Miqueas 2:11 - Biblia Dc en Mixe de Quetzaltepec

¹¹ Ko ja ja'ay tu'uk wyin'ëënëty ets y'ëna'anëty: Ëjts yë'ëjës yam nnikäjpxyp nimëtyäkpy yë tsatym nyëë tëëpë nyimaanaxyën ets nëë mëti'ipë mukpën, jëtu'unpë ja'ay yë'ë ja naax kajpn oy tsyojkpy ets kyäjpxynyajxpë'atëty.

Biblia Mixe de Quetzaltepec

¹¹ Ko ja ja'ay tu'uk wyin'ëënëty ets y'ëna'anëty: Ëjts yë'ëjës yam nnikäjpxyp nimëtyäkpy yë tsatym nyëë tëëpë nyimaanaxyën ets nëë mëti'ipë mukpën, jëtu'unpë ja'ay yë'ë ja naax kajpn oy tsyojkpy ets kyäjpxynyajxpë'atëty.

Miqueas 2:11 ပူးပေါင်းရင်းမြစ်များ

Jeremias 5:31

Mëti'ipë käjpxynyajxpëtëjk jyanikajpxtëpën ka'ap myëtëyëty; yë teetytyëjkëty jëtu'un ja naax kajpn t'ënä'ämtë tä yë'ë kë'ëm wyinma'anypyaatën ets ja nnaax nkajpnës y'oy'ijxyp ja jëtu'unpë. E yë'ëts ënät, ¿tii miitsëty mtuunta'aktëp ko ënety ja jëtu'unpë kyixy nyäxy?

Jeremias 28:15

Ënet ja Jeremías t'ënëmaay ja Hananías: Ëkmëtoow'it yajxon mijts Hananías. Mijts ka'ap Wyintsënëty të mkexyë, paaty yë naax kajpn wiinkjaty të xy'ënëëmë ets nëkoo je'eyë xyajjotkujk'aty.

Jeremias 23:32

Mëtsipës nnäpyëjktä'äkyë ma tääpë käjpxynyajxpëtëjkëtyën mëti'ipë nyimëtyaktëpën ja tsuu kuma'ay ka'apë myëtëyëtyën; mëti'ipë yajwa'kxtëpën ja nnaax nkajpnës ko je'eyë twin'ëëntë. Ëjts ka'apës wi'ix të n'ënëëmëtë ets ka'ap y'ëjtsëty të nkäxtë, paaty yë'ëjëty ka'ap tjëkyepy nnaax nkajpnës tputëkëtëty. Ëjts Wintsën, ëjts ënaanp.

Jeremias 23:25

Tëës nmëtoow'ity wi'ix yë käjpxynyajxpëtëjk y'anta'aktën ko y'ëna'antë tëë myëtya'aktë mëët ëjts ets kuma'ayjyotyës të xywin'ixtë.

Jeremias 23:17

Mëti'ipë y'ëxëëk'ijxtëpën yë n'aaw n'ayukës, jëtu'un yaj'ëëmëtë: Aak oy winë mwinpëtsëma'anxëtë. Mëti'ipë mëët tsuuwinma'any winë tyuuntëpën jëtu'un yaj'ënëëmëtë: Ka'ap wi'ix mjata'antë.

Jeremias 23:14

Tëës n'ixy wi'ix yë käjpxynyajxpëtëjk mëti'ipë Jerusalén kukajpnajtëpën, mëj këjää të tyuuntëkoytyë: Wiink ye'etyëjk wiink to'oxytyëjk mëët të y'ijt të tsyënaaynyëtë, je'eyë wyin'ëëntë y'anta'aktë; ni'ikyë tjotmëkmo'otë mëti'ipë tuuntëkooy kajpxtëkooytyëpën. Tääpë ja'ayëty jëtu'un tä yë Sodomë ja'ay, Gomorra ja'ayëtyën.

Jeremias 14:14

Ënet ja Wintsën xy'ëtsooyës: Pën jëtu'un y'ëna'antë käjpxynyajxpëtëjkëty ets pën ëjts yë nxëëw kyajpxpatëp, win'ë'ëntëp yë'ëjëty. Ka'ap y'ëjtsëty të nkäxtë ets ka'ap tii ënä'ämën të nmo'otës; nijëna'a ma pën nkamëkäjpxyës. Nëkoopë y'ijxma'atë, nëkoopë wyinkëma'atë ets kë'ëm tma'kxtë jyot wyinma'anyëty. Mëti'ipë yë käjpxynyajxpëtëjk të nikajpxtë ka'ap myëtëyëty.

1 Reyes 22:6

Ënet ja yajkutujkpë twoowmujktaay ja Wintsën ja myëtuunpëtëjk, jä'ä nyiwinë'atë nimajktaxk mëko'px ets tyajtëëy: ¿Wi'ix oyës yë Ramot nitsiptunëtyë, ëkë ka'apë? Ets yë'ëjëty y'ëtsoowtë: Oy, nitsiptun, jä'ä ko yë Wintsën tëë tkë'ëyäky.

1 Juan 4:1

Mëku'uktëjkëty jënu'un miitsëty myajtsok myajjawëtën, këtii aak xymyëpëktëty mëti'ipë ënantëpën ko ja Dios yajkajpxëtë, jëwyiin xy'ixtëty xytyuntëty yajxon pën myëët'ajtëp ja Kënu'kxymyëkajtën ëkë pën ka'ap. Jä'ä ko tää may naaxwiiny yë win'ë'ëmpë mëti'ipë nëkoo nätyijëtëpën ko Dios tmëtuntë.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

Romanos 16:18

Ka'ap yë Wintsën Jesukristë yë'ëjëty tmëtuntë, kyë'ëm tsojkën yë'ë myëmaay myëtajtëp ets ja ja'ay twin'ëëntë ko janty yujy janty tëtä'äky myëtya'aktë; yë'ë wyin'ë'ëntëp mëti'ipë ka'ap oy tnijawëtën tii ja Dios tsyojkpyën.

Miqueas 3:11

Ja wintsëntëjkëty mëti'ipë winë jeexyë oy pyaye'eytyëpën y'ëxajëtëp yë meeny ets ka'ap tii oy tpaye'eytyë; yë teetytyëjkëty yi'iyë ja'ay tyuk'ijxpëjktëp wi'ix tyaktëtyën ja wit meeny may'äämpy ets käjpxynyajxpëtëjkëty tyo'knëtëp ja y'aaw y'ayukëty ko nyätyijyë winë t'akajpxtë, jä'ä ko y'ëna'antë ko yë'ë Dios mooyëtëp yë winma'any ets yë'ë të myëkajpxëtë, jä'ä myäytyë tyajtë: Yë Dios yë'ë yajpatp mëët ëëtsajtëm; tii xynyajajtmëp.

Miqueas 3:5

Ja nnaax nkajpnës jä'ä pyaye'epy ja në'ë tu'u ka'apë myëtëyëtyën jä'ä ko yë'ë win'ë'ënëtëp yë käjpxynyajxpëtëjkëty, mëti'ipë tyukwinwa'anëtyëpën ja jotkujk'ajtën ko pën yajkayëtë ets tsyipwinkajpxëtyëp ko pën tii kyamo'ojëtë. Jëtu'un yë Wintsën t'ënëmaay tääpë käjpxynyajxpëtëjkëty:

Ezequiel 13:22

Miitsëty, tëë xy'ëtsë'ëkëtë yë oyjyä'äytyëjkëty, mëti'ipës ënety ëjts ka'ap ntuna'anyën, ni'ikyë të xyjyotmëkmo'otë yë ëxëëkja'aytyëjk ets ëxëëkpë tuntëty ets jëtu'un ka'ap yë juukyajtën nmo'otëtyës.

Isaías 9:15

Ja këpajk, yë'ë ja mëjja'aytyëjk ets ja kopktëjkëty yaj'antijtëp, e ja pi'ixy yë'ë ja käjpxynyajxpëtëjk yaj'antijtëp mëti'ipë je'eyë antaktëpën.

1 Reyes 13:18

E ja mëjja'ay ni'ikyë y'ënaan'ëtë'ëtsy: Käjpxynyajxpës ëjts näjyëtu'un, jëtu'un tä mijtsën, e yë'ëts yë Wintsën tu'uk yë kyukäjpxy të xy'ënëëmës, ko mijts nwoownëjkxëty maas yë ntëjkën ets jam nyajkay nyaj'uuky. Ya'atë ja mëjja'ay, antakp ënety,

Job 31:5

Ëjts tyamës nikajpxpety, ko ka'apës nijëna'a tii ëxëëk ntuny ets ka'apës nijëna'a pën të nwin'ëëny.

Proverbios 25:14

Jëtu'un tä je'eyë wyintukyën ets pyojyën ets ka'ap maa tuu, jëtu'un ja ja'ay nyäxy mëti'ipë je'eyë winë y'ëwa'anëpën ets ka'ap tii tyäky.

Isaías 28:7

Näyjyëtu'un tää ja'ay mëti'ipë xëmë yuump këtaapën ko y'uuky myu'ukyë ets oy wi'ix jyäntynyijkxy ko ja nëë mëkpë t'uuky mëti'ipë mukpën. Yë teetytyëjkëty ets käjpxynyajxpëtëjkëty yë'ë jëtu'un yajnikajpxtëp, yuntë kyëtawtë ko ja mëknëë t'uuktë, wiinkjaty y'ënanëtë ko myukënëtë, je'eyë kyunëjkx kyukëta'awënëtë ko y'ijxma'atë. Näyjyëtu'un ko nëë poky nipaye'eytyë ëmu'ukyë jyëtijnëtë.

Oseas 7:14

Oy janty mëk jyayajmëtoy xymyëkajpxtës ko jam yajpaatë wyiity myaapäjnkëjxm, yë'ëjëty ka'ap winë aaw winëjot xymyëkajpxtës. Ko t'amëtowa'antë yë tsajpmok ets tsatym nyëë tëëpë nyimaanaxyën, yajtsëtyujtëp yë nyini'kxëty ma wiink tiosën; tääts xykyäjpxy kumëtoownaxtës.

Lamentaciones 2:14

Ja wiinkëma'ay mëti'ipë ja mkäjpxynyajxpëtëjk ojts mtuk'ëwa'anxëtën nëkoo ojts je'eyë mwin'ëënyë. Ka'ap ojts tkajpxkëxë'ëktë ja mpoky këtiipë ja mjuukyajtënëty y'oyëtëty, nëkoo ojts mtukwinwanëty oypyë juukyajtën ets ojts mtukmëpëkyë.