Miqueas 3:2 - Biblia Dc en Mixe de Quetzaltepec

² E miitsëty m'ëxëëk'ijxtëp ja opyë ets m'oyjya'awëtëp ja ëxëëkpë; jëtu'un ja nnaax nkajpnës xytyuntë tä jeexyë xynyikë'tstu'utën ets niwa'ats ëxwa'ats xyajwë'ëmtë.

Biblia Mixe de Quetzaltepec

² E miitsëty m'ëxëëk'ijxtëp ja opyë ets m'oyjya'awëtëp ja ëxëëkpë; jëtu'un ja nnaax nkajpnës xytyuntë tä jeexyë xynyikë'tstu'utën ets niwa'ats ëxwa'ats xyajwë'ëmtë.

Miqueas 3:2 ပူးပေါင်းရင်းမြစ်များ

1 Reyes 21:20

Tä ja Ahab t'ëtsooy ja Elías: ¿Tyamës nijawë ko mijts, nmëtsiptëmës jëtu'un të xypyääty? Jëtu'un, tëë yam npaaty, jëtu'un y'ëtsooy ja Elías. Jä'ä ko mijts nitii oy xykyatuny, aakyë'ë mtuumpy ka'apë myëtëyëtyën Wintsën wyintum.

2 Crónicas 19:2

E yë Jehú, Hananí myaank, jam jyëjpaatë'kë tu'u'am ets yajtëëwë: ¿Wi'ix ko të xypyutëkë ja'ay mëti'ipë ëxëëk ja'ay'ajtpën ets mijts të mnäypyëjktä'äkyë tä jeexyë Wintsën xymyëtsip'atyën? Mëët ko jëtu'un të m'ëtë'ëtsy tëë Wintsën mtukjoot'anpëkyë.

Salmos 15:4

mëti'ipë y'ëxëëk'ijxypyën ja mëti'ipë patëp yaj'ëxëëk'ixëtyën. Ets y'oyjya'ap mëti'ipë yajmëjnajxypën yë Wintsën, mëti'ipë tyuunpyën tëëpë twinwanën oy ëxëëk tmëjatëty;

Salmos 53:4

Ja'ay mëti'ipë ëxëëk winë tyuuntëp kyajpxtëpën ka'ap ja'aykyujkën tmëët'atë. Mëti'ipë yë nnaax nkajpnës nyikaaytyut nyijë'kxtutëpën tä jeexyë tsyajpkääkykyäytyën ets ka'ap ja Dios tmëkajpxtë.

Proverbios 28:4

Mëti'ipë y'ëxmajtstëpën ja ënä'ämën tëyajtën, yë'ë y'oyjya'awëtyëp ëxëëkja'aytyëjk; e mëti'ipë pyatuuntëpën ja ënä'ämën tëyajtën wyiink'ijxtëp ja jëtu'unpë.

Isaías 3:15

Pën ja kuttujkën të mmo'ojëtë ets ja nnaax nkajpnës o'ktëy xytyuntëty ets ja ëyoopëja'ay xyjyaamtään xynyaaxtääntëty. Ëjts jëtu'un ënaanp, ëjts Wintsën, mëti'ipë maaytyääyëpën winë.

Isaías 5:20

Janty mon janty tuk miitsëty myajpaatë, jä'ä ko yë'ë mtijtëp oy mëti'ipë ëxëëkën. Koots xy'ixtë ja xëënyajtën ets ja kootsajtën xëëny xy'ixtë; ja ta'ampë pa'ak xyjyawëtë ets ja pa'akpë ta'am xyjyawëtë.

Isaías 57:12

Ëjts nikajpxäämpyës yam wi'ix mtëkoyën, oy mja'ëna'any ko mwa'atsëty ets ko mëtëy winë xytyuny.

Ezequiel 11:7

Paaty ëjts maas nWintsën'atyën, jëtu'un yam miits n'ënëëmëtë; ko yë Jerusalén jëtu'un yajpëjkta'aka'any tä tu'tsën ets jap tu'tsjoty yë'ë jap mpëjkta'akäämpyës yë o'kpë mëti'ipë miits të xyaj'ooktën; e miitsëty njuutantëp jap tu'tsjoty.

Ezequiel 22:27

Yë ënä'ämpëtëjkëty mëti'ipë yajpatëpën ma ya'atë kajpnën jëtu'un jyä'äy'atë waxën mëti'ipë piw nuuk tyuunpyën yë y'o'kpë; yaja'ay'ookaanp je'eyë ets tyämäämpy jyä'ätsäämpy ja jot ne'pny ko kyumeenytyä'äky.

Ezequiel 24:4

Jap xy'apëkëty yë tsu'utsy tsujktä'äkpyë, yë'ë mtsujkta'akëp yë pyuuy ets kyejky ets m'apëkëp yë pajk xixyëtypë.

Ezequiel 34:3

Miitsëty m'uktëp yë tsi'tsknëë, myajkojtëp yë wit mëët yë kupixynyjyëmk ets myaj'o'ktëp yë kupixyny ni'kxëtypë, je'eyëp ko ka'ap xykyëwent'atë yë kupixyny.

Amós 4:1

Mëtoow'itë ya'atë aaw ayuk miitsëty Samariapë to'oxytyëjkëty, Basán kajpnëpë tsyëënëtën, jëtu'unpë jyuuky'atën tsajpkaato'oxyën, mëti'ipë yaj'ëyoowtëpën tyiytyuuntëpën yë ëyoopëja'ay ets mëti'ipë ëxëëk tyuuntëpën mëti'ipë winë yajmëyajtëpën, mëti'ipë y'ënä'ämtëpën yë nyiye'etyëjktëjkëty ets myëmi'inxëtëty yë tsatym nyëë tëëpë nyimaanaxyën.

Amós 5:15

M'ëxëëk ixtëp yë nëë poky, mtsoktëp yë oypyë. Yajxon xytyim ix xytyimtuntëty ets jyää'atëty ja mëtëypyë ja nipaye'eyën; wä'änxyëp yë Wintsën, Dios mëti'ipë maaytyääyëpën winë tpa'ëyowëty mëti'ipë juuky të jyaakwë'ëmtën ma Israel kajpnën.

Miqueas 2:8

Miitsëty tëëjës yë nnaax nkajpn xynyipëtë'këtë. Mpëjkëtyääytyëpy ja wyit tyujkxyëty ja ja'ayëty mëti'ipë tëë ojts tsyiptuntën ets mmaytyë mtajtë ko ka'ap tii mjata'anëtë.

Miqueas 7:2

Ka'ap naaxwiiny pën yë ja'aynyë mëtëypyë jyuuky'ätyën ets mëti'ipë Dios wyinkutsë'këpën; aakyë'ë jyëjp'ijxtëp jëna'a tsyiptun tyipkajpxtën; nixim niyam o'kënjëjp'am nyäy'ixa'anëtë.

Miqueas 7:3

Yi'iyë yaj'ijxpëjktëp wi'ix ëxëëkpë tuntëtyën, yë wintsëntëjkëty mëk tpatëkëtë kyuma'ayënëty, yë yajkutujkpëtëjk pojën yajtukwin'ëëntë meeny, yë ja'ayëty mëti'ipë mëk'ajtën kuttujkën myëët'ajtëpën jëtu'un y'ëtë'ëtstë y'ëna'antë tä tyimjot tyimwinma'anyëtyën ets ka'ap ja naax kajpn tyajjotkujk'atë.

Sofonías 3:3

Jëtu'un yë kopktëjkëty ya'axtë jyoktë kaajën ets nyipaye'epyëtëjkëty myu'utë nyiitstë waxën mëti'ipë të'ëts'itjotm yajpatpën, mëti'ipë ka'ap tyajwë'ëmyën yë waay pajk komjëpom.

Lucas 19:14

E jam ma kyajpnën may ja ja'ay jam myëtsip'atyë, paaty tkäjxtë ja kukäjpxy ets nëëmëtëty: ka'apës ntsoktë ets ya'atë ja'ay yë'ë xy'ënä'ämtëtyës.

Juan 18:40

Ets ni'ëmukë yujk'ënantë: Ka'ap. Yë'ë Barrabás ëxmats. Ja Barrabás mä'tsp ijty.

Juan 7:7

Mëti'ipë ka'ap ja Dios nijawëtën ka'ap tjëkyepy miits m'ëxëëk'ixëtëty; je'eyëp koos xy'ëxëëk'ijxtëpës yë'ëjëty, jä'ä koos nnikäjpxy ko ka'ap tii oy tuntë.

Romanos 1:32

Nyija'awëtëp ko Dios të tuknipëjktaakë ko paat'ajtëtëp ja o'kën mëti'ipë jëtu'un ëtëtstëpën ets ka'ap yi'iyëty ko jëtu'un tuun'ëtë'ëtstë, tyukxoontaktëp yë'ëpaat ko ja wiinkëtypë jëtu'un y'ëtë'ëtstë y'ëna'antë.

Romanos 12:9

Nätsyokëtë nixim niyam winë aaw winëjot. Ixmatstë mëti'ipë ka'ap y'oyëtyën ets tuntë mëti'ipë oyën.

2 Timoteo 3:3

Ka'ap nëjkx t'ëkmëët'ajnëtë ja pa'ëyo'owën, je'eyë pyi'tskajpxanëtë, ka'ap nëjkx tkumä'kxëtë ja y'ëxëëk winma'anyëty, ëxëëk ja'ay y'ita'antë ets myëtsip'atantëp tu'kë'ëyë ja oypyë.