Miqueas 3:8 - Biblia Dc en Mixe de Quetzaltepec

⁸ E ëjts, tëëjës yë Wintsën yë mëjaaw, tëy'ajtën ets jotmëk'ajtën xymyo'oy täätsës yë Israel ja'ayëty ntukwinmëtowtëty wi'ix yë Wintsën tmëtëkoytyën.

Biblia Mixe de Quetzaltepec

⁸ E ëjts, tëëjës yë Wintsën yë mëjaaw, tëy'ajtën ets jotmëk'ajtën xymyo'oy täätsës yë Israel ja'ayëty ntukwinmëtowtëty wi'ix yë Wintsën tmëtëkoytyën.

Miqueas 3:8 ပူးပေါင်းရင်းမြစ်များ

Isaías 58:1

Jëtu'unës yë Wintsën të xy'ënëëmë: Ya'ax jok mëk, këtii mtsë'ëkëty. Jëtu'un ya'ax jok tä ja'ay tukxu'uxyën pujxnxuxn; tuk'ënëëmë nnaax nkajpnës wi'ix tyëkoyën, tuk'ënëëmë Jacob yë pyoky ets yë nyaax kyajpn.

1 Corintios 2:4

Ko miits ja Dios ntukmëmëtyaktë ets ntukmëpëkantë, ka'apës ojts nyajtuny ja aaw ayuk këjxmëtypë ëkë tëkatsyëtypë. Yë'ë ojts ntuk'ixtë ja Dios ja myëk'ajtën jyääntyajtën,

Ezequiel 43:10

E mijts ye'etyëjk, tukmëmëtya'ak yë Israel ja'ayëty mëti'ipë të xy'ixyën jap tsajptëkoty ets wi'ix y'ixëtyën ets jënu'un ja kyijpxyajtën tmëëtëtyën, jëtu'un tmëtsëtyuntëty ja nyëë pyokyëty.

Ezequiel 16:2

Mijts ye'etyëjk, tuk'ix yë Jerusalén ja'ayëty wi'ix ëxëëkjaty winë tuntën.

Job 32:18

Ëjts janty nëkooyës näjyawëty n'ujts'ajnë mëët ja aaw ayuk mëti'ipës nimëtya'akäämpyën, paaty ka'ap tjëkyepy ëjts amonyë nwë'ëmëtyës;

Mateo 7:29

jä'ä ko kuttujkën mëët yaj'ixpëky ets ka'ap jyëtu'unëty ijxtëm ja tsajptëkotyëtë yaj'ijxpëjkpëtëjkëtyën.

Ezequiel 22:2

Mijts ye'etyëjk, yë'ë myajnitukëp yë naax kajpn mëti'ipë yaja'ay o'kpën. Mtukwinmëtoowta'ajëp mëti'ipëjaty të tuuntëkoytyën,

Ezequiel 20:4

Yë'ë mtukwinmëtowëp ets xytyuknijawëty wi'ix yë y'aptëjk winë të tuntën ëxëëk.

Ezequiel 3:14

Ënätës ja Dios ja myëk'ajtën ojts xyajpëtë'ëky etsës xyajpëtsëmy jap, mon tukës ojts nëjkxnë ets jë'ë ya'ax, tamës ja Dios mëk xymyajts'ity nkë'ëkëjxyës.

Jeremias 20:9

Koos n'ëna'any: Ëjts ka'apës yë Wintsën n'ëkja'amyätsanë ets ka'apës yë xyëëw n'ëknikajpxanë; koos jëtu'un n'ëna'any ënät jap njootjotyës njawë yë m'aaw m'ayuk tsyooypyiky jëënën ets jëtu'unës ntimjyawë tim tsääpy tim no'kp yowë, tyimtuktëjkëp njawës nwaay npajk. Koos njaakkumä'kxëja'any, nijënu'un tkajëkyepy.

Jeremias 1:18

Mijts, jëtu'un tyam npëjktä'äky tä tu'uk kajpnën mëti'ipë ta'tspëkyën ets këwent'atypë y'ityën, tä yë tëjk xenyën mëti'ipë juunpujxnën, tä yë kajpn yë nyapotsën mëti'ipë aak tsuxkpujxn nyapots'ajtypyën ets jyëkyäpëp xywyinkuwa'akëty tëkokyë yë Judá nyaax kyajpn: yë yajkutujkpëtëjk, kopktëjkëty, teetytyëjkëty ets nitëkokyë yë naax kajpn.

Jeremias 6:11

Wintsën, ëjts nän joot'anpëjknëpës ko je'eyë xëmë m'äjkënë mtooyënë; ëjts ka'apës jëtu'un nmëmëta'akëty. Jëtu'un yë Wintsën xy'ënëmaayës: Jam yë m'äkë këxpëk ma ëna'ktëjkëtyën tu'ujotypë yajpaatën, mëti'ipë nimay jëtijtëpën ets ëxëëk y'ëtë'ëtstë y'ëna'antën. Tääts nëjkx tsumy matsy tyajnëjkxtë ja ye'etyëjktëjk mëët ja tyo'oxytyëjktëjkëty ets näjyëtu'un ja mëjja'aytyëjkëty.

Marcos 3:17

Santiagë mëët ja y'uty Juan, Zebedeo y'u'unk y'ëna'k, jä'ä yajxëëmooytyë Boanerges, jä'ä nyiwijy ënääw u'unk,

Isaías 61:1

Ja Wintsën ja myëk'ajtën y'oyajtën tyaa yajpaaty mëët ëjts, jä'ä ko tëëjës yë Wintsën xykyënu'kxy; të xykyexyës etsës njotkujkmo'ojëty ja ëyoopëja'aytyëjk, nyajtso'ok nyaj'akëta'akëtyës ja jëëpyë yaxpë, nyaj'ëwaatsëpëtsëmëtyës ja tsumpyë matsypë, njuutëtyës pujxn tëkoty mëti'ipë natëk nawa'akë të yajmatsyën;

Isaías 61:2

ets nikajpxa'any nimëtya'aka'anyës ja xëëw jëmëjt ma ja ja'ay jotkujk y'itëtyën, ja xëëw po'o ma ja nWintsën'ajtëm tyajkutëkoyä'änyën ja nmëtsip'ajtëmë mëti'ipë ëxëëk të xytyu'un të xy'ënëma'ayëmën. Të xykyexyës etsës nyajjotkujkëtya'aja'any tëkokyë ja'ayëty mëti'ipë moontëp tujktëpën.

Lamentaciones 2:14

Ja wiinkëma'ay mëti'ipë ja mkäjpxynyajxpëtëjk ojts mtuk'ëwa'anxëtën nëkoo ojts je'eyë mwin'ëënyë. Ka'ap ojts tkajpxkëxë'ëktë ja mpoky këtiipë ja mjuukyajtënëty y'oyëtëty, nëkoo ojts mtukwinwanëty oypyë juukyajtën ets ojts mtukmëpëkyë.

Ezequiel 23:36

Ënet ja Wintsën xy'ënëmaayës: E mijts ye'etyëjk, ¿Wi'ix mnikajpxäämpy wi'ix ja Oholá ets ja Oholibá tkumëtowa'antën ja pyokyëtyë? Pën jëtu'un, tukwinmëtow ma wyiin jyëjpën wi'ix winë ëxëëk të tuntën.