Miqueas 5:9 - Biblia Dc en Mixe de Quetzaltepec

⁹ Jëtu'un xynyipëtë'ëka'any mijts Wintsën ets xyajkutëkoyä'äny tu'kë'ëyë ja mmëtsiptëjk.

Biblia Mixe de Quetzaltepec

⁹ Jëtu'un xynyipëtë'ëka'any mijts Wintsën ets xyajkutëkoyä'äny tu'kë'ëyë ja mmëtsiptëjk.

Miqueas 5:9 ပူးပေါင်းရင်းမြစ်များ

Isaías 26:11

Mijts Wintsën janty jëjp'ixy jam xyjyamëët'aty yë tëytyu'unën, je'eyëp ko yë ëxëëkja'aytyëjk nijënu'un mëj tkatimy'ixtë; ko ënety t'ixtë wi'ix yë mtsojkën mja'awën xyaj'ixyën ma mwa'atsja'aytyëjkën, jää nëjkx tukxi'iky ja ëxëëkja'aytyëjkëty wyë'ëmtë. Jääpëk jeexyë ja mtsip m'äkë yajkëxëtë.

Salmos 21:8

Yë mkutujkën myëmëtakta'ajäämpy yë mëtsiptëjk; ets mëët ja m'ënä'ämën mkutujkën xyajkutëkoyä'äny tëkokyë mëti'ipë m'ëxëëk'ijxëpën,

Isaías 11:14

Tu'ukmukyë nëjkx nimäjtsk nyäkyuwa'anëtë ma ja filistejë ja'ayëtyën ets ëxëëk nëjkx tuntë ja mëti'ipë jam tsënaaytyëpën maatsow yë xëëw pyëtsimyën; nëjkxëp tukupëktë ets y'ayak y'akonëtëty ja jampë ja'ay tsyëënëtën. Ja myëk'ajtën jampaat nëjkx jyä'ty ma ja Edom kajpnën ets ma ja Moab kajpnën ets nëjkxëp ja Amón ja'ayëty myëtunëtë.

Salmos 10:12

Pëtë'ëk Wintsën, xajë'ëk yë mkë'ë. Këtii xyjyä'äytyëkoyëty mëti'ipë jëëpy yaxpën.

1 Corintios 15:25

Jëtu'un ja Kristë nëjkx yë'ë y'ënä'ämnë koonëm ja myëtsip tmëmëtakta'ajëty.

Lucas 19:27

E ja nmëtsipës mëti'ipë ka'ap të tsoktën etsës ëjts nyajkutukëty, yaa yajmintë ets xyaj'ooktëty ëjts nwintuuyës.

Isaías 37:36

Ënet ja Wintsën ja kyukäjpxy ojts tsyoony ets ojts nyijkxy jam ma ja Asiria ja'ayëtyën, tääts tyaj'o'ky nimëko'px ja majkta'px mëkoxk mil ja Asiria ja'ay. Komjëpom aak ooky ojts kyuxëënyëtë.

Isaías 33:10

Ënet ja Wintsën y'ënä'äny: Ëjts yam ntuktëkëjäämpy tääpë jotmay, tyamës nyaj'ixa'anyë ja nmëk'ajtën n'oyajtën.

Isaías 1:25

Nnixajë'ëkäämpy yam jatëkok etsës nino'kta'aja'any ja mpu'uxm; nyajwa'atsäämpyës ma ëxëëk myajpaatyën.

Salmos 106:26

Ënet jyoot'anpëjky ets ojts tnikäjpxy ko yaj'ooka'an yajtëkoya'anëtë jam të'ëts'itjotm,

Hageo 2:22

nyajkutëkoyäämpyës yë yajkutujkpëtëjk naaxwiinypë ets nyajkujijnaxa'anyës yë pyo'kxtaknëty; nyajma'atäämpyës yë pyujxn wintëkäämpëty mëti'ipë myëtsiptuuntëpën etsës nyajkënajxta'aja'any mëti'ipë jam ënyääytyëpën ets y'o'kta'atëty yë kyëwaayëty ets mëti'ipë këwaaytyuk'ënyääytyëpën; nitu'ukjaty aakyë'ë nëjkx kyupuxëtë yë myëkä'äxtëjkëty.

Zacarías 9:10

Yë'ë yajkutëkoyäämpy yë Efraín yë pyujxnwintëkäämpë, yë kyëwaay yë Jerusalén kajpn ets ti'pxn mëti'ipë myëtsiptuuntëpën. Yë'ë nyikajpxäämpy ja jotkujk'ajtën ma tu'kë'ëyë ja naax kajpnën ets yajkutuka'any naaxwiinyëtë apëtsëmy, tyimtso'ontä'äky jam Éufrates ets tyimja'ty ma naaxwiinyëtë jyëjpkëxyën.