Miqueas 5:2 - Biblia Dc en Mixe de Quetzaltepec

² E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Biblia Mixe de Quetzaltepec

² E mijts Belén, mëti'ipë näjyëtu'un yajtijpën Efrata, mutskpë kyajpn'atyën ma Judá kyajpnën, jam tu'uk ënä'ämpë pyëtsëma'any mëti'ipë nëjkx yajkutukyën Israel, yë'ë jyä'äy yë tëëyëpë jyuuky'atën.

Miqueas 5:2 ပူးပေါင်းရင်းမြစ်များ

Génesis 35:16

Ënet ojts nyëjkxtë ma it naaxwiinyëtë txëëwatyën Betel, jëkäm wäänjaty wyi'imy yë Betel mëët yë Efrata, ko ojts yë Raquel yë u'unk maay tyajminy naaxwiiny, tsip ojts tyajmëxu'unk'aty.

Génesis 35:19

Jëtu'un ojts yë Raquel y'ooky tyëkoy ets jam nyaaxtëjkëy tu'u'am, ma ja Efrata y'itjotmën, mëti'ipë tyam txëëwajtnëpën Belén.

Génesis 48:7

Koos ojts nwinpijnë jam Padán-aram, ojtsës xykyu'o'knë yë mtaak Raquel jam ma nyaaxjotmën yë Canaán; jamës ënety ntimjya'tanëtë Efrata, tääjës ojts jämyë nyajnaaxtëkë jam tu'u'am, mëti'ipë tyam txëëwajtnëpën Belén.

Génesis 49:10

Ni pën yë Judá kyapëjkëtëty yë myëk'ajtën ets kyutujkën ets kyepy mëti'ipë kyë'ëjotm myëët'ajtypyën, koonëm tëy myinëty ja mëti'ipë nyiwintsën'ajtypyën ja kepy tampë tkë'ëkap'atyën, mëti'ipë nëjkx ja naax kajpn tmëmëtowtën.

1 Crónicas 2:54

Yë y'u'unk y'ëna'k yë Salma jä'ä xyëëwajtë: Belén ets mëti'ipë yajtijtëpën netofatitës, atrot-bet-joab ets nikujkwä'kxy ja manahetitë ja'ayëty, soreitë ja'ayëty

Salmos 132:6

Jam Efrata ojts yajnikäjpxy y'ity ja kaaxë mëti'ipë ja käjpxytyu'unën myë'ijtypyën, ets tyam jam yajpaaty winwa'atstum ma ja Jaar y'itjotmën.

Salmos 90:2

Tyimtso'ontäky jëtu'un ma ënety ka'ap ja tun kopk kyojynyëmën, ets ma ënety ka'ap ja naaxwiinyëtë jyää'atynyëmën, ko jyeky'äjty ets tyampaat mijts jëtu'un mTios'ajtp.

Éxodo 18:21

Mëti'ipë tëy mijts mtunëp, win'ix kanaak yë ja'ay mëti'ipë m'a'ijxëpën oy winë tuntë ets tsyë'këtyëp yë Dios ets mëtëy winë tkajpxtë tmëtya'aktë, ijxtëm yë ja'ayëtyën mëti'ipë ka'ap tii yë myëku'uk awin'ëënë tpëjkën ets jëtu'un xytyuknipëkëty ya'atë tuunk, mëti'ipë wyintänëtëpën ja ja'ayëty nitu'kmiljaty, nitu'kmëko'pxjaty, niwëxtyikxymyajkjaty ets nimajkjaty.

Éxodo 18:25

Ojts twin'ixy ja ja'ayëty mëti'ipë winë oy tyuuntëpën jam ma ja Israel kajpnën ets tmooy ja ënä'ämën kuttujkën ma ja ja'ayëtyën tu'kmiljatypë, nimëko'pxjatypë, niwëxtyikxymyajkjatypë ets ma ja nimajkjatypyën.

Isaías 11:1

Jëtu'un tä tu'uk kepy jyiitsyën, jëtu'un ja Jesé tu'uk ja jyä'äy pyëtsëma'any.

Isaías 53:2

Wintsën kë'ëm të t'a'ixë ets tyuunpë yääkëty pyätëty tä aay ujtsën wintë'ëtstuuypyë. Ka'ap ijty oy yaj'ixy ets ka'ap ijty nijënu'un ja wyiin jyëjp tyäky, ja jyot nyini'kx aak tëkatsy ets aak ma'at ijty;

Isaías 55:4

Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Isaías 7:14

Yë Wintsën yë'ë kë'ëm yakäämpy yë ijxpäjtën: tu'uk ja to'oxytyëjk tyajmëxu'unk'ata'any ja u'unk maay, ets tyajxëëwpäta'any Emanuel.

Jeremias 30:21

Jam nëjkx pyëtsimy mëti'ipë nikopk'atëtëpën, tu'uk ënä'ämpë jam tsyoona'any ma yë'ëjëtyën. Nëjkxëpës n'ëwa'atsy etsës xymyëwinkontëty, ¿pën ëkmayëtëp ëjts xymyëwinkonëty? Yë'ë nëjkx nkajpn'atyës, ëjts nëjkx xyTyios'atës. Ëjts Wintsën, ëjts ënaanp.

Oseas 6:3

Tsojk winma'any mëk mpëjktakëmë ets n'ixy'ajtmëty yë Wintsën. Xynyimina'anëm yë Wintsën ets kopkpëky xynyimina'anëmë jëtu'un tä kopkpëky yë xëëw pyëtsimyën, jëtu'un tä kyopkpëkyëtyën ko yë naax tyajmëyäty yë nëë tuu ma pyotm'atyën ets ma xyëkopk'atyën.

Amós 9:11

Pyätyp ja xëëw jëmëjt ma ja David nkoj'oyëja'anyënës yë tyëjkxo'omy mëti'ipë ojts kyëtäyën. Nyaj'ëtujkta'ajäämpyës yë jut, nyajpëtë'kta'ajäämpyës yë potsy maajaty të jyutyën ets nkoj'o'oyëtya'aja'anyës mëti'ipëjaty të jyityën ets jëtu'un nyaj'awinpita'anyës tä ijty tëëyëpën ma ënety jyotkujk'atyën,

Miqueas 4:10

Näwyiit näyxyaatsët ets ya'ax jok, mijts Sión kajpn, jëtu'un tä tu'uk yë to'oxytyëjkën mëti'ipë u'unk maay pyaatäämpy y'ixäämpyën, jä'ä ko tso'onta'ajantëp yë mja'ay ets nëjkx jam muum wintë'ëtstuuy jyuuky'atë, jampaat Babilonyë jya'ta'antë. E yë Wintsën nëjkxëp jam tyajpëtsëmy yë nyaax kyajpn; nëjkxëp tyajtso'oky ma ënety yajpaatyën myëtsip'akujky.

Zacarías 13:7

Yë Wintsën mëti'ipë maaytyääyëpën winë, jëtu'un y'ënä'äny: Pëtë'ëk, tëypyujxn, nipëtë'ëk yë kupixyny këwent'ajtpës ets nipëtë'ëk yë ja'ay mëti'ipës xypyutëjkëpën. Yaj'ook mëti'ipë kupixyny këwent'ajtpën ets kyääkwa'kxta'atëty yë kupixyny, etsës mëtsip n'awinpita'anyës ma ja kupixynyëtyën.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Mateo 2:1

Belén ja Jesús ojts myiny kye'exy, Judea y'itjotm. Herodes ënety jam yajkutujkp. Tääts jam Jerusalén jyajtë ja matsa'a ixtääpyë mëti'ipë tso'ontëpën xëëwpëtsëmtsyow.

Mateo 2:6

Mijts Belénkëtë kajpn, Judea y'itjotmëtë, ka'ap mijts mnanëkookajpnëty ma tääpë naaxën, jä'ä ko jam tu'uk ja yajkutujkpë pyëtsëma'any mëti'ipë tyu'u wyinye'eyäämpyën yë n'Israel kajpnës.

Mateo 28:18

Tääts ja Jesús myëwinkoonëtë ets y'ënëmaayëtë: Tëës ja Dios xymyooytyä'äy ja kuttujkën jam tsajpjotm ets naaxwiinyëtë.

Lucas 23:2

Jamts tni'ë'ënëtyë ets y'ënantë: Tëës ya'atë ja'ay nkupaatëtë ko t'akajpxë ja naax kajpn. Jëtu'un y'ënä'äny ets ka'ap yajmo'ojëty ja këpäjtën ja yajkutujkpë kopk César ets nän ënaanp ko yë'ëty Kristë, yajkutujkpë.

Lucas 23:38

Tam ja letrë ënety të tkëxja'atë kyëpäjky, griego, latín ets hebreo ayuk mëti'ipë ënaanpën: Ya'atë ja jutiis yajkutujkpë.

Juan 7:42

Jëtu'un ja Dios ja y'aaw y'ayuk y'ënä'äny ko ja yajkutujkpë David ja y'u'unk y'ok nëjkx Kristë'aty ets jam tsyoona'any Belén, jä'ä ko jam ja David ijty kyukajpnëty.

Deuteronomio 1:15

Paatyës ojts nikajpxpety ja ja'ayëty tu'ukjaty ma tu'kkajpnjatypë yajpaatën, mëti'ipë wijyëtyën ets nyijawëtëp ja tuunk ets ojts yë'ëjëty nkutujkënmo'oyës ma miitsëtyën. Tam mëti'ipës ntuknipëjkën twintänëty ja ja'ay nitu'kmilpë, nimëko'pxpë, niwëxytyikxymyajkpë, nimajkpë ets tam mëti'ipë tu'kkajpn ojts je'eyë pyäätyën.

Colosenses 1:17

Taayëm yë Kristë naamka'anëm ënety tii kyojynyëm, yë'ë yaj'ijtääpy winë oy mëti'ipë jää'ajtpën.

Hebreos 13:8

Jesukristë je'eyëm yajpaaty ijxtëm ëxë'ëyën, tyam ets xëmëkyëjxm.

Hebreos 7:14

Yajnija'ap wa'ats ko ja Wintsën jam pyëtsiimy ma Judá y'u'unk y'okën, yë Moisés ka'ap ojts nikäjpxy ko jam pyëtsëma'any ja teety ma ja Judá ja y'u'unk y'okën.

1 Juan 1:1

Yë'ë miits yam ntuknija'ayëtëp ma yajnimëtyä'äkyën mëti'ipë ijty jää'ajtpën ma winë tsyo'ontäkyën, mëti'ipë të n'ijxëmën, të nmëto'owëmën ets të nto'on të nmajtsëmën.

Apocalipsis 19:16

Ma kyë'ëjën ets ma kyë'ëpoontyën jam tmëët'aty këxja'ay: Yajkutujkpë kopk ma ja yajkutujkpëtyën ets Wintsënkopk ma ja wintsënëtyën.

Apocalipsis 2:8

Yë'ë yajnija'ayëp yë tsajpjotmëtë kukäjpxy jampë yajpaatyën Esmirna: Jëtu'un y'ënä'äny mëti'ipë tso'ontakpën ets mëti'ipë tyukjëjpkëjxypyën, mëti'ipë o'kën ets mëti'ipë të jyuukpyikyën jatëkok.

Apocalipsis 21:6

Ënet xynyëmaayës: Tëë tyuunta'ay jyajta'ayë winë. Ëjts ntuktso'ontäkpy ets ëjts ntukjëjpkëxyp. Ëjts tso'ontakp, ets ëjts jëjpkëjxp. Pën tëtsëp, namëyajtënës ntuk'uuka'any ja wa'ats nëë mëti'ipë yajjuuky'ajtpën xëmëkyëjxm.

Jueces 17:7

Jam Belén jam ijty tu'uk tsyëënë yujkyeeky'ëna'k, Judá jyä'äy, Leví y'u'unk y'ok.

Rut 1:1

Jä'ä xëëw, jä'ä jëmëjt, ma ënety y'ënä'ämtën yë tsiptuunpë ja'ayëty tsip'ixypyë jam Israel kajpnjotm, ojts yë yuu xëëw y'ity. Paatykyëjxm ojts tsyo'onë tu'uk yë ja'ay, Elimélec xyëëwajtyp, jam kyukajpnëty Belén, Judá y'itjotm ets ojts nyijkxy tsënääpyë ma Moab y'itjotmën. Ojts twoownëjkxy yë tyo'oxytyëjk Noemi ets nimäjtsk yë myaank: tu'uk txëëwaty Mahlón ets tu'uk Quelión. Jä'ä yajtijtë Éufrates ja'ayëty, jä'ä ko jam tsyoontë Belén. Ojts jya'të jam Moab ets jam tsyënaaytyaknpëjktë.

Rut 4:11

Tä y'ëtsoowtë ja mëjja'aytyëjk ets ja mëti'ipë ënety jam yajpatëpën: Jëtu'un, tyam ëëts njanty'ixtë. Dios yë'ë yajkutukëp ets to'oxytyëjk mëti'ipë tyam tëkëjaanpën ma mjëën mtëjkën jëtu'un yajpaatëty tä yë Raquelën ets Lea mëti'ipë ntaak'ajt ntsi'tsk'ajtëmën. E mijts nän mëj'äämpy mnaxëty ma Efrata ets Belén nyaaxwiinyëtën.

1 Samuel 10:19

E tyam m'ixtijnëtëp ja Tiosnë mëti'ipë të mjuutëtën ma ënety ja amay jotmay xymyëët'atën. Yë'ë jëtu'un m'ixtijtëp ko miits tu'uk yë yajkutujkpë xy'amëtowtë mëti'ipë m'ënä'ämëtëpën. E paaty ënät tyam n'ënëëmëtë ets xywyinkuwa'akëtëty yë Wintsën tu'kkajpnjaty ets tu'kja'ayjyäty.

1 Samuel 17:12

Jä'ä jëmëjt ma ja Saúl y'ëne'emyën, jam Belén, tam ijty tu'uk yë ja'ay tsyëënë, jä'ä xyëëwajtyp Jesé, tëë ënety myëjja'ayënë. Nituktujk ijty ja myaank: tu'uk David xyëëwajtyp.

1 Samuel 17:18

Mënëjkx näjyëtu'un ya'atë kesë ets xymyo'ojëty yë tsiptuunpë Wintsën. Jam xy'ixëty yajxon wi'ix ja m'ajty yajpaatë ets mëminëp oynatii mëti'ipës ntuk'ixëpën ko oy mëk jamëty.

1 Samuel 23:23

Yajxon ixtë tuntë maajëty yë kyuyu'tstakn tmëët'atyën ets maajaty tmëët'atyën yë tyëjkëtyakn. Jëtu'untsës yajxon xytyuk'ëwaanëtëty ets mpanëjkxtëty. E pën janty jamtsën yajpaaty, kë'ëmës yam nëjkx n'ixta'ay piiwnaxy tajnaxy ma Judá jyä'äyën.

1 Samuel 8:12

Pënëty nëjkx tpëjktä'äky ets tniwintsën'atëty nitu'kmil ja tsiptuunpë ets mëti'ipë nëjkx tniwintsën'atëty niwëxtyikxymyajk je'eyë. Nëjkxëp näjyëtu'un tpëjktä'äky mëti'ipë ja kyam tyu'u pëjktakxëtëpën ets mëti'ipë nëjkx ja pëjktä'äky tyajpëtë'ëktën; ëpëky nëjkx tpëjktä'äky pën yaj'oyëtëpën ja ti'px, ja ku'umën, ja yenypyujxn ets ja pujxnwintëkäämpë mëti'ipë myëtsiptuuntëpën.