Miqueas 4:13 - Biblia Dc en Mixe de Quetzaltepec

¹³ Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

Biblia Mixe de Quetzaltepec

¹³ Pëtë'ëk ets yajpajk'at ja mtsajpmok mijts Sión kajpn. Jä'ä ko yë Wintsën jëtu'un y'ënä'äny: Jëtu'un nyajmëk'ata'any tä tu'uk yë tsajpkaa ëna'kën, mëti'ipë wyaj juunën jëtu'un tä juunpujxnën ets jëtu'un yë tyekxyooky tä tsuxkpujxnën ets ëxëëk xytyunëty may ja naax kajpn. Mijts nëjkx xypyëjkëtyä'äy ja wyit myeeny mëti'ipë të tpaatyën ko ëxëëk të y'ëti'itsy të y'ënä'äny ets nëjkx ëjts xytyukmëyoxyës, ëjts Wintsën mëti'ipë nyiwintsën'ajtypyën tëkokyë yë naaxwiinyëtë.

Miqueas 4:13 ပူးပေါင်းရင်းမြစ်များ

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Isaías 23:18

E ja wit meeny mëti'ipë ënety të tpaaty të t'ixyën, jä'ä nëjkx ja Wintsën yajtukmëyoxy, ka'ap nëjkx yajpëjkë'ëk; yë'ë yajmo'ojantëp ja ja'ayëty mëti'ipë myëtuuntëpën ja Wintsën ets tukjuytyëty yë kyääky y'uukyëty ets wyit tyujkxyëty.

Isaías 18:7

Jä'ä xëëw nëjkx ja ja'ayëty tuknimintë ja wintsë'kën ja Wintsën mëti'ipë maaytyääyëpën winë, ja ja'ayëty mëti'ipë yenyëtyën ets mëti'ipë wyääy kyopk të'kxtëpën jajtëpën, mëti'ipë kutsë'ëkëtyën oymyaajëty, ja jotmëk kajpn ets mëjpë, mëti'ipë nëë'itkujky yajpatpën. Nëjkxëp yajwoowmintë jam Sión. Ma yaj'ëwtatyën ja Wintsën mëti'ipë maaytyääyëpën winë.

1 Corintios 16:2

Wintu'ktominkë xynyikoonpätëty ja putëjkën, jëtu'un xypyukontëty wi'ix ënety tii xypyaatën ets xypyëjkë'ëktëty. Koos nja'tëty, ka'ap jää myukëty ja putëjkën.

Zacarías 6:5

Ënet ja tsajpjotmëtë kukäjpxy xy'ëtsooyës: Tyaapë yë'ë mëti'ipë taxkpëky tsoonaanpën Wintsën wyintum ets t'aye'eya'antë yë naaxwiinyëtë.

Zacarías 4:14

Ets xy'ënëmaayës: Yë'ë nyikäjpxyp, ko nimäjtsk mëti'ipë të yajkënu'kxtën ets Wintsën tmëtuntëty naaxwiinyëtë apëtsëmy.

Jeremias 51:33

Jä'ä ko yë Wintsën mëti'ipë maaytyääyëpën winë, yë Israel yë Tyios, jëtu'un y'ënä'äny: Yë Babilonyë kajpn jëtu'un të yajwinteeny tä yë tsajpmokën ko tëë myëjay, tim wiinkoonp ja xëëw jëmëjt ma ja pëjktä'äky pyëtë'ëka'anyën.

Salmos 68:29

Jam këjxm tsyo'ontä'äky ma ja mtsajptëjkën jam Jerusalén, ma ja yajkutujkpëtëjk tyajmintën ja mnänyamo'ojë,

Josue 6:19

Yë'ë tëy ja pu'ts pujxn, poop pujxn, tsuxkpujxn ets juunpujxn nëjkxëp yajpëjkë'ëky ets jap yajpëjkta'akëty ma ja apëjkënën ma ja wit meeny nyipetyën mëti'ipë ja Dios jyä'ä'ajtypyën.

Isaías 5:28

Aak jëjpxu'uny ja kyu'umënëty ets aak wo'onë'ëky tyaj'itë ja tyi'pxnëty. Ja kyëwaayëty aaktam ja kyujup mëti'ipë juunën tä tsaajën, ets jëtu'un y'ëwtity ja kepy wintëkäämpë ja nyiye'eypyäjn pojxujtykyën.

Salmos 72:10

Wä'än myëmi'inxëty yë ayajk ako'onën ets näynyamo'ojë yë yajkutujkpëtëjk mëti'ipë tso'ontëpën jam Tarsis ets ma naaxwiinyëtë y'ityën kuwitsë nëëjoty, ets näjyëtu'un yë yajkutujkpëtëjk mëti'ipë jam ijtëpën Sabá ets Seba.

Deuteronomio 33:25

Yë tyëjk'aaw ta'tspëky nëjkx xëmë y'ity, yë'ë mëët y'ëtukëty yë juunpujxn ets tsuxkpujxn, jëtu'un akujk jotkujk jyuuky'atëty jap kyajpnjoty.

Isaías 21:10

Naax kajpn mëti'ipës nnaax'ajtyp nkajpn'ajtypyën, mëti'ipë jëtu'un tä tsajpmokën të yaj'ateeny të yajtukteenyën, tyam ntuk'ëwaanë mëti'ipës të nmëtoyën, mëti'ipës të xytyuk'ëwaanën ja Wintsën mëti'ipë maaytyääyëpën winë, mëti'ipë ja Israel ja'ay y'ëwtajtëpën.

Jeremias 51:20

Jëtu'un tä kuwojpënën, jëtu'un tä pujxn mëti'ipë yajmëtsiptuunpën, jëtu'un mijts Babilonyë nwa'any. Mëët mijtskyëjxm të nyajkutëkoyës yë naax kajpn ets të nyaj'atëkoyës yë ënä'ämtakn kutujktakn.

Oseas 10:11

Yë Efraín jëtu'un ijty tä tu'uk yë tsajpkaajën yujypyë mëti'ipë wyinte'empyën yë tsajpmok. Tëës tu'uk yë kepy ntukyo'kapë ma ja yo'knën oypyë tsujpë, mëti'ipë tsajpkaa myëyuupyën ets tpajëtutëty yë kepy wintëkäämpë; e yë Judá yë'ë pyajëtutäämpy mëti'ipë naaxtajpën ets Jacob mëti'ipë naaxwo'kpën.

Habacuc 3:12

Ets ënät xytyukjëtijtëtyä'äy yë naaxwiinyëtë mëët yë joot'an; xy'ateeny xytyukteeny yë naax kajpn mëët ja mtsip m'äkë.

Salmos 24:1

Yë naaxwiinyëtë, Wintsën yë jyä'ä, aakyë'ë jyä'ä'ajtääpy tu'kë'ëyë jënu'un winë y'ityën naaxwiiny ets jënu'un jyuuky'ätyën ma yë'ëjën.

Miqueas 5:7

Ja kajpn ja itkujkpyë, ja Jacob ja y'u'unk y'ok mëti'ipë ënety të jyaakwë'ëmtën, jëtu'un nëjkx nyaxtë tä maanikën mëti'ipë kyejxypyën yë Dios, tä tuupojën mëti'ipë ujtskëjxy ka'apën, mëti'ipë ka'ap yë'ëjëty ja'ay tuknipëjktaakën.

Zacarías 12:3

Ënet yë Jerusalén kajpn nyaj'awinpita'anyës tä tu'uk yë juuntsaajën ma ja naax kajpnëtyën. Yajtsëtyutäämpy ja ja'ay mëti'ipë ënety ja këëyë'ëkanëpën. Nëjkxëp tu'kë'ëyë ja naax kajpn nyäkyäjpxyë ets nëjkx tyajnatuktë ja Jerusalén kajpn,

Zacarías 12:6

Jä'ä xëëw, jëtu'un tä jëënpajkën nyaj'awinpijta'aja'anyës yë wintsëntëjkëty mëti'ipë jam Judá yajpatëpën, ëkë jëtu'un tä jëënyä'änkën mëti'ipë akëxë'këpën ajktsjoty. Anajny aka'any nëjkx tyajtooytyëkoytyë yë naax kajpn mëti'ipë mëët tyu'kmëtsëpa'an'atën, e yë Jerusalén ja'ayëty jotkujk nëjkx jam kyajpnjotm jyuuky'ajtëpë.