Miqueas 2:13 - Biblia Dc en Mixe de Quetzaltepec

¹³ Yë Dios yë'ë yaj'ëwa'atsäämpy yë tu'u ets yë'ë tpanëjkxtëty ets jam pyëtsëmtëty ma ja naax kajpn ja nyitëjk'aawën. Yë Wintsën mëti'ipë kyutujkpë'ajtëpën yë'ë nëjkx jëjp'am ye'ey ma yë'ëjëtyën.

Biblia Mixe de Quetzaltepec

¹³ Yë Tios yë'ë yaj'ëwa'atsäämpy yë tu'u ets yë'ë tpanëjkxtëty ets jam pyëtsëmtëty ma ja naax kajpn ja nyitëjk'aawën. Yë Wintsën mëti'ipë kyutujkpë'ajtëpën yë'ë nëjkx jëjp'am ye'ey ma yë'ëjëtyën.

Miqueas 2:13 ပူးပေါင်းရင်းမြစ်များ

Éxodo 14:19

Ënet ja Dios ja kyukajpxpë ojts ënätyë kyëtä'äky ets ja yoots nyäpyëjktakë ix'am, mëti'ipë ja Israel ja'ayëty ënety jëyëjp winye'eyëtëpën.

Isaías 42:7

Ntsojkpyës ets xyaj'ijxë'ëkëty ja wiints, xyaj'ëwaatsëpëtsëmëty ja tsumjyä'äy, mëti'ipë api'its akoots yajpatëpën.

Isaías 51:12

Ëjts yam mijts kë'ëm njotmëkmoopy. ¿Pën mtsë'këp? ¿Naaxwiinyëtë ja'ayë? ¿Naaxwiinyëtë ja'ay mëti'ipë o'kpën, mëti'ipë jëtu'un kukëjxëpën tä aay ujtsënë?

Isaías 52:12

Je'eyëp ko këtii janty jëtu'un mtimy'ëtë'ëts mtimy'ëna'antëty jëtu'un tä ja'ay kye'ekyën, jä'ä ko yë Wintsën yë'ë mmajts'itanëtëp oy muum mnëjkxtëty.

Isaías 55:4

Yë'ë ojts npëjktä'äkyës ijxpë mëtoowpë ma mëj naax mëj kajpnën, ets y'itëty tu'uwinye'epyë ets ëëwwijpë kajpxwijpë ma ja naax kajpnën.

Daniel 2:44

Ma ënety tääpë yajkutujkpëtëjk y'ënä'ämtën, jää nëjkx yë Dios tpëjktä'äky yë kyutujktakn mëti'ipë ka'ap nijëna'a kyutëkoyën ets yë'ë nëjkx myëjnaxy, nëjkxëp ja wiinkëtypë ja kuttujkën tyajkutëkooytyä'äy ets yë'ë xëmëkyëjxm nëjkx y'ity.

Oseas 1:11

Ënet nëjkx tyu'ukmuktë yë Judá ja'ayëty ets Israel ja'ayëty, tu'uk nëjkx tpëjkta'aktë mëti'ipë tu'uwinwotëpën ets jam Jerusalén nyëjkxta'aja'antë. Ja Jezreel mëj'äämpy nëjkx y'awinpity.

Oseas 13:14

¿Ets ënät nyajtsokpëtyës o'kpë jutjotyë? ¿Ets ënät nyajpëtsëëmpëtyës o'këntujpë? ¿Maa ënät ja o'kën ja myëk'ajtën kyutujkën? Yë'ëjës yam ntsojkpy, jä'ä ko ka'apës tyaapë ja'ay n'ëkpa'ëyowanë.

Oseas 2:2

Jëtu'un yë Wintsën y'ënä'äny: Ojtë ya'axtë yë mtaakëty, win'ojtë yajxon, jä'ä ko yë'ë ka'apës nëk to'oxytyëjk'ajnë ets yë'ë nän ka'apës ëjts xy'ëkniye'etyëjk'ajnë. Ka'apës yë'ëjëty t'ëkmëëtsënaaynyë, etsës nän ka'apës n'ëk'ënanë tmëëtsëënëty. Koonëm t'ëxmatsëty ma tookyën yë jyot nyini'kx. Ets këtii nëkoo tyi'tsk t'ëktuk'akëëynyëty wiink ja'ay.

Oseas 3:5

Ok jatëkok yë Israel ja'ayëty tniwinpita'antë yë Dios ets t'ixta'aja'antë, mëti'ipë Wyintsën'ajtëpën ets ja David mëti'ipë kyutujkpë'ajtëpën. Ko ënety tpaaty ja xëëw jëmëjt winta'ak naaxkow nëjkx tnimintë yë Wintsën ets tkukajpxëja'antë ko ënety jotkujk yajjuuky'atëtë.

Miqueas 2:12

Nyajtu'ukmujkta'ajäämpyës yë Jacob yë nyaax kyajpn; njaakyajmukäämpyës yë Israel ja'ayëty mëti'ipë të wë'ëmtën. Jëtu'unës nyajye'eymyuka'any tä ye'eymyuktën yë kupixyny ma kemyjotmën, tä yë kupixyny ye'eymyuktën ma y'oktën ets yajmëtoy ko nyimay'atë.

Miqueas 3:1

Mëtoow'itë miits tyam, Israel yajkutujkpëty ets Israel wintsëntëjkëty, ¿Këtii jëtää mpaatëtë miitsëty xynyijawëtëty ja mëtëypyë ets ja jaantypë nipaye'eyënë?

Zacarías 10:12

Ëjts nëjkx nmo'otë yë jot mëjaaw ets tyu'uye'eytyëty mëët yë nxëëwës, ëjts Wintsën, ëjts ënaanp.

Hebreos 6:20

ma ojts tyëkën tëëyëp ja Jesús ets ja në'ë tu'u tyaj'ëwatsy, jëtu'un nyäjxy xëmëkyëjxm Teety Wintsën, ijxtëm ja teety wintsën Melquisedec y'ijtyën.

Josue 3:6

Ets ja teetytyëjkëty näjyëtu'un t'ënëmaay: Këëyë'ëktë yë kaaxë mëti'ipë käjpxytyu'unën myëët'ajtypyën ets xytyuknaxtëty yë mëjnëë jëyëjp ma mayjyä'äyëtyën. Ënet ja teetytyëjkëty tkëyë'ktë ja kaaxë ets jëwyiin tuknajxtë ja mëjnëë ma ja ja'ayëtyën.

Apocalipsis 17:14

Tääts mëët tsyiptuna'antë mëti'ipë yajtijpën Kupixyny U'unk; nëjkxëp myëmëta'akëtë ja mëti'ipë yajtijpën Kupixyn U'unk, jä'ä ko wintsëntëjk Wintsën ja y'ity, ets yajkutujkpëtëjk Yajkutujkpë; mëët nëjkx y'ity mëti'ipë ja Dios të wyinwitsëtën ets mëti'ipë wintëy wiinkujk mëët ja Dios y'itën.

Apocalipsis 7:17

jä'ä ko ja Kupixyny U'unk, mëti'ipë itkujky tënääpyën, yë'ë këwent'atanëtëp ijxtëm ja kupixyn këwent'ajtpën ets tyukniwowa'anëtë ja nëë mëti'ipë yajjuuky'ajtpën ets ja Dios tu'kë'ëyë ja wyiin nëë pyo'ta'aja'anëtë.