Miqueas 6:14 - Biblia Dc en Mixe de Quetzaltepec

¹⁴ Mjakayëp, je'eyëp ko ka'ap mku'uxëtëty, je'eyëm myuu'ookëtëty; mjayajmukëp mjë'kxy mpëky, je'eyëp ko ka'ap nëjkx tii xypyääty ets oy ënety tii të xyjyapaaty ko ja tsip tyunëtëty jää nëjkx tyëkooytyä'äy.

Biblia Mixe de Quetzaltepec

¹⁴ Mjakayëp, je'eyëp ko ka'ap mku'uxëtëty, je'eyëm myuu'ookëtëty; mjayajmukëp mjë'kxy mpëky, je'eyëp ko ka'ap nëjkx tii xypyääty ets oy ënäty tii të xyjyapaaty ko ja tsip tyunëtëty jää nëjkx tyëkooytyä'äy.

Miqueas 6:14 ပူးပေါင်းရင်းမြစ်များ

Isaías 30:6

Ma yaj'akäjpxyën wi'ix jyata'antën ja jëyujkëty jam Négueb: Ma ja it naaxwiinyëtën kutsë'ëkëpë, ma tsyëënëtën ja kaa ets myu'utë nyiitstë, ma tsyëënëtën ja tsa'any ets jëyujk mëjatypë mëti'ipë kääkëtijtëpën, ja krukts ets ja kwaay tyukmëjnëjkxtëp jap Egiptë ja wyit myeenyëty, ma ja kajpnën ka'apë tii tkëjxmëtyën.

Isaías 65:13

Paaty tyam ja Wintsën y'ënä'äny: Ëjts ja ntuunpëtëjk pyaatantëp ja kyääky y'uuky, e miitsëty ni'ikyë m'ayuu'ata'antë; yë'ëjëty nëjkxëp ja xyiktëpë xyoontëpë, e miitsëty je'eyë nëjkx myajnëxi'ik myajtukxi'iktë.

Isaías 9:20

Nitu'ukjaty yë ja'ay aak ëxëëkëm ja myëku'uk t'ijxnë mëti'ipë pa'atënaayëpën, janty jëtu'un tjajë'kxy tjapo'otsy mëti'ipë pyätypyën anajnytsyow, je'eyëp ko kä'äpyëm kyu'uxyë. Aak kyutsu'tsnëp ja ja'ay ja y'u'unk y'ëna'k:

Jeremias 48:44

Mëti'ipë ënety kyukekpyën ja ja'aymyajtspë, jutjoty nëjkx kyuka'anaxy; e mëti'ipë ënety jutjoty pëtsëëmpën, jam nëjkx nyaskääkë ma yajxokyën, jä'ä koos ënety jëtu'un kë'ëm ntëytyuunpyës ja Moab. Ëjts Wintsën, ëjts ënaanp.

Ezequiel 5:12

Tu'kpëky ma ja tëkëëk pëkpyën, yuu xëëwës ntukyaj'ookäämpy ets pa'am ëyo'on ets ja mëmäjtskpëkpyë nëjkxëp yë myëtsip yaj'ookëtë mëti'ipë ënety të yajnatukyën, e ja mëtëkëëk pëkpyë jëtu'unyës nwojpwa'xta'aja'antë naaxwiinyëtë apëtsëmy. Etsës mpapo'oja'antë mëët yë tëypyujxn nkë'ëkëjxmës.

Oseas 4:10

Mëëtkyëjxm ko ka'ap ja Wintsën t'ëk mëtuunëtë, ja kay ja uuktëp, je'eyëp ko ka'ap kyu'uxëtëty; jyatooktëp ja jyot nyini'kxëty, je'eyëp ko ka'ap y'u'unkpaatëty.

Hageo 1:6

Miitsëty may mni'iptë ets wäänë mpëjktä'äky xyajpëtë'ëktë; mjakaaytyëp ets ka'ap mku'uxëtë; mjänëë'uktëp ets ka'ap mtëëtsë myontë; mjanämyu'uxëtëp ets je'eyëm mtëpooktë; mëti'ipë mëtuunpën ka'ap ja myëju'uny tyajnipety.

Hageo 2:16

¿tiitën ko ijty jëtu'un mjatë mkëpätë? Ko ijty pën tninëjkx i'px tsim ja tsajpmok, je'eyë majk tsim tpaaty; ets ko ijty pën nyijkxy jam ma tsatym nyëë nyäxyën ets wëxtyikxy majk tu'ts tpëka'any, je'eyë ijty tpëky i'px tu'ts.