Miqueas 4:4 - Biblia Dc en Mixe de Quetzaltepec

⁴ Oy nëjkx jyuuky'atë yë ja'ayëty ets ka'ap nëjkx tsyë'ëkëtë jyawëtë; nëjkxëp yë ja'ayëty pyo'kxtë pyëktë kepypya'tkë'ëy ma higos pa'tkën ëkë ma tsatym kyepy nyinikën. Yë Wintsën, yë'ë kë'ëm të y'ënä'äny, mëti'ipë maaytyääyëpën winë.

Biblia Mixe de Quetzaltepec

⁴ Oy nëjkx jyuuky'atë yë ja'ayëty ets ka'ap nëjkx tsyë'ëkëtë jyawëtë; nëjkxëp yë ja'ayëty pyo'kxtë pyëktë kepypya'tkë'ëy ma higos pa'tkën ëkë ma tsatym kyepy nyinikën. Yë Wintsën, yë'ë kë'ëm të y'ënä'äny, mëti'ipë maaytyääyëpën winë.

Miqueas 4:4 ပူးပေါင်းရင်းမြစ်များ

1 Reyes 4:25

Mapaat ja Salomón jyuuky'äjtyën, yë Israel ja'ayëty ets Judá ja'ayëty jampë Dan yajpaatën ets tyimja'ty jam Beerseba aak jotkujk y'ijtë; nitu'ukjaty aak kyë'ëmtuunk tyuunk'ajtëp; nyiyu'ujëtëp ja higo kepy ets ja parrë.

1 Reyes 5:5

Paatyës tu'uk ntuknipëjktaakë nkoja'any yë tsajptëjk ma yajpaatëtyën yë Wintsën, mëti'ipës n'ëwtajtypyën, jëtu'un yajniwa'akëty ko ja Wintsën kë'ëm t'ënëmaay ja nteetyës David ko yë myaank mëti'ipë ënety kutëjkëyëpën ënä'ämpë yë'ë nëjkx tkojy tu'uk ja tsajptëjk, ma yajmëjjawëtyën ja Wintsën.

Job 11:19

Nitii nëjkx mka'ëtsë'ëkëty, jotkujk nëjkx mpo'kxy mpëky. May nëjkx ja'ay mniminyë ets m'amëtowëtëty yë näypyutëkë.

Salmos 72:3

Tuk'ixëty ja naax kajpn ja jotkujk'ajtën ets oy yajpaatëty.

Proverbios 3:25

Ka'ap mtsë'ëkëja'any oy atsë'ëk ajawë myin wyinkonëty, ets ni jää mkatsë'ëkëja'any ko ënety ëxëëk jyatë kyëpätë ja ëxëëkja'aytyëjkëty,

Isaías 1:20

e ko miitsëty je'eyëm nkäjpxykyumëtoownaxtëty, tsipjoty nëjkx m'ooktë, ets ka'ap mtso'oka'antë. Yë Wintsën jëtu'un kë'ëm të y'ënä'äny.

Isaías 17:2

Mon tuk nëjkx wyi'imy, mëëyjot y'awinpita'any; jëyujk tënaaytyakn nëjkx y'awinpity.

Isaías 22:25

Wäänë y'ita'any tääts nëjkx kyuka'anaxy, ka'ap nëjkx mëj'äämpy y'ëk'ijnë, ets ka'ap nëjkx ja'ay jam tii t'ëkpatnë. Jëtu'un ja Wintsën të tnikäjpxy, mëti'ipë maaytyääyëpën winë.

Isaías 26:16

Paatykyëjxm jëtu'un të jyäty të kyëpety, jä'ä ko ënety ëëts nyajpaatë mon tuk.

Isaías 32:17

Ja oypyë ja nänyipaye'eyën nëjkxëp tyajjää'aty ja jotkujk'ajtën, xeemyajtën ets oyajtën xëmëkyëjxmëpë.

Isaías 36:16

këtii xymyëpëktëty. Yë yajkutujkpë, Asiria ja'ay, jëtu'un m'ënë'ëmxëtë ets mëët ja tsip xykyajpx'oyëtëty ets tu'k'utëyë je'eyë mtimnyäkyë'ëyakëtëty, jëtu'unts xyjyë'kxtëty xypyëktëty ja mkë'ëmtsatym mëti'ipë të xynyiyu'ujëtën ets ja xe'enky tsya'am xyjyë'kxtëty mëti'ipë mkamjotm myaj'itëpën ets akujk jotkujk xy'uuktëty xypyëktëty ja nëë mëti'ipë të xynyipotsëtën.

Isaías 40:5

Jëtu'un ja Wintsën tyaj'ixa'anyë ja myëj'ajt y'oyajtën, ets tu'kë'ëyë ja'ay t'ijxta'aja'antë. Wintsën kë'ëm të tnikäjpxy.

Isaías 54:14

Ja mëtëypyë ja nipaye'eyën yë'ë nëjkx myajjotmëktä'äkyë, ka'ap nëjkx ëxëëk mjaty mkëpety ets ka'ap nëjkx mtsë'ëkë mjawë, ja tsë'ëkë ets ja amay jotmay nëjkxëp mkukäkta'ayë.

Isaías 58:14

Ko jëtu'un xytyunëty, mpaatäämpy ja xoontakën ma ëjtsën, ets nyajmëta'akäämpy ma ja naax kajpnën, nëjkxëp xytyukjuuky'äty ja kuma'ayën mëti'ipë ja mteety Jacob të mtukumayën. Yë Wintsën yë'ë jëtu'un kë'ëm ënaanp.

Jeremias 23:4

Ets kupixyny këwent'ajtpë jam npëjkta'aka'anyës ets yë'ë kyëwent'atëtëty, këtiipë tsyë'ëkëtëty ets këtiipë tii tyëkoy'ajtxëtëty. Ëjts Wintsën, ëjts ënaanp.

Jeremias 30:10

Ëjts, mëti'ipë Wintsën'ajtpën, jëtu'unës n'ëna'any: Këtii mtsë'ëkëty mijts, yë Jacob yë kyajpn, mëti'ipës ntuunpë'ajtypyën; këtii mtsë'ëkëty mijts Israel, mijts ets m'u'unk m'ëna'k nyajtso'okantëp ma tääpë naax kajpnën ma ojts tsumy matsy myajmënëjkxtën. Jotkujk jatëkok mjuuky'ata'antë ets oy yajxon, ni pën mka'ëtsë'ëkëja'anëtë.

Ezequiel 34:25

Ntunäämpyës tu'uk yë käjpxytyu'unën mëët yë'ëjëty ets jeky jyuuky'atëty jotkujk. Nyajkutëkoyäämpyës yë jëyujk ma naax kajpnën, jëtu'un yë nkupixynyës jotkujk jyuuky'atëty mëjwintuuy ëwaatsëtuuy ets jotkujk mya'atëty pyo'kxtëty aayjoty kepyjoty.

Ezequiel 34:28

Ka'ap nëjkx wiinkëtypë naax kajpn y'ëk'ënä'ämënëtë ets ka'ap nëjkx yë jëyujk y'ëktsu'tsënëtë. Jotkujk jyuuky'atëty ets ka'ap pën y'ëtsë'ëkëtëty.

Ezequiel 38:11

Nëjkxëp m'ëna'any: Yë'ëjës yam nitëkëjäämpy yë kajpn ka'apë myäyën nyäkyuwa'anëtëty, ma tsyëënëtën yë ja'ay akujk jotkujk ets ka'apë tii tmaytyë tajtën, tu'kë'ëyë ja naax kajpn mëti'ipë ka'ap nyapotsyëtyën, ka'apë nyi'akajën ets ka'apë tmëëtëtyën mëti'ipë yajtukjëkojtë'kpën.

Ezequiel 39:26

Nëjkxëpës nyajtso'onta'atë ma wiink naax wiink kajpn yajpaatën ets ma myëtsip yë nyaax kyajpnëtyën, ënät nëjkx jyuuky'atë jotkujk kyë'ëm naaxjoty kyë'ëmkajpnjotyëty ma ka'ap pën y'ëtsë'ëkëtëty. Jëtu'un nyaj'ixëtëtyës ja nwa'ats'ajtënës ets may ja naax kajpn t'ixtëty. Yë Israel ja'ayëty myëtänëjantëp yë ëyo'on ko ënety të xykyäjpxy kumëtoownaxtës.

Miqueas 5:3

Tyam y'ëk'ëxmajtskojpy yë Wintsën yë jyä'äy, je'eyëp ko jääpaat ma ja to'oxytyëjk tyajmëxu'unk'ata'anyën ja y'u'unk. Ënet jatëkok tyu'ukmuka'any mëët yë jyä'äy, Israel ja'ayëty, mëti'ipë tsumy matsy ijtëpën wiink naax wiink kajpn.

Sofonías 3:13

Ja Israel ja'ayëty mëti'ipë ënety juuky të wyë'ëmtën ka'ap nëjkx ja tëyajtën t'ëkninajxnëtë, ka'ap nëjkx y'ëkwin'ë'ënëtë ets ka'ap nëjkx y'ëk'ëxëëk kajpxnëtë. Jotkujk kyäya'an y'uuka'antë ets pyo'kxa'an pyëka'antë, ka'ap nitii tsë'ëkëja'antë.

Zacarías 3:10

Ko ënety jëtu'un ja xëëw po'o tukja'ty, jotkujk nëjkx mjuuky'atë nixim niyam, ka'ap tiitsip y'ita'any ets nëjkx xytyukxoonta'aktë ja mtsatymkyamëty ets m'higuerë kamëty. Ëjts Wintsën, mëti'ipë maaytyääyëpën winë, ëjts ënaanp.