën mëti'ipë m'ixy'ajtëpën ets mëti'ipë mëtëy juuky'ajtëpën.

Salmos 71:19

Yë mëtëypyë mnipaye'eyën, mijts Dios, jajtp jam tsajpwinm; mëjwiin këjää winë të xytyuny, kamaa jëtu'unpë tios tä mijtsën.

Isaías 1:27

Mëëtës ja ntëyajtën ets ja oypyë ja ntu'unënës nkajpxënës, nyajtso'okäänpyës jatëkok yë Jerusalén ja'ayëty, ets xynyimintëtyës.

Efesios 2:11

Jëtu'un miitsëty, mëti'ipë ka'ap jyutiis'atën, ka'apë tsyuky'atën ets mëti'ipë nätyijëtëp ko tsyuky'atë, mëti'ipë tëë yajnatsujk'ëwtitën ja ye'etyëjk'ajtënëty,

Deuteronomio 16:3

Ja jëyujk mëti'ipë ënety të wyintsë'kën'atyën yë'ë mtukpakaytyëp ja nyitsu'utsy yë tsajpkääky ka'apë tsyooymyëëtëtyën, wëxtujk xëëw y'itëty yë'ë mkaytyëp yë tsajpkääky ka'apë tsyooymyëëtëtyën, tääpë jëtu'unpë tsajpkääky jä'ä yajja'akyukë ëyo'owën jotëko'oyën mëët ko jap Egiptë poj'am mtso'ontë ets ka'ap ojts wintëy m'ëkkaay m'ëk'uknëtë jä'ä ko mjotëkooytyëp ënety. E jëtu'un'äämpy wi'ix jap Egiptë mtso'ontën mapaat mjuuky'atën.

Deuteronomio 23:6

Paaty miitsëty këtii mëët oy'aaw oy ayuk xymyëët'attëty ets këtii mëët nijëna'a mnäy'oyjyawëtëty.

Deuteronomio 8:18

Ja Wintsën mëti'ipë mTiosajtëpën yë'ë xëmë mja'amyätstëp. Jä'ä ko yë'ë mooyëtëp ja oyajtën mëk'ajtën ets winë xypyaatë xy'ixtëty. Ttuny jëtu'un ja mëti'ipë tyukwinwa'anëyën ja m'ap m'okëty.

Deuteronomio 8:2

Mja'amyätstëp wi'ix ojts ja mWintsën jam myajjëtitëtën të'ëts'itum wëxtyikxy jyëmëjt. Këtiipë mëj këjxm mnäjyawëtëty ets t'ixa'any tnijawëja'any pën wi'ix miits myajpaatë ets wi'ix mmaytyë mtajtë, pën nëjkxëp xypyatuntë ja y'ënä'ämën tyiyajtën, ëkë pën ka'ap.

Deuteronomio 9:7

Këtii xyjyä'äytyëkoytyëty nijëna'a, ko miitsëty ojts yë Dios xyajjoot'anpëktë jam të'ëts'itjotm. Tyimtso'ontäky ko jap mtso'ontë Egiptë ets Yaapaat je'eyëm mkäjpxykyumëtoownaxtë.

Josue 2:1

Jam ënety yajpaatë Sitim ko ojts yë Josué tkexy nimäjtsk yë ja'ay jam Jericó ets nëjkx y'ixtë tyuntë ma ja naax kajpnën, jëtu'un t'ënëmaay: Nëjkxtë ixtë tuntë tääpë it naaxwiinyëtë ets xykyëwentëpëktëty wi'ix yajpaatyën yë Jericó kajpn. Ënet ojts nyëjkxtë ets jyajtë jam ma tu'uk ja to'oxytyëjk ja tyëjkën mëti'ipë ja jyot nyini'kx nyimeenypyijkpyën, jä'ä txëëwaty Rahab, jam ojts ja tsuu tyajnaxtë.

Josue 3:1

Komjëpom janty tsojk ojts yë Josué pyëtë'kojy mëët tëkokyë yë Israel ja'ayëty ets tsyo'ontë jam Sitim, jyajtë ma ja Jordán mëjnëëjën; jamts tyaj'o'oyëtyë ja wyitëjkëty ets jam wäänë y'ita'antë.

Josue 4:19

Yë Israel ja'ayëty jä'ä jam tsyo'ontë Jordán, ma myajk'anyën ja mëtu'kpo'opë, mëti'ipë tso'ontakpën jëmëjt'ëjxy ets jam jyajtë Guilgal ma tsyënaaytyaknpëjktën, winkon mëët yë Jericó wyi'imy.

2 Pedro 2:15

Tëkoy y'ijnëtëp yë'ëjëty, jä'ä ko ja oypyë ja në'ë tu'u të t'ëxmatstë ets ja Balaam wyinma'any të tpanëjkxtë, ja Beor myaank mëti'ipë meeny jyajëpëkanën mëët ja ëxëëk winma'any.

1 Juan 1:9

Pën nmaaywyajtsëm ja npoky'ajtëmë, jyëkyejpy ntuk'ijxpäjtmëty ja Dios, wa'atspë, ko myä'kxäämpy ja npoky'ajtëmë ets tu'kë'ëyë mëti'ipë të ntuuntëko'oyëmën.

Judas 1:11

Pyaatantëp ja mëj ëyo'on, jä'ä ko yë'ë tyuuntëp mëti'ipë ja Caín tyuunën. Ko myeeny atsoktë jëtu'un y'ëtë'ëtstë ijxtëm ja Balaamën ets ja Coré ets kë'ëm tku'ookëja'antë ja y'ëxëëk winma'anyëty.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Jueces 11:25

¿Ëkë wi'ixën mijts mnäypyëjktä'äkyë jaakwäänë mëj'äämpy ni'ikë, këtiinëm jyëtu'unëty yë Balac, yë myaank yë Zipor, jampë yajkutukyën Moab? Yë'ë ka'ap yam maa mëët ntsippaatës.

Jueces 5:11

Ets näjyëtu'un mëti'ipë jam yajpatëpën ma ja jëyujk tsajpkaa nyëë'uuktën, ëwtë ya'axtë ets jotkujk yajpaatë, tukpa'ëna'antë yë platillë, ets ëna'antë ko tëë mëta'aktë tsipjotm ma Wintsën të mputëkëtën ma ja tsipën mëti'ipë jam të y'ityën ma ja kajpnëtyën ja mutskëtypë, mëti'ipë yë Israel nyitënääpyën.

1 Samuel 12:7

Paaty tyam nänyipëjktaakëtë, jä'ä ko yë'ëjës yam nkajpxäämpy nmëtya'akäämpy mëët miitsëty Dios wintum, mëti'ipë yë'ë të tunyën oy tsuj ma miitsëtyën ets näjyëtu'un ma ja m'ap m'okëtyën.