Miqueas 6:1 - Biblia Dc en Mixe de Quetzaltepec

¹ Mëtoow'itë wi'ix ja Dios y'ënä'änyën: Pëtë'ëk ets tukmëmëtya'ak ja tun kopk ja m'amay mjotmay, wä'än tmëtoow'itë ja m'aaw myo'kn.

Biblia Mixe de Quetzaltepec

¹ Mëtoow'itë wi'ix ja Tios y'ënä'änyën: Pëtë'ëk ets tukmëmëtya'ak ja tun kopk ja m'amay mjotmay, wä'än tmëtoow'itë ja m'aaw myo'kn.

Miqueas 6:1 ပူးပေါင်းရင်းမြစ်များ

Salmos 50:1

Yë Wintsën mëti'ipë Tios'ajtpën ma wiinkëtypë tiosën, tëë kyäjpxy; tëë tmëkäjpxy tëkokyë ja'ayëty jënu'un tsyëënëtën naaxwiiny naaxkëjxy anajnytsyowpë, a'oytsyowpë.

Salmos 50:4

Jam këjxm yë Dios tmëkäjpxy yë tsajp ets naaxwiinyëtë, ets tniminy yë nyaax kyajpn tääts tukwinmëtowa'any tëkokyë tiijaty të tuntën.

Isaías 1:2

Mëtoow'it mijts tsajp, mijts naax, ko ja Wintsën y'ënä'äny: Tëës nyaj'u'unkyeeky ets koonëm të yä'ktakta'atë, je'eyëp ko yë'ëjëty, je'eyës të xykyäjpxy kumëtoownaxtë.

Isaías 3:13

Ja Wintsën tëë tuknipëjktaakë ets tpaye'eyä'äny ja mtëko'oyën, ets mmo'oja'anyë ja tëytyu'unën ijxtëm mpaatyën.

Jeremias 13:15

Miitsëty Israel ja'ayëty, ja'akyukëtë wi'ix yë Wintsën të y'ënä'änyën. Këtii janty mëj janty këjxm mtimnyäjyawëty, yajxon ja'akyukë.

Jeremias 22:29

Naax, naax, naax; mëtoow'it wi'ix yë Wintsën y'ënä'änyën.

Ezequiel 36:1

E mijts ye'etyëjk, mëmëtya'ak yë tun kopk ëjts nxëëwkyëjxmës, mëti'ipë jam ma Israel ja'ayëtyën ets xy'ënëëmëty ko wä'än tmëtoow'itë yë n'aaw n'ayukës.

Ezequiel 36:8

E miitsëty tun kopkëty, mëti'ipë yajpatëpën ma Israel ja'ayëtyën, ujts nëjkx myajpaatë mëët ja aay kepy mëjjëtypë mëti'ipë tëëmpäjtpën mëti'ipës yë nnaax nkajpn nëjkx tjë'kxtë, tëëpë timy pyäätyën wyimpitëty.

Ezequiel 37:4

Ënet ja Wintsën xy'ënëmaayës: Mëkajpx tääpë pajk ëjts nxëëwkyëjxmës. Ets xy'ënëëmëty: Miitsëty maypyajk tëëpë nyitëtstu'utën, mëtoow'itë ja Wintsën ja y'aaw y'ayuk.

Ezequiel 6:3

jëtu'un xy'ënëëmëty: Mëtoow'itë miitsëty Israel kopkëty wi'ix yë Dios t'ënëëmja'anyën yë tun kopk, mëjnëë ets joy jot: Nyajminäämpyës yë tsip mëti'ipë nëjkx tyajkutëkoyën yë wintsë'këntyakn ma tyam xy'ëwtatën wiink tios.

Amós 3:1

Israel ja'ayëty, mëtowtë wi'ix ja Wintsën t'ënëëmën ja kajpn mëti'ipë jap Egiptë yajpëtsëëmën:

Miqueas 1:2

Ni'ëmukë yë naax kajpn, mëtoow'itë ya'atë; ninu'un yë ja'ay tsyëënëtën ma wiinkëtypë naax kajpnën, mëmay mëtajtë ya'atë: Yë Wintsën, yë'ë mtukwinmëtowanëp ja mtëko'oyën jam ma wa'atspë tsyajptëjkën.

Miqueas 1:4

Jëtu'un yë tun kopk jyiiywya'kxa'any ma tyekpya'tkën tä yë cerë jyiiywyä'kxyën ko yajjëënkupëky ets joy it jëtu'un mäjtskpëky wya'kxa'any tä jeexyë mëj komnëë të nyäwyä'kxyën.

Miqueas 5:15

Maas ja ntsip n'äkë ënety nyajnaxyën, ëxëëkës nëjkx ntuny ja naax kajpn mëti'ipës xykyamëmëtoowpën.

Miqueas 6:2

Mëtoow'itë miitsëty tun kopk, mëti'ipë ja naaxwiinyëtë tsyëëm'ijtëpën ta'tspëky; yë Wintsën yë'ë pyaye'eyäämpy ja tyuuntëko'oy kyajpxtëko'oyën ja nyaax kyajpn, näy'ojjanëtëp mëët ja Israel kajpn.

Lucas 19:40

Tääts ja Jesús y'ëtsooy: Tyam miits nëëmëtë pën yë'ë amoontëp, tsaa ya'axan jokantëp.

Deuteronomio 32:1

Ets y'ënäny: Tsajp ets naaxwiinyëtë; mëtoow'itë ya'atë aaw ayuk mëti'ipës yam nkajpxäämpyën, ja'akyukëtë yajxon.

Deuteronomio 4:26

Ëjts tyamës yajxon ntimnyikäjpxy, yë tsajp ets naax yë'ëjës mpëjktäkpy ijxpë tuunpë, ko miitsëty ënätyë nëjkx mkutëkooytya'atë jam ja ma it naaxwiinyëtën mëti'ipë mjä'äpëkantëpën jamtsow nëë'awinm ma Jordán mëjnëëjën. Ka'ap nëjkx jeky xytyukjuuky'atë tääpë naax kam, wa'ats mkëjxta'atëty.

1 Samuel 12:7

Paaty tyam nänyipëjktaakëtë, jä'ä ko yë'ëjës yam nkajpxäämpy nmëtya'akäämpy mëët miitsëty Dios wintum, mëti'ipë yë'ë të tunyën oy tsuj ma miitsëtyën ets näjyëtu'un ma ja m'ap m'okëtyën.

1 Samuel 15:16

Amonyë it, tyam yajxon ntuk'ëwaanëty wi'ixës yë Wintsën tsu'uy të xy'ënëëmën. Jëtu'un ja Samuel y'ëtsooy: Nikajpx tyamës n'amëtoow'ity.