Miqueas 6:13 - Biblia Dc en Mixe de Quetzaltepec

¹³ Paaty të ntuknipëjktaakës ets ntëytyuna'any ets njo'otsa'any mëët ko të mpokytyuny.

Biblia Mixe de Quetzaltepec

¹³ Paaty të ntuknipëjktaakës ets ntëytyuna'any ets njo'otsa'any mëët ko të mpokytyuny.

Miqueas 6:13 ပူးပေါင်းရင်းမြစ်များ

Isaías 6:11

Ënätës ja Wintsën të n'ënëëmë: Wintsën, ya'atë yam xynyikäjpxyën, ¿jekyën jëtu'un y'ita'anyë? Täätsës të xy'ëtsoy: Koonëm ja naax kajpn kyutëkooytya'atëty ets jäänëm ma ënety ka'ap nitu'uk ja ja'aynyën; tëë ënety ja jëën tëjk tyukwatsta'ay, ets tëë ënety ja kam tu'u y'awinpijta'ay anë'ëk tëëtsë'ëk,

Jeremias 14:18

Koos nëjkxy nkamjoty, xii yaajës muum o'kpë n'ixy mëti'ipë tsipjoty të y'ooktën; koos kajpnjoty ntëkë, yë'ëjës ntuk'ijxpejtyp ja'ay mëti'ipë të yuu'ooktën. Yë'ëpaat yë käjpxynyajxpëtëjkëty ets teetytyëjkëty tsyo'onëtë, nyëjkxnëtë muum wiink kajpn ma ka'ap t'ixy'atën.

Lamentaciones 1:13

Jam tsajpjotm yë Wintsën të xytyuknikexyës yë jëën mëti'ipës nwaay mpajk të tyajtooytyëkoyën; jam ntu'u'amës jamës yë xyoky etsës të xyajwinpity; tëëjës xynyike'eky ets xëmës n'ëyoy njotëkoy.

Lamentaciones 3:11

Tëës xyajtu'utëkatsy ets tëë xyajtsëtyuty, yajxonës të xy'ëtsë'kënë.

Lamentaciones 5:16

Jëtu'unës nyajajnëtë tëë yowë ja nkujanëtyës xykyuka'atutnëtë; janty mon janty tuk ëëts nyajpaatë koos të mpokytyuntë.

Oseas 13:16

Yajtëytyunaanp yë Samaria kajpn ko të tkäjpxykyumëtoownaxy yë Wintsën. Yo'kpuxy y'o'kta'aja'antë, yë y'u'unk y'ëna'këty jëtu'unyë nyaaxkuwopëja'antë ets to'oxytyëjkëty mëti'ipë ënety u'unk mëëtëtyën nëjkxëp yë jyot y'ëwatsta'atë.

Oseas 5:9

Ëjts yam nikäjpxyp ma Israel ja'ayëtyën mëti'ipë kopkpëky tunan jatanëpën ma yë'ëjëtyën: Yë Efraín anë'ëk tëëtsë'ëk nëjkx y'awinpity ma ënety yajtëytyunyën.

Miqueas 1:9

Jä'ä ko yë Samaria tsyëtyut ka'ap tsyo'oka'any: Jampaat të jyä'ty Judá ets Samaria, ma yajpaatyën yë nkajpnës.

Miqueas 6:16

Jä'ä ko mijts yë'ë të xypyanëjkxy ets të xytyuny ja Omri ja y'ënä'ämën ets ja Ahab ja jyiiky myëku'uk; jëtu'un winë të xytyuny tä yë'ëjëtyën. Paaty mijts ets mnaax mkajpn atsë'ëk ajawë jyata'antë ets je'eyë nëjkx yajnëxi'ik yajtukxi'iktë, ja nnaax nkajpnës ja tsyëtsyu'un jam nëjkx kyëtakta'ay ma mijtsën.

Miqueas 7:13

Yë naaxwiinyëtë, aanë'ëk tëëtsë'ëk y'awinpita'any mëët ko të tyëkoytyë yë naaxwiinyëtë ja'ay, jëtu'un wyinpëtsëma'any ja y'ëxëëktu'un y'ëxëëk kajpxënëty.

Hechos 12:23

Ënet ajotkumonë ojts ja Wintsën ja y'anklës yajpa'ampetyë, jä'ä ko ka'ap tmëjja'aw tjaantyja'awëy ja Dios. Ënet tyënë'këy ets y'o'ky.