Miqueas 2:1 - Biblia Dc en Mixe de Quetzaltepec

¹ Janty mon janty tuk yë ja'ay yajpaatë mëti'ipë koots myëmaay myëët'ajtëpën wi'ix yë jyiiky myëku'uk ëxëëk tuntëtyën ets ko xyiinyë tëë nyatuuntëkooynyëtë jä'ä ko myëët'ajtëp ja kuttujkën mëk'ajtën.

Biblia Mixe de Quetzaltepec

¹ Janty mon janty tuk yë ja'ay yajpaatë mëti'ipë koots myëmaay myëët'ajtëpën wi'ix yë jyiiky myëku'uk ëxëëk tuntëtyën ets ko xyiinyë tëë nyatuuntëkooynyëtë jä'ä ko myëët'ajtëp ja kutujkën mëk'ajtën.

Miqueas 2:1 ပူးပေါင်းရင်းမြစ်များ

Génesis 31:29

Ëjts ka'apës nkajaty jeexyë mijts ëxëëk ntuntë ets jeexyë yam nyajtsëyut nyajwintëkoytyë, Tiosës tyam koots të xymyëkäjpxy etsës të xy'ënëëmë: Ëkmëtow, këtiis yë n'u'unk Jacob xymyëkajpxëty mëët yë tsip äkë.

1 Reyes 21:7

Ënet ja Jezabel, mëti'ipë ja Ahab tyo'oxytyëjk'ajtypyën y'ëtsoowë: Yaa Israel, mijts yaa m'ënä'ämp ¿këtiijë? Kay uuk akujk jotkujk. Ëjts nija'ap wi'ixës yam tääpë Nabot y'uvëkam mpatës ets mijts xyjyä'ä'atëty.

Ester 3:8

Ënet ja Amán t'ënëmaay ja yajkutujkpë Asuero: Maajaty ja yajkutujkpë t'ëne'emyën ja naax kajpn, tää tu'uk kajpn mëti'ipë tëkatsy juukyajtpën; wiink ja wyinma'any tmëëtëty, ka'ap jyëtu'unëty tä ja nimaypyë ja kajpnën, jä'ä ko ka'ap tpatuntë ja ënä'ämën mëti'ipë mijts yajkutujkpë të xyjyanikäjpxyën. Tyaapë kajpn ka'ap y'oyëty ko je'eyëm yajpaat'ëtë'ëtsy ma mijts m'ëne'emyën myajkutukyën.

Ester 5:14

Ënet ja tyo'oxytyëjk ets ja myëku'uktëjk ojts y'ënë'ëmxëty: ¿Tii ko tu'uk xykyayaj'oyë o'kpäjn? Jä'ä xyajkëjxm'atëty majkmajkts xajpk ja kujkm ets nëjkx jopy xy'ënëëmë yë yajkutujkpë wä'än tni'ënä'ämë yë Mardoqueo ets yajyo'ktëyëty. Jëtu'unts jopy mnëjkxëty kääpyë ukpë mëët yë yajkutujkpë akujk jotkujk. Katii xykyamëmay xykyamëtajëty. Tyaapë jëtu'unpë winma'any oy ojts tmëtoy yë Amán, ojts tjanty'oytyuny ja o'kpäjn.

Ester 9:25

e ko ja Ester ojts tuk'ëwaanë ja yajkutujkpë, ënät ja yajkutujkpë nokymyëët ni'ënä'ämëy ja Amán ets y'ënäny: ko tu'kë'ëyë ja ëyo'on jotmay mëti'ipë të tjanimay të tjanitajën yë Amán ets ëxëëk jyatëty ja Jutiiyë ja'ayëty, wä'än jam tkëtakta'ay ma Amanën. Jëtu'un'äämpy yë Amán mëët yë y'u'unk y'ëna'k kyutëkooytyë.

Job 15:35

Ujts yajpaatë mëët yë ëxëëk jot ëxëëk winma'any tä tu'uk yë to'oxytyëjk yaj'ixyën mëti'ipë u'unk maay tyimy'äjtypyën ets tyajmina'any naaxwiiny yë ëyo'on jotmay; mëëtkyëjxm ko yi'iyë të tuunk'atë win'ë'ën winxajën.

Job 24:14

Yë yaja'ay o'kpë tsojk pyëtë'kojy ets tyaj'ooka'any yë ëyoopëja'ay, e ko kyootsë mä'tspë y'awinpity.

Salmos 36:4

Ko jam wyiitykyëjxm kyo'knë, tääts myäy tyäjy wi'ix ja ëxëëkpë tunëtyën; jä'ä ni'ik ja ëxëëkpë tsyojkën'ajtyp ets ka'ap t'ëk'ëxmatsanë.

Salmos 36:5

E yë mtsojkën mja'awën, Wintsën, jampaat tsajpwinm jyä'ty; ets mwa'atsajtën pyätyp yë tsuxk tsajp.

Salmos 58:3

Yë ëxëëkja'aytyëjk jëtu'un tmëmëxu'unk'atëtë ëxëëk jot ëxëëk winma'any, yë antakpëtëjk ka'anëm myintë naaxwiiny ko yajpaatë jëkäm mëët ja tëyajtën.

Proverbios 12:2

Yë oyjyä'äy, tsojkëp yë Dios, e yë ëxëëk ja'ay pokytyum yajpëjktä'äky.

Proverbios 14:22

Mëti'ipë ëxëëk ëtëtstëp ënantëpën, tëë tyu'utëkoytyë. Mëti'ipë yë'ë y'ijxtaaytyëpën ja oypyë jot winma'any, myëët'ajtëp ja tsojkën ja'awën ets ja jaanty'ajtën.

Proverbios 3:27

Këtii xytyukwintuk'ookëty yë mëyajtën ko pën m'amëtowëtëty, pën jyëkyejpy xytyunëty.

Proverbios 4:16

yë ëxëëkja'aytyëjk ka'ap jotkujk nyäyjyawëtë pën ka'ap tii tuuntëkoy tkajpxtëkoytyë. Yajtëkooytyëp yë tsyuu myä'äyëty ko pën wi'ix muum tuna'antë.

Isaías 29:20

Kutëkoyantëp ja ëxëëkja'aytyëjk, ka'ap maa y'ëkyajpaatanëtë mëti'ipë ëxëëk ëtëtstëp ënantëpën, kutëkoyantëp näjyëtu'un ja ja'ayëty mëti'ipë myëmaay myëët'ajtëpën ja ëxëëktu'un ëxëëk kajpxën,

Isaías 3:14

Yë Wintsën tyukwinmëtowäämpy ja mëjja'aytyëjk ets ja kopktëjk ja nyëë pyokyëty, ets t'ënëëmëja'any: Miits të xypyëjkëtë ja ëyoopëja'ay ja kyä'äyën y'ukën, tëë xymyäätstë ja mëti'ipë ënety ja y'u'unk y'ëna'k tyuk'ixäämpyën, ja mëti'ipë të xymyäätstën jam ma mtëjkën të xymyënëjkxta'atë.

Isaías 32:7

Ja ja'ay mëti'ipë ka'ap ja jyot wyinma'any y'oyëtyën, ma'atjaty ja aaw ayuk tkäjpxy; yi'iyë myëmääpy myëtäjpy ka'apë y'oyëtyën; y'ëxëëk tuumpy ja ëyoopëja'ay ko wyin'ëëny ets y'ëxëëk tuumpy näjyëtu'un ja mëti'ipë tii yajmëyäjtypyën.

Isaías 5:8

Janty mon janty tuk miitsëty myajpaatë, nëkoopë mjëën mtëjk xynyijuuypyätë, nëkoopë mkam mtu'u xypyëjkta'aktë, ka'ap xy'a'ixëtë ets wiinkpë nyaax tpaatëty, ets të mtsënaaytyaknpëktë, jëtu'un tä jeexyë miits nätyu'uk nkajpn'atën.

Isaías 59:3

Miitsëty ujts ja mkë'ë m'aawëty mëët ja jot ne'pyny ja mkë'ëwa'axyëty tëë yajja'ay'ooktë; aak je'eyë mwin'ëëntë, aakjä'ä mnikajpx mnimëtyaktëp wi'ix tii xytyuuntëkoytyën.

Jeremias 18:18

Ënet ja ja'ayëty ojts aakyë'ë nyäy'ëna'anëtë: Tsojk winma'any n'ixta'ayëmë wi'ix yë Jeremías nyaj'o'kmëty. Ma ëëtsajtëmën, ka'ap yë teetyëjk tyëkoy'äty mëti'ipë xytyukni''ijxëmëp winë, yë ixpëkyjyä'äytyëjk näjyëtu'un ka'ap tyëkoy'äty mëti'ipë xykyajpxtë'ëwmëpën ets ka'ap yë käjpxynyajxpëtëjkëty tyëkoy'äty mëti'ipë xytyuknija'awëmëp ja Wintsën ja y'aaw y'ayuk. Tsojk pyoky n'ixta'ayëmë ets wä'än t'ooky. Ka'ap nmëpëjkmëty yë y'aaw y'ayuk mëti'ipë të tjakäjpxyën.

Ezequiel 11:2

Jëtu'unës yë Wintsën xy'ënëmaay: Yë'ë jëtu'un tääpë ja'ayëty nyipëjktakëtyëp ets nyima'ay nyitajëtyëp wi'ix yajja'ay'ooktëtyën ets wi'ix yë jyiiky myëku'uk tyuuntëkoytyëtyën ma ja naax kajpnën.

Ezequiel 33:26

Je'eyë mtsiptuna'antë, aakjä'ä mtuuntëp ka'apës n'oy ixyën, myajtëkooytyëp ja wyintsë'kën ja pëjkën ukën, ¿ets ënät maaytyëpë mtajtëpë ko xyjyä'ä'ata'antë ja naax kajpnë?

Ezequiel 38:10

Ëjts, Wintsën, ëjts ënaanp: Jä'ä xëëw jä'ä jëmëjt nëjkx ëxëëk winma'any mjotëkëty.

Ezequiel 46:18

Tu'uk yë yajkutujkpë ka'ap tjëkyepy pën yë nyaax kyam tpëjkëty. Ko yë y'u'unk y'ëna'k yë nyaax kyam tmo'oja'anëty yë'ë mëpaat tmo'oy mëti'ipë jyä'ä'ajtypyën; jëtu'un ka'ap pën wyë'ëmëty naaxtuk këtiipë yë nnaax nkajpnës ye'eywya'kxëty.

Miqueas 6:12

Yë kumeenyjyä'äyëty mëti'ipë yajpatëpën ma ya'atë kajpnën aak tsyuu'ijxtëp yë myëku'uk ets je'eyë tyajmëtuntë ja'ay ka'ap tmëjuytyë; aak antaktëp ets aak win'ë'ëntëp ja'ayëty mëti'ipë yajpatëpën ma naax kajpnën.

Nahúm 1:11

Ma mijtsën Nínive, jam të tsyoony mëti'ipë ëxëëk nyima'ay nyitajëpën yë Wintsën: Mëti'ipë ëxëëkjaty najtskajpxëpën.

Zacarías 7:10

Këtii o'ktëy xytyunëty yë ku'ookytyo'oxy, yë ku'ooky u'unk, yë jaaypyaat jaaypyo'kxy ets ëyoopëja'ay. Këtii yë'ë xymyëmay xymyëtajtëty wi'ix o'ktëy mnätyunëtëty nixim niyam.

Marcos 15:1

Ko xyiinytyäky, ënät ja teety wintsëntëjk nyiye'eypyäjtë mëët ja mëjja'aytyëjkëty, ja tsajptëkotyëtë yaj'ijxpëjkpëtëjk ets ni'ëmukë ja tsajptëkotyëtë yajuntë'ajtpë. Ënet ja Jesús ojts tyajnëjkxtë kë'ëtsumy ma ja Pilato. Jamts tkë'ëyajktë.

Lucas 20:19

Ënätyë ja teety wintsëntëjk ets ja tsajptëkotyëtë yaj'ijxpëjkpëtëjk tjamatsantë ja Jesús, jä'äkyëjxm ko jëtu'un tja'awëtyë yë'ë yowë yajwinkajpxpäjtëp ko ënety ja Jesús ja ijxpäjtën jëtu'un të tnimëtyä'äky.

Juan 19:11

Ënet ja Jesús y'ëtsooy: Mijts nitii kuttujkën xykyamëët'aty ma ëjtsën ko jeexyë ja Dios ka'ap të mo'oyë ja kuttujkën; paaty ja mëti'ipës të xykyë'ëyäkyën ma mijtsën, ni'ik ja pyokymyëëtëty këtiinëm mijts.

Hechos 23:12

Komjopy ja jutiis ja'ay tkäjpxy'ajtë ets ja Pablo y'ookëty, mëk'äämpy ojts tuknipëjktaakëtë ets ja Dios tyajkajpxtë ets ojts timkyu'ëyuu'atëtë koonëm ja Pablo y'ookëty.

Hechos 23:15

Miitsëty ets ni'ëmukë ja tsajptëkotyëtë yajkutujkpë nëëmëtë ja mëjtsiptuunpë wintsën ets ja Pablo yaa tyajminëty, jëtu'un ja mëj soldadëty wintsën xywin'ëëntëty ko yë'ë myajtëytyëkëjantëp mëti'ipë ja Pablo të tuuntëkoy të tkajpxtëkoyën. Naamka'anëm ënety yaa jyä'ty, jamës n'ëwxita'antë tu'ujotm ets jamës nyaj'ooka'antë.

Romanos 1:30

Nyikajpx nyimëtyaktëp ëxëëkjaty ja myëku'ukëty, myëtsip'ajtëp ja Dios, ëxëëk kajpxtëp, mëjjëtëp patëtëp, amëj akëjxm, myëwinma'anypyaat'ëtëtstëp ja ëxëëkpë, ka'ap ja tyaak tyeety tmëmëtowtë,

Deuteronomio 28:32

Nëjkxëp xyjya'ixy, ko ënety yë mnëëx ets maank yajmënëjkxnëtë ets mja'ëna'anëty jatëkok xya'ixa'anëty, mijts nitii nëjkx mkamayë.