Miqueas 4:8 - Biblia Dc en Mixe de Quetzaltepec

⁸ E mijts Jerusalén, mëjpotsy ets mëti'ipë ta'tspëky yajpatpën jam Sión, mijts nëjkx jatëkok m'awinpity kajpn kopk ma ja kuttujkën y'ityën, jëtu'un tä tu'uk yë taakën nëjkx jatëkok m'ity tä ijty tëëyëpën.

Biblia Mixe de Quetzaltepec

⁸ E mijts Jerusalén, mëjpotsy ets mëti'ipë ta'tspëky yajpatpën jam Sión, mijts nëjkx jatëkok m'awinpity kajpn kopk ma ja kutujkën y'ityën, jëtu'un tä tu'uk yë taakën nëjkx jatëkok m'ity tä ijty tëëyëpën.

Miqueas 4:8 ပူးပေါင်းရင်းမြစ်များ

Génesis 35:21

Yë Israel ojts tyu'uye'ey'ëti'itsy ets ojts jam jyä'ty ma ja mëjpotsy txëëwatyën Edar, jam ojts wäänë tu'ktsojkyë y'ity.

2 Samuel 5:7

David ka'ap tii mëj tja'awëy, ojts ja kajpn tnitëkë mëti'ipë ënety yajtijpën Sión, mëti'ipë tyam ja David kyajpn'ajtypyën.

Nehemías 3:25

Ma jam yë Binuy jyä'ä tyajjajtyën jam tpatëjkëy yë Palal, myaank yë Uzai, wa'ats tkoj'o'oyëtyääy ja potsy mëti'ipë jampë jamën ma ja potsy tyäkën ets tpojts'o'oyëy ja mëjpotsy mëti'ipë nyinajxypyën ma ja yajkutujkpë ja kyutujktakn;, mëti'ipë kutujkëntëjk ëkë'ëy najxpën. Jam tpatso'ontäky yë Pedaías, yë myaank yë Faros,

Salmos 24:7

Ëwa'ats itë mijts tëjk'aaw xëmëkyëjxm. Jëtu'un wë'ëmtë ëwa'ats nitu'ukjaty, ets tyëkëty ja yajkutujkpë mëti'ipë myëët'ajtypyën ja mëj'ajt oyajtën.

Salmos 48:3

Dios yë'ë jam yajpatp ma akujktëjkën jam Jerusalén tëë Dios nyänyikäjpxyë ko yë'ë tsoktakn'ajtp xëmëpë y'ityën.

Salmos 61:3

jä'ä ko mijts ntsoktakn'ajtyp. Jëtu'un mijts m'ity npë'aayës tä tu'uk yë mëjpotsyën mëkpë tyänën ets jëtu'un ka'ap tjëkyepy yë nmëtsipës xymyëmëta'akëty.

Cantares 4:4

Yë myo'kn jëtu'un tä ye'nypyotsyën mëti'ipë kujkyë tënääpyën mëti'ipë David ojts yajtuknikojën. Ma tkëxjäntën yë y'akëëytyukëty yë tsiptuunpëtëjkëty jotmëkëtypë.

Isaías 1:26

Jä'äjës ntsoky ets jatëkok xymyëët'atëty m'ënä'ämpë mkutujkpë ijxtëm ijty tëëyëpën, xymyëët'atëty jatëkok mëti'ipë mnajts'ëw mnajtskajpxëtëpën. Koos ënety jëtu'un të ntuny tääts nëjkx jatëkok myajtijy Oykyajpn Wa'ats Kajpn.

Isaías 10:32

Ya'atë xëëw jam ja mëtsip të wya'akwë'ëmy Nob; tëë y'ënä'äny ko yajnitëkëty ja Sión kajpn, jam tunkëjxm ma ja Jerusalén kajpn yajpaatyën.

Isaías 5:2

Yajxon ojts naax tajyuky, wa'ats tpiiwpëtsëëmtaay ja tsaa ets ojts nakemy. Jam kam'itkujky ojts tu'uk ja tëjk tkojy, ets tnipëjktakëy ma ja tsatym yajwinma'atsëtyën. Ja nmëku'ukës jëtu'un tjëjp'ixy pa'ak yowë ja tsatym pyëtsëmëty, e ko ja tsatym ojts tyëëm'aty, aak xunëty ojts pyëtsimy.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Daniel 7:18

Ok nëjkx yë Wintsën Ni'ik kyë'ëtëjkëtyä'äyë yë kutujkëntakn ets nëjkx yë'ë tjä'ä'aty xëmëkyëjxm.

Abdías 1:21

Ko ënety të myëta'aktë tääts nëjkx jam pyätë ma Sión kopkën ets jam tni'ënä'ämëtëty mëti'ipë tsënaaytyëpën ma Esaú y'itjotmën, kopkjotypë ets Wintsën yë'ë nëjkx yajkutuky.

Miqueas 2:12

Nyajtu'ukmujkta'ajäämpyës yë Jacob yë nyaax kyajpn; njaakyajmukäämpyës yë Israel ja'ayëty mëti'ipë të wë'ëmtën. Jëtu'unës nyajye'eymyuka'any tä ye'eymyuktën yë kupixyny ma kemyjotmën, tä yë kupixyny ye'eymyuktën ma y'oktën ets yajmëtoy ko nyimay'atë.

Zacarías 9:10

Yë'ë yajkutëkoyäämpy yë Efraín yë pyujxnwintëkäämpë, yë kyëwaay yë Jerusalén kajpn ets ti'pxn mëti'ipë myëtsiptuuntëpën. Yë'ë nyikajpxäämpy ja jotkujk'ajtën ma tu'kë'ëyë ja naax kajpnën ets yajkutuka'any naaxwiinyëtë apëtsëmy, tyimtso'ontä'äky jam Éufrates ets tyimja'ty ma naaxwiinyëtë jyëjpkëxyën.

Zacarías 9:12

Miitsëty jënu'un tsumy matsy myajpaatën, mëti'ipë ka'ap të xyjyä'äytyëkoytyën ja jotkujk'ajtën, winpitë jatëkok jam ma ja kajpnën mëti'ipë ta'tspëky ets këwent'atyën yajpatpën. Jëtu'un miits n'ënëëmëtë ko mäjtsk'oknipety nmo'oja'antë yë kënu'kxën ko të m'ëyowtë.

Zacarías 9:9

Xoonta'ak mëjwiin këjää mijts Sión kajpn. Akujk jotkujk m'ëwëty mya'axëty, mijts Jerusalén kajpn. Jä'ä ko tää mniminyë mëti'ipë mkutujkpë'atäämpyën, oypyë jyä'äy'ätyën ets mëti'ipë xëmë mëtakpën; je'eyëp ko yu'unk naxym myiny, krukts tyuk'ënyääpy, kyërukts këjxy myiny, yë'ë krukts mëti'ipë nän krukts të yajmëxu'unk'atyën.

Mateo 21:33

Mëtoow'itë ya'atë wiinkpë ijxpäjtën: Tu'uk ja ja'ay ojts tpëjktä'äky ja tsyätym kam ets tnakeemy tnapëjky, ënät t'oytyuuny tu'uk ja tsyätym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk yajtukë'ëtëjkëtyë ënu'kxy ja kam ets ojts nyijkxy ëpëky it ja wintsën.

Marcos 12:1

Ënet ja Jesús yaj'ijxpëjktso'ony mëët ja ijxpäjtën ets y'ënäny: Tu'uk ja ye'etyëjk ojts tpëjktä'äky ja tsatsymkyam ets tnakeemy tnapëjky, ojts t'oytyuny tu'uk ja tsatym mä'tstakn ets ojts tkojy tu'uk ja potsy janty këjxm ma yajkëwent'atëtyën ja kam. Tääts ja tuunpëtëjk ojts tuknipëky ja kam ets ojts tsyoony nyijkxy jëkäm.

Efesios 1:21

ojts tpëjktä'äky ets tnikopk'atëty tu'kë'ëyë ja ënä'ämën kuttujkën, mëk'ajtën ets ma tu'kë'ëyë mëti'ipë jää'ajtëpën, ma tyampën ets mëti'ipë miimp këtakpën.

Apocalipsis 22:5

Ka'ap ja kootspë jam y'ita'any ets mëti'ipë ënety jam tsënaaytyëpën, ka'ap ja kutë'kxn tyajmëyata'antë, ni ja xëëw'an, jä'ä ko ja Wintsën, yë'ë jam kutë'kxëtëp ets yajkutukëtëp xëmëkyëjxm.