Miqueas 6:4 - Biblia Dc en Mixe de Quetzaltepec

⁴ Ëjts mijts nju't jap Egiptë ets ojts nyaj'ëwaatsëpëtsëmy ma ënety mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Biblia Mixe de Quetzaltepec

⁴ Ëjts mijts nju't jap Egiptë ets ojts nyaj'ëwaatsëpëtsëmy ma ënäty mmëtuny m'ëyoyën mëët ja näwyop näkya'atsë; ojts nkexyës yë Moisés, Aarón ets Maria ets mtu'uwinwowëtëty.

Miqueas 6:4 ပူးပေါင်းရင်းမြစ်များ

2 Samuel 7:23

E yë'ë ënät ja Israel kajpn, mëti'ipë mijts mkajpn'ajtypyën, ni pën kyamëpaatëtëty tä yë'ëjën. Tä yë'ëjën, tu'ukyë jëtu'unpë yajpaaty yaa naaxwiiny naaxkëjxy. Mijts Wintsën, mijts ojts xyaj'ëwaatsëpëtsëmy ets mijts xyjyä'ä'atëty; tëë mëj'äämpy xyajnaxy mëët ko winë të xytyuny ma yë'ëjën mëjwiin këjää, jä'ä ko mijts ojts xyajkutëkooytyä'äy ja naax kajpn mëti'ipë ënety atsijpëpën ko tsyo'ony jap Egiptë mëët tukë'ëyë ja tiosëty mëti'ipë y'ëwtajtëpën,

Salmos 77:20

Jëtu'un yë mnaax mkajpn të xywyinye'ey tä yë ja'ay twinye'eyën yë kyupixyny, mëët yë Moisés ets Aarón.

Éxodo 12:51

Jä'ä xëëw ojts ja Wintsën jap tju'tnë Egiptë ja nyaax kyajpn.

Éxodo 20:2

Ëjts jëtu'un Wintsënajtp, mëti'ipë mijts mTios'ajtypyën, mëti'ipë ojts mjuutyën jap Egiptë, ma ënety mmëtuny m'ëyoyën.

Éxodo 3:10

Paaty yam n'ënëëmë ets mnëjkxëty ma yam nkäxa'anyën, nëjkx jam ma kutujktaknën, ma mëj'ënä'ämpë jam y'ityën etsës yë nnaax nkajpn jap xyajpëtsëmëty Egiptë, yë'ë jëtu'un n'antijpyës yë Israel ja'ayëty.

Éxodo 4:10

Ay Wintsën. Jëtu'un y'ëtsooy ja Moisés. Ëjts nijënu'unës nkatukjaty nkajpxëty ets ko jyëtu'unëty ka'ap tyamnëmëty maas yam mijts jëtu'un xymyëkäjpxyën, ëjts jëtu'unyëmës ka'ap oy n'ëy nkäjpxy, koos ënät ëjts njaakajpxpë, je'eyës nëkoo ntyäty y'awë'ëmë.

Éxodo 4:16

Mijts mëëtmëtya'akëp yë Aarón, jëtu'un tääjës jeexyë ëjts nmëmëtyä'äkyën, e yë Aarón yë'ëts ja naax kajpn tyukmëmëtyakta'ajëp, jëtu'un tä ënety mijts të xy'ënëëmën.

Éxodo 6:27

Näy yë'ë ya'atë Moisés ets Aarón ojts t'ënëëmëtë ja yajkutujkpë, mëti'ipë ënety jap ënä'ämpën Egiptë, ko tyajpëtsëma'antë ja Israel ja'ayëty ma tääpë kajpnën.

Jeremias 32:21

Mijts ojts yë Israel kajpn xyajpëtsëmy jap Egiptë mëët yë mëk'ajtën kuttujkën ets xyaj'ijxë yë mmëjajtën wi'ix kawi'ixëty, wa'ats yë ja'ay xy'atsë'këtyääy.

Amós 2:10

E miitsëty jap Egiptë nju'të ets ntu'uwinwoowtë jam të'ëts'itjotm wëxtyikxy jyëmëjt ets nmo'oja'antë ja naax mëti'ipë ënety yë'ëjëty jyä'ä'ajtëpën.

Hechos 7:36

Moisés ojts tyajpëtsëmy ja nteety'ajt n'ap'ajtëm jam Egiptë; ojts tyaj'ixyë ja mëj'ajtën jap Egiptë, jam Mejyjyotm ets wëxtyikxy jëmëjt jam të'ëts'itjotm.

Deuteronomio 15:15

Këtii xyjyä'äytyëkoyëty ko mijts ojts jap Egiptë mmëtuny m'ëyoy ets mWintsën yë'ë ojts jap mjuutyë. E paatykyëjxm tyam mijts ya'atë ënä'ämën nmo'oy.

Deuteronomio 24:18

Nijëna'a xykyaja'atyëkoytyëty ko jap Egiptë näjyëtu'un jap mëk m'ëyoowtë mmëtuuntë. E ko myëpaat'ajty Wintsën ojts jap mjuutëtë. E paatykyëjxm yam miits ntuk'ënä'ämtë ets ya'atë ënä'ämën xypyatuntëty.

Deuteronomio 4:20

E miitsëty, Dios ojts kë'ëm mtimjyuutëtë jap Egiptë, ma ënety myajpaatën mëj jëënjotypyën ets mkajpn niwanëtë.

Deuteronomio 4:34

¿Jää jëtää muum wiinkpë wintsën mëti'ipë yë naax kajpn të twin'ixyën ma kanaak yajpaatën, mëët kanaak ja ëyo'on jotmay, mëj'ajtën, ko tii tyunyë jyätyë; tsip käjpxy, tyaj'ixyë ja myëj'ajtën ets jëtu'un winë tyajtuny tyajjatyë atsë'ëk ajawë; ijxtën winë të tunyën ma miitsëtyën ets mëët miitskyëjxmëty ja mWintsën Dios jap Egiptë?

Deuteronomio 5:6

Ëjts jëtu'un Wintsën, mëti'ipë mijts mTios'ajtypyën ets jap nju'ty Egiptë, ma ënety m'ëyoyën mmëtunyën.

Deuteronomio 7:8

E yë Wintsën tëë jap myajpëtsëmëtë Egiptë ma ënety mëtun m'ëyowtën, ko jap myajpëtsëëmëtë mëj këjää yë myëj'ajtën tyaj'ijxë ma yajkutujkpën, jä'ä ko mëk ënety mtsokëtë mjawëtë ets niwa'aka'any ja y'ayuk mëti'ipë tyukwinwa'anëyën ja m'ap m'okëty.

Deuteronomio 9:26

Etsës nmënu'kxtäky, n'ënëmaayës: Wintsën tun yë mëyajtën, këtii ya'atë naax kajpn xyajkutëkoy, mëti'ipë mijts mkajpn'ajtypyën, mëti'ipë të xyjyuutyën jap Egiptë mëët yë mmëjajtën mkutujkën.

1 Samuel 12:6

Ojts ja Samuel näjyëtu'un ja naax kajpn t'ënëëmë: Yë Wintsën yë'ë jëtu'un ojts tyajtuny yë Moisés ets Aarón ko tyajpëtsëëmtë jap Egiptë yë m'ap m'okëty.