Miqueas 1:13 - Biblia Dc en Mixe de Quetzaltepec

¹³ Miitsëty Laquis ja'ayëty, mëti'ipë je'eyë të kyäjpxykyumëtoownaxtën tä yë Israel ja'ayëtyën, mëti'ipë ojts ëxëëk tyajjat tyajkëpätën ja Sión kajpn, ko tuk'ixtsumëtë yë mkëwaayëty yë kepy wintëkäämpë.

Biblia Mixe de Quetzaltepec

¹³ Miitsëty Laquis ja'ayëty, mëti'ipë je'eyë të kyäjpxykyumëtoownaxtën tä yë Israel ja'ayëtyën, mëti'ipë ojts ëxëëk tyajjat tyajkëpätën ja Sión kajpn, ko tuk'ixtsumëtë yë mkëwaayëty yë kepy wintëkäämpë.

Miqueas 1:13 ပူးပေါင်းရင်းမြစ်များ

2 Reyes 18:17

Ok ojts yë Asiria yajkutujkpë tkexy yë tsyiptuunpë wintsën mëj'äämpyë ets myëkutuunk ets tu'uk mëj wintsën jam ma ja Ezequías yajpaatyën ets jam tsyo'ontë Laquis jyajtë Jerusalén ets tnitëkëja'antë. Ko tmëwinkoontë ja Jerusalén kajpn, jam jyajtaktë ma ja nëë nyipetyën kajpnëkëjxm, ma ja tu'ujën mëti'ipë nëjkxpën ma witpujtaknën.

2 Crónicas 32:9

Tä ja Senaquerib, mëti'ipë jam yajkutujkpën Asiria, tuknikejxy ja noky ja yajkutujkpë Ezequías, jampë yajkutukyën Judá ets ja Jerusalén ja'ayëty, mëët ya'atë ja aaw ayuk:

Josue 10:3

Paatykyëjxm ojts yë Adonisédec kanaak yë noky tyaj'oyë ets tuknikejxy ja yajkutujkpë Hoham mëti'ipë jam ënä'ämpën Hebrón, ja Piream mëti'ipë ënä'ämpën Jarmut, ja Jafía mëti'ipë jam ënä'ämpën Laquis ets ja Debir mëti'ipë jam ënä'ämpën Eglón, ets t'ënëmaay:

Apocalipsis 2:20

E jam tu'uk mëti'ipës ka'ap n'oy'ixyën: ko mijts jam xyaj'ity yë to'oxytyëjk Jezabel, mëti'ipë nätyijëpën Dios ayuk kajpxnajxpë. Yë y'ijxpëjkën tyukwin'e'empy ja mëpëjkpëtëjk ko y'ënä'äny ko ka'ap pyokyëty oy xim yam ja ye'etyëjk ëkë ja to'oxytyëjk tmëët'atëty ets oy tjë'kxtëty mëti'ipë tëë yajtukwintsë'ëkën ja awinax.

Apocalipsis 2:14

E tam wäänë mëti'ipës ka'ap n'oyjyawën ma mijtsën: tam ma mijtsën jënaakën yë ja'ay mëti'ipë ka'ap t'ëxmatstën ja Balaam ja y'ijxpëjkën, mëti'ipë ojts t'akajpxën ja Balac ets ja Israel ja'ay pyokytyuntëty ets tjë'kxtëty ja mëti'ipë yajtukwintsë'këpën ka'apë Tyiosëty ets ko pyokytyuntëty mëët ja wiinkpë to'oxytyëjkëty.

Miqueas 1:5

Tëkokyë ya'atë ëyo'on mëti'ipë tunan jatanëpën yë'ëkyëjxm jëtu'un jyata'any ko yë Jacob yë y'u'unk y'ok je'eyë kyäjpxykyumëtoownaxtë, mëët ko ja nëë poky të tmëtëkëtë ja Israel ja kyutujkën. ¿Ma jëtää ënät ja Jacob mëti'ipë käjpxy kyumëtoownajxpën? Tam ja Samaria. ¿Ma jëtää ënät ja wyintsë'këntyaknëty ja Judá ja'ayëty ma t'ëwtatën ja ka'apë tiosëtyën? Näy jam ja Jerusalén.

Ezequiel 23:11

Yë y'uty Oholibá ko jëtu'un t'ijxy, tää ojts näjyëtu'un y'ëtëtstä'äky ets ni'ik o'ktëy ojts y'ëti'itsy. Ojts ja jyot nyini'kx tyäky ma ja ye'etyëjktëjkëtyën ets jä'ä ojts tpanëjkxy mëti'ipë ënety tsyojkën'ajtypyën.

Jeremias 4:29

Jëtu'unyë ja'ay kyäkpëtsëëmta'atë ko tmëtowtë ja mëtsip myiny kwaaykyijxy ets aakmëët ja tyi'pxnëty; jam ujtsjotm kyukäkëtya'atë ets mëti'ipë jam tsaatunkëjxm. Tëë ja naax kajpn tukpëyë'ktuta'atë; ka'ap jam pën y'ëktsënaaynyë.

Jeremias 3:8

ets y'ijx näjyëtu'un koos ojts n'ëxmatsy yë Israel kajpn mëti'ipë käjpxy kyumëtoownajxpën, jëtu'un tä tu'uk yë to'oxytyëjk yaj'ëxmatsyën mëti'ipë ka'ap twintsë'ëkën yë nyiye'etyëjk. E yë Judá, mëti'ipë jëtu'un tä jeexyë yë Israel tsë'ë'atyën, nän timjëtu'un ojts y'ëtëtstä'äky.

Isaías 37:8

Ko ja Asiria ja'ay, mëti'ipë ja tsiptuunpëtëjk nyiwintsën'ajtypyën tnija'awëy ko ja yajkutujkpë tëë ënety tsyoony jam Laquis. Ënet jam Jerusalén tsyo'ony, jam ojts tpaaty ja Asiria yajkutujkpë Libná, Libná ja'ay ënety jam mëët tsyiptuny.

Isaías 10:31

Tëë kye'eky ja Madmená, ja Guebim ja'ayëty tëë nyäyu'tsta'ajëtë.

2 Crónicas 11:9

Adoraim, Laquis, Azecá

2 Reyes 8:18

Yë'ë ëxëëkjaty ojts winë tuny Wintsën wyintum tä ënety ja wiinkëtypë ja yajkutujkpë mëti'ipë ënä'ämtën jam Israel, tä ja Ahapën, jä'ä ko ja tyo'oxytyëjk yë'ë myëku'uk ja Ahab; paaty ja tyu'unën kyajpxën aak tëkatsy ojts ja Wintsën t'ixy.

1 Reyes 16:31

jä'ä ko yë'ë ka'ap ojts ninu'un tmëkjawë ko nän yë'ë ja poky tyuunpy mëti'ipë ja Jeroboam tyuunën, Nabat yë myaank. Ni'ik yë'ë, jä'ä ko ojts mëët pyiky ja Jezabel, yë nyëëx yë Et-baal, mëti'ipë yajkutujkpën jam Sidón ets ojts t'ëwtajnë ja Baal.

1 Reyes 14:16

Yë Wintsën nëjkxëp jëna'a t'ayajk tkë'ëyajknë yë Israel ja'ayëty, mëëtkyëjxm ko ja Jeroboam ja nëë poky të tmëtëkë ets ko të tyajpokytyuny ja naax kajpn.

Josue 15:39

Laquis, Boscat, Eglón,

Éxodo 32:21

Tä ojts t'ënëëmë ja Aarón: ¿Tii jëtu'un ya'atë naax kajpn të mtukmëtuuntëkoyë ets jëtu'un xyajpokytyunëty mëjwiin këjää?

Génesis 19:17

Ko ënety tëë yë kajpn tukpëtsëëmtaaynyëtë, ënät ojts yë tsajpjotmëtë kukäjpxy y'ëna'antë: Pe'tym pëyë'ëktë ets näyyajtso'okëtë, këtii mnäjyë'ixëtëty ets këtii mwa'ak'awëtëty. Nëjkx kopkkëjxm, pën myajtso'okäämpy yë mjuukyajtën.

1 Reyes 4:28

Wi'ixëty ijty tyuka'ajëtë jëtu'un jam ja jë'kxy tkäxtë mëti'ipë tyijtëpën cebadë ets ja mëëy mëti'ipë ja jyëyujk jyë'kxtëpën, ja kwaay mëti'ipë wyo'ontëpën ja kepy wintëkäämpë ets mëti'ipë winë pyatsëëmtëpën.

2 Reyes 14:19

Jam Jerusalén tëë ënety yajnikäjpxytyunë ja Amasías, paaty kyeky ets ojts nyijkxy jam Laquis; je'eyëp ko ojts ënätyë ja myëtsiptëjk pyanëjkxyë ets jam yaj'o'kë.

Isaías 36:2

Jam Laquis, jam ojts tsyoontë ja wyintsëntëjk mëti'ipë ja tsiptuunpë ja'ay nyiwintsën'ajtëpën ets nimiintë ja Ezequías mëti'ipë ënety jam Jerusalén yajkutujkpën. Jam nyäpyëjktakëtë ma ja nëë nyikoompetyën, mëti'ipë yajtijpën Witpujtakn.

Job 39:10

¿Jä'ä jëtää m'ëna'any; näjyëtu'un xyajyu'ujaanpë, ëkë mpanëjkxëtëty ma mnaax mkam xytyäjy xyjyeepyën?

Jeremias 34:7

E ja tsiptuunpëtëjkëty mëti'ipë yë Babilonyë yajkutujkpë jyä'äy'äjtypyën tëë ënety tyajnatuktë ja Jerusalén ets ja Judá kajpn mëti'ipë yajtijpën Laquis ets Azecá ja këwent'atypë y'itën.