Miqueas 3:7 - Biblia Dc en Mixe de Quetzaltepec

⁷ tääpë käjpxynyajxpëtëjkëty ets najtsja'apëtëjkëty nëxi'iky tukxi'iky nëjkx wyë'ëmtë. Amonyë nëjkx wyë'ëmta'atë jä'ä ko ka'ap ënety ja Dios të myo'ojëtë ja ëtsoowinpijtën.

Biblia Mixe de Quetzaltepec

⁷ tääpë käjpxynyajxpëtëjkëty ets najtsja'apëtëjkëty nëxi'iky tukxi'iky nëjkx wyë'ëmtë. Amonyë nëjkx wyë'ëmta'atë jä'ä ko ka'ap ënäty ja Tios të myo'ojëtë ja ëtsoowinpijtën.

Miqueas 3:7 ပူးပေါင်းရင်းမြစ်များ

Salmos 74:9

Ka'ap maa tii n'ëk'ijxnëtës ja mëti'ipë kënu'kxyën, ka'ap ma pën käjpxynyajxpënë mëti'ipë nyikajpxëpën tii ja Dios tyunäämpyën, ets ka'ap ëëtsëty nijawëtë mapaat jëtu'un y'ita'any.

Éxodo 9:11

Ja xëëwmääpyëtëjkëty, ka'ap ojts y'ëkmaayënëtë tjëjpkuwa'akëtëty ja Moisés, jä'ä ko yë'ëjëty ojts ja pu'uts pa'am pyatënëtë.

Isaías 44:25

Ëjts ka'apës nyajkutuky ets tyunëtëty jyatëtëty ja aaw ayuk mëti'ipë ka'ap y'oyëtyën, mëti'ipë të t'akajpxtën ja käjpxnyajxpëtëjkëty ka'apë tii oy tnikajpxtën; Ëjts njo'ptaayëpës ja najtsja'apëtëjk ja y'aaw y'ayukëty. Ëjts nyajkutujkpy ets ja ixpëkyjyä'äytyëjk ka'ap nyäjyä'äkyukëtëty ets mëti'ipë jyanimëtyaktëpën tsuu poj yajja'akyukëty.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Ezequiel 24:17

Ame'tsyë m'ëyowëty ets ka'ap xynyimon xynyitukëty yë m'o'kpë tä yë ja'ay yë o'kpë tnimon tnitukyën. Ka'ap jää mjëtitëty kuwa'ats tekywya'ats; ka'ap mnäwyinkuwitsëtëty ko yë m'aaw mjot pyëk y'atonëty ets ka'ap yë tsajpkääky xykyäyëty mëti'ipë yajkääpyën ko jëtu'un tyunyë jyätyë.

Ezequiel 24:22

Ets xy'ënëëmëty: Miitsëty jëtu'un tuntë tääjës yam ntunyën: Ka'ap mnäwyit wiinkuyä'äpëtëty ko m'aaw mjot pyëktëty y'atontëty ets ka'ap xykyäytyëty yë tsajpkääky mëti'ipë jää yajkääpyën.

Amós 8:11

Jëtu'un yë Wintsën y'ënä'äny: Miimp wiinkoonp ja xëëw jëmëjt, maas nkäxa'anyën ja yuu xëëw naaxwiiny naaxkëjxy; ka'ap yë'ëkyëjxmëty ko tyëkoy'ata'any yë kääky uuky ëkë ko nëëtëëtsë y'ita'any, yë'ëkyëjxm ko jyatsokëp ja'ay ja Wintsën ja y'aaw y'ayuk ets jyamëtoow'ita'anëp.

Miqueas 3:4

Nëjkxëp jëna'a xymyëkajpxtë yë Wintsën e yë'ë ka'ap nëjkx m'ëtsowëtë. Nëjkxëp nyäyu'utsyë ma ënety xyjyamëkajpxtën jä'ä ko ënety je'eyë të mtuuntëkoytyë.

Miqueas 7:16

Wä'än wiinkëtypë naax kajpn t'ixtë ets tsëtyu'unmëët wyë'ëmtëty ko ënety tnijawëtë ja mmëkajtën. Wä'än uum ets nat twë'ëmtë.

Zacarías 13:4

Jä'ä xëëw ja käjpxynyajxpëtëjkëty je'eyë nëjkx tsyëtyuntë jyääypyätë ko ënety nikajpxtë nyätyijyë mëti'ipë të t'ijxpëtsëmtën. Ni pën nëjkx kyawin'ëëny oy ënety tjapëjktä'äky ja po'o'ak mëti'ipë yajtuuntëpën yë käjpxynyajxpëtëjkëty,

1 Samuel 14:37

Ënet ja Saúl tyajtëëy ja Dios: ¿Oy'atëp koos nitëkëty yë filistejë ja'ayëtyë? ¿Mkë'ëyakëp ma Israel ja'ayëtyënë? E ja Wintsën ka'ap ojts y'ëtsoy jä'ä xëëw.

1 Samuel 28:15

Tä ja Saúl y'ënëmaayë: ¿Tiijës ko nëkoo xy'atsip etsës yaa xyajminy? Tä ja Saúl y'ëtsooy: Jä'ä ko janty moonp janty tujkpës ëjts nyajpaaty, yë filistejë ja'ayëty yë'ëjës nëkoo xymyëma'ayëtëp e yë Wintsën tëëjës xy'ëxmajtsnë. Koos njamëkäjpxy, ka'apës xy'ëk'ëtsoownë, ni kuma'ayjoty ets ni yë'ë mëët yë tyuunpëtëjk. Paatykyëjxm mijts të nyajmëkäjpxyë etsës xytyuk'ëwaanëty tiijës mëpaat ntuny.

1 Samuel 28:6

Paaty tyajtëëy ja Wintsën tii tyunëpën, e yë'ë ka'ap ja ojts y'ëtsoowinpityë. Ka'ap y'ëtsoowinpijtë kuma'ayjoty, ka'ap y'ëtsoowinpijtë mëët ja Urim ets nän ka'ap mëët ja Wintsën ja kyäjpxynyajxpë.

1 Samuel 9:9

Tëëyëp ko ijty ja Israel ja'ayëty tii tnija'awëja'antë ma Tiosën, tyaa ijty y'ëna'antë: Ja'amtë n'ijxëmë mëti'ipë winë nyajtsja'apën. Jä'ä ko ja mëti'ipë tyam yajtijpën käjpxynyajxpë, jä'ä ijty yajtijy najtsja'apë.