Miqueas 5:14 - Biblia Dc en Mixe de Quetzaltepec

¹⁴ Nkë'ëtsë'käämpyës yë mkepy mëti'ipë mkënukxyjya'apën ets nyajkutëkoyäämpyës tëkokyë yë mnaax mkajpn.

Biblia Mixe de Quetzaltepec

¹⁴ Nkë'ëtsë'käämpyës yë mkepy mëti'ipë mkënukxyjya'apën ets nyajkutëkoyäämpyës tëkokyë yë mnaax mkajpn.

Miqueas 5:14 ပူးပေါင်းရင်းမြစ်များ

2 Reyes 17:10

Ojts ja tsaapotsy muum tpëjktaknëtë mëti'ipë y'ëmaaytyijtëpën ets ojts tyajnikojtutnëtë ja Aserá, jam muum tunkëjxm ets jam muum kepypya'tkë'ëm,

Salmos 149:7

ets ja naax kajpn xyajkutëkoytyëty mëti'ipë ëxëëk të mtunëtën, jëtu'un xytyukkumëtowtëty ja nyëë pyokyëty

Salmos 149:9

ets y'atëwëty jëtu'un ijxtëm ënety të yaj'awitsyën ja pyokyëty tä myinyën këxja'ay. Jëtu'un nëjkx ja ja'ay mëj'äämpy nyaxtë mëti'ipë oy juuky'ajtëpën. Tukxoontä'äky mëjjawë Dios yë xyëëw nyaxëty.

Éxodo 34:13

Ni'ikyë xyjyijtë'kta'atëty yë wyintsë'këntyakn ets xyajma'ta'atëty yë tsyaapotsy ets kepy tyetsy.

Isaías 17:8

Ka'ap nëjkx jää y'ëkyajtuunë këwentë ja wintsë'këntyakn ets ja awinax mëti'ipë ja'ay kë'ëm yajkojtëpën. Ka'ap nëjkx pën y'ëk'ijxpatënë ja kepy kyopk mëti'ipë ja'ay yaj'ëmaay'ijtëpën ets yë'ëpaat ja wintsë'këntyakn ma ja tyiosëty tukwintoytyën ja poom.

Isaías 27:9

Je'eyëp ko ënät tpokymyä'kxa'any yë Jacob, pën pyatuumpy mëti'ipë yaj'amëtoopën: Ko naaxwayën tuunta'ajëty yë wyintsë'këntyakn ma t'ëwtatyën ka'apë Tyiosëtyën, jëtu'un tukpu'ujëtya'ajëty tä jeexyë ja'ay tsaa twaaytyä'äkyën mëti'ipë yajaamkojpyën ets ka'ap nimaa wyë'ëmëty tu'kpuxyën yë kepy mëti'ipë y'ëwtajtypyën, yajma'ta'ajëp yë wyintsë'këntyakn ma poom tukwinjokyën yë tyiosëty.

Jeremias 12:17

E ja naax kajpn mëti'ipës ka'ap xymyëmëtoyën, jëtu'unës nnujkë'ëka'any naaxkëjxy tä ja'ay ujts tnujkë'ëkyën etsës nyajkutëkoyä'äny. Ëjts Wintsën, ëjts ënaanp.

Lamentaciones 2:2

Nitu'uk yë Wintsën yë Jacob jyëën tyëjk të tkayajwë'ëmë; poj'am të tyajkutëkooytyä'äy, yë Jacob yë nyaax kyajpn mëti'ipë ënety ta'tspëky ets këwent'aty ijtpën; tëë tjaamteeny tnaaxteety yë yajkutujkpëtëjk ets y'ënä'ämpëtëjkëty.

Nahúm 1:14

Jëtu'un yë Wintsën yë ënä'ämën të tyajwë'ëmy ma mijtsën Nínive yajkutujkpë: Ka'ap xymyëët'ata'any yë u'unk ok mëti'ipë nëjkx tmëwë'ëmyën yë kuttujkën ets mxëëw; nyajkutëkoyäämpyës yë awinax jap ma mtsajptëjkën ets jap nëjkx nnaaxnitajy jä'ä ko mijts jëpyëkëm mkëxë'knë.