Miqueas 2:12 - Biblia Dc en Mixe de Quetzaltepec

¹² Nyajtu'ukmujkta'ajäämpyës yë Jacob yë nyaax kyajpn; njaakyajmukäämpyës yë Israel ja'ayëty mëti'ipë të wë'ëmtën. Jëtu'unës nyajye'eymyuka'any tä ye'eymyuktën yë kupixyny ma kemyjotmën, tä yë kupixyny ye'eymyuktën ma y'oktën ets yajmëtoy ko nyimay'atë.

Biblia Mixe de Quetzaltepec

¹² Nyajtu'ukmujkta'ajäämpyës yë Jacob yë nyaax kyajpn; njaakyajmukäämpyës yë Israel ja'ayëty mëti'ipë të wë'ëmtën. Jëtu'unës nyajye'eymyuka'any tä ye'eymyuktën yë kupixyny ma kemyjotmën, tä yë kupixyny ye'eymyuktën ma y'oktën ets yajmëtoy ko nyimay'atë.

Miqueas 2:12 ပူးပေါင်းရင်းမြစ်များ

Génesis 36:33

Ko ojts yë Belá y'o'knë, yë'ë ojts kyutëkëty Jobab, yë Zorá y'u'unk; jam kyukajpnëty ma tu'uk kajpn txëëwatyën Bosrá.

1 Crónicas 1:44

Ko yë Belá ojts y'o'knë, yë'ë kutëjkëyë Jobab ets yë'ë yajkutukëty, ja myaank ja Zérah, jam kyukajpnëty Posrá.

Isaías 11:11

Jä'ä xëëw jä'ä jëmëjt nëjkx ja Wintsën jatëkok tyaj'ixyë ja myëj'ajtën ko tjä'äpëkëty ja nyaax kyajpn ets tyajtsoonëty jam Sirië Egiptë, Patros, Etiopíë, Elam, Sinar, Hamat ets jam ma ja naax kajpnën mëti'ipë mejy itkujkyën.

Isaías 27:12

Jä'ä xëëw ja Wintsën nëjkx ja myëj'ajtën tyaj'ixyë, tyimtso'ontä'äky jam Éufrates ets tyimja'ty jam Egiptë. Jëtu'un tuna'any tä ja'ay tsajpmok tyajpajk'atyën; je'eyëp ko miitsëty Israel ja'ayëty tu'ukjaty nëjkx myajwinwoptë.

Isaías 34:6

Nëjkxëp ja Wintsën ja tyiypyujxn nye'pynyëtyä'äy ets y'onku'tsta'ay jëtu'un ijxtëm ko ja'ay tyaj'ookyën yë kupixyny ayääkë ets tsajppax ayääkë ma y'o'ktaknën. Mëj këjää ja Wintsën ja o'kën tëko'oyën tyaj'ita'any jam Bosrá ets jam Edom.

Isaías 5:17

Nëjkxëp ja naax kajpn kyutëkooytya'atë. Jëyujk tënaaytyakn nëjkx y'awinpity ja kajpn. Yë'ë nëjkx jam y'ujts'oktë tsajppax ets kupixyny.

Jeremias 23:3

Ëjts kë'ëm jatëkok nyajminäämpy yë n'u'unk n'ëna'kës mëti'ipës jëtu'un nmëët'ajtypyën tä kupixynyën ets jatëkok nyajmujkta'aja'anyës ma ja naax kajpnën ma ojts tsyoontën, jam nëjkx kyäytyë y'uuktë akujk jotkujk ets ja y'u'unk y'ëna'k tyajyääk tyajpatëty.

Jeremias 3:18

Ko ënety jëtu'unpë xëëw po'o tukja'ty, nëjkxëp yë Judá mëët yë Israel tyu'ukmuky ets nëjkx tu'ukyë tsyoontë jam ma naax kajpnën mëti'ipë anëkëjxmtsow yajpatpën ets wyimpitëty tu'knax ma it naaxwiinyëtën mëti'ipës ojts yë y'aptëjk nmo'otën.

Ezequiel 34:11

Ëjts Wintsën, jëtu'unës n'ëna'any: Ëjts yam kë'ëm nkëwent'atäämpy yë nkupixynyës.

Ezequiel 34:13

Nëjkxëpës jam nyajtsoontë wiink naax wiink kajpn, nyajtu'ukmukantëpës etsës nyajnëjkxa'antë ma kyë'ëm naax kyë'ëmkajpnëtyën. Jamës nyajnëjkxa'antë jë'kxpë pëjkpë jë'kxyotm ma Israel kopkën, ma wokjotmën ets maajaty yë Israel tnitänën yë naaxwiinyëtë.

Ezequiel 34:22

E ëjts nyajtso'okäänpyës yam yë nkupixynyës. Ka'apës nkupëka'any ets ni'ikyë xymyäätstëty. Mpaye'eyäämpyës yam yë nkupixynyës.

Ezequiel 34:31

Miits nkupixyny'ajtëp, mëti'ipë jam tënaaytyëpën maas yë nmëëykyamën. Ëjts xyTyios'ajtëp. Ëjts Wintsën, ëjts ënaanp.

Ezequiel 36:37

Ëjts Wintsën, jëtu'unës n'ëna'any: Mëj këjääjës winë ntuna'any. Nmo'ojäämpyës yam yë Israel kajpn mëti'ipës xy'amëtoopën ntunëtyës ma yë'ëjëtyën; jëtu'unës yë jyä'äy nyajnimayëyä'äny tä nyimayën yë kupixyny.

Ezequiel 37:21

Ets xy'ënëëmëtëty: Jëtu'un yë Wintsën y'ënä'äny: Nyajpëtsëmantëpës yam yë Israel ja'ayëty ma naax kajpnën maajaty yajpaatën; nyajmujkta'ajantëpës etsës tu'ukyë kajpn nyaj'awinpita'any ma nyaax kyajpnëtyën.

Oseas 1:11

Ënet nëjkx tyu'ukmuktë yë Judá ja'ayëty ets Israel ja'ayëty, tu'uk nëjkx tpëjkta'aktë mëti'ipë tu'uwinwotëpën ets jam Jerusalén nyëjkxta'aja'antë. Ja Jezreel mëj'äämpy nëjkx y'awinpity.

Amós 1:12

Paatykyëjxmës nyajnitooytya'aja'any yë potsy mëti'ipë nyapots'ajtypyën yë Temán kajpn ets tääpë jëën yë'ë nyo'ktëkooytya'ajäämpy yë kutujkëntëjk mëti'ipë jamën Posrá.

Miqueas 2:13

Yë Dios yë'ë yaj'ëwa'atsäämpy yë tu'u ets yë'ë tpanëjkxtëty ets jam pyëtsëmtëty ma ja naax kajpn ja nyitëjk'aawën. Yë Wintsën mëti'ipë kyutujkpë'ajtëpën yë'ë nëjkx jëjp'am ye'ey ma yë'ëjëtyën.

Miqueas 4:8

E mijts Jerusalén, mëjpotsy ets mëti'ipë ta'tspëky yajpatpën jam Sión, mijts nëjkx jatëkok m'awinpity kajpn kopk ma ja kuttujkën y'ityën, jëtu'un tä tu'uk yë taakën nëjkx jatëkok m'ity tä ijty tëëyëpën.

Miqueas 5:7

Ja kajpn ja itkujkpyë, ja Jacob ja y'u'unk y'ok mëti'ipë ënety të jyaakwë'ëmtën, jëtu'un nëjkx nyaxtë tä maanikën mëti'ipë kyejxypyën yë Dios, tä tuupojën mëti'ipë ujtskëjxy ka'apën, mëti'ipë ka'ap yë'ëjëty ja'ay tuknipëjktaakën.

Miqueas 5:8

Ënet jam naaxwiinyëtë itkujky, ja Jacob ja y'u'unk y'ok mëti'ipë ënety të jyaakwë'ëmtën, nëjkx yajpëjkta'aktë tä tu'uk kaajën ma jëyujkëtyën, tä tu'uk kaajën kupixyny itkujky, ko tu'uk wyinnaxyë jëtu'unyë t'anuk tuknukë ets ka'ap nitu'uk juuky t'ëxmatsy.

Miqueas 7:14

Wintsën, këwent'at ja mnaax mkajpn, ja mkupixyny mëti'ipë mjä'ä'ajtypyën, ma aakyë'ë yajpaatën yuukjotm; jë'kxynyaaxjotm jam Basán ets Galaad. Jëtu'un yajnëjkx jam jë'kxyotm tä ijty tëëyëpën.

Miqueas 7:18

Ka'ap ma Dios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Sofonías 3:20

Jä'ä xëëw miitsëty nyajmiina'antë ets nyajmuka'antë; ëjts nëjkx nyaj'oyës yë mjuukyajtënëty ets mëj'äämpy nyajnaxa'antë; nëjkxëp myaj'oyjyawëtë oymyaakajpnëty naaxwiinyëtë apëtsëmy.