Miqueas 3:3 - Biblia Dc en Mixe de Quetzaltepec

³ Jëtu'un tpatnë tä jeexyë ajuukyë ja n'u'unk n'ëna'kës xytsyu'tsnëtë; tä jeexyë ja jyot nyini'kx xytyuknitsujktu'utën ets ja wyääy pyajk xytyëjëtën; jëtu'un xy'ijxnëtë tsu'utsyën mëti'ipë tu'tsjoty yaj'apëkëjaanpën.

Biblia Mixe de Quetzaltepec

³ Jëtu'un tpatnë tä jeexyë ajuukyë ja n'u'unk n'ëna'kës xytsyu'tsnëtë; tä jeexyë ja jyot nyini'kx xytyuknitsujktu'utën ets ja wyääy pyajk xytyëjëtën; jëtu'un xy'ijxnëtë tsu'utsyën mëti'ipë tu'tsjoty yaj'apëkëjaanpën.

Miqueas 3:3 ပူးပေါင်းရင်းမြစ်များ

Salmos 14:4

Yë ëxëëk tuunpë ëxëëk kajpxpëty nijënu'un kyaja'akyukëtë, yë'ë nyijë'kx nyipëjktëp yë nnaax nkajpnës ijxtëm ja'ay tsajpkääky tkayën. Tääpë ja'ayëty ka'ap yë Dios t'ëwtatë.

Salmos 27:2

Yë ëxëëkja'aytyëjkëty mëti'ipës xymyëtsip'ajtëpën, tëë tjakäjpxy'atë koos xyaj'ooka'antë, je'eyëp ko kë'ëm y'anäpëtë ets ëxëëk nyäyaja'tëtë.

Proverbios 30:14

Tää yë ja'ay mëti'ipë jëtu'un yë y'aaw tyëts jya'apën mëtyäätën; ets tää mëti'ipë y'oknak jya'apën tsujknën, jä'ä tjatsoktë tim këjxtaaytyëp jeexyë yë ëyoopëja'aytyëjk ma naax kajpnën.

Isaías 3:14

Yë Wintsën tyukwinmëtowäämpy ja mëjja'aytyëjk ets ja kopktëjk ja nyëë pyokyëty, ets t'ënëëmëja'any: Miits të xypyëjkëtë ja ëyoopëja'ay ja kyä'äyën y'ukën, tëë xymyäätstë ja mëti'ipë ënety ja y'u'unk y'ëna'k tyuk'ixäämpyën, ja mëti'ipë të xymyäätstën jam ma mtëjkën të xymyënëjkxta'atë.

Isaías 3:15

Pën ja kuttujkën të mmo'ojëtë ets ja nnaax nkajpnës o'ktëy xytyuntëty ets ja ëyoopëja'ay xyjyaamtään xynyaaxtääntëty. Ëjts jëtu'un ënaanp, ëjts Wintsën, mëti'ipë maaytyääyëpën winë.

Ezequiel 11:3

Jëtu'un y'ëna'antë: Naamnëm yë tëjk n'akojëmë, yaa ka'ap wi'ix njajtmëty, jëtu'un yaa nyajpaata'anëmë tä tsu'utsy tu'tsjoty y'ityën.

Ezequiel 24:4

Jap xy'apëkëty yë tsu'utsy tsujktä'äkpyë, yë'ë mtsujkta'akëp yë pyuuy ets kyejky ets m'apëkëp yë pajk xixyëtypë.

Amós 8:4

Mëtoow'itë ya'atë aaw ayuk, miitsëty mëti'ipë myaj'ëyoowtëpën ets mtëytyuuntëpën yë ëyoopëja'aytyëjk ets o'ktëy xytyuntë xy'ënëëmëtë ja'ay mëti'ipë yu'unk naxym ja'ay'ajtëpën ma naax kajpnën;

Miqueas 2:8

Miitsëty tëëjës yë nnaax nkajpn xynyipëtë'këtë. Mpëjkëtyääytyëpy ja wyit tyujkxyëty ja ja'ayëty mëti'ipë tëë ojts tsyiptuntën ets mmaytyë mtajtë ko ka'ap tii mjata'anëtë.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.