Mateo 9:4 - Biblia Dc en Mixe de Quetzaltepec

⁴ Nyija'awëy ja Jesús wi'ix ënety myäytyë tyajtën. Tääts yajtëëwëtë: ¿Tii ko ëxëëk winma'any xymyëët'atë?

Biblia Mixe de Quetzaltepec

⁴ Nyija'awëy ja Jesús wi'ix ënäty myäytyë tyajtën. Tääts yajtëëwëtë: ¿Tii ko ëxëëk winma'any xymyëët'atë?

Mateo 9:4 ပူးပေါင်းရင်းမြစ်များ

Lucas 6:8

Ja Jesús wa'ats tnijawë wi'ix ja ja'ay myäytyë tyajtën, tääts t'ënëmaay mëti'ipë ënety ja kyë'ëjën të'ëts: Pëtë'ëk, tänë yaa itkujky. Tääts ja ja'ay pyëti'ky ets wya'kujkëy,

Mateo 12:25

Nyija'awëy ja Jesús wi'ix ja ja'ay myäytyën tyajtën, paaty t'ënëmaay: Tu'kë'ëyë naax kajpn mëti'ipë kanaakpëky të nyäwyä'kxyën aak mëtsip nye'ixëtë, tääts kë'ëm nyäyajkutëkoyë; näjyëtu'un ja kajpn ëkë ja'ay tu'kjëën tu'ktëjkpë të nyäwya'kxëtën ¿wi'ix ja myëk'ajtën kyutujkën t'ëkmëët'atëty?

Juan 16:30

Tyamës nijawëtë ko mijts tu'kë'ëyë winë xynyija'awëtyä'äy ets ko ka'ap xyajmëyäty pën tii myajtëwëtëty. Yë'ëkyëjxmës tyam nmëpëktë ko mijts mtsoony jam ma Tiosën.

Lucas 11:17

Wa'ats ja Jesús tnijawë wi'ix ja ja'ay myäytyë tyajtën, tääts t'ënëmaay: Oymyëti'ipë kajpnëty, ko nyäpyëjkwa'kxëtëty, ka'ap tmëët'atëty ja kuttujkën; ets ko ja'ay tu'kjëën tu'ktëjk tsyiptunëty, ma'taanp ja tsëna'ayën.

Salmos 139:2

Wa'ats xynyijawë tiijës ntuunpy nkäjpxypën, ets jëkämpaat xynyijawë wi'ixës nmay ntajyën.

Salmos 44:21

Mijts wa'ats jeexyë xy'ixy xynyijawë, jä'ä ko mijts mtuk'ijxnajxyp yë jot winma'any.

Hechos 5:9

Tääts ja Pedro t'ënëmaay: ¿Tii ko të xykyäjpxy'atë nimäjtsk ets ja Wintsën ja kyënu'kxymyëk'ajtën xywyinma'any'ixa'antë? Tää ja ja'ay myintë tëjk ëkë'ëy mëti'ipë ja mniye'etyëjk ojts të tyajnaaxtëkëtën, mijts näjyëtu'un ënät nëjkx mnaaxtëkë.

Juan 16:19

Ënet ja Jesús nija'awëy ko ja y'ijxpëjkpëtëjkëty tam mëti'ipë tjayajtëwantëpën winë, paaty t'ënëmaay: Tëë miits nëëmëtë ko wäänë jyaak ita'any maajës ka'ap xy'ëk'ijxnëtëty ets nän wäänë y'itëty tääts jatëkok xy'ixtëtyës. ¿Ya'atë miits ka'ap xyjyä'äkyukëtë?

Juan 6:64

Täänëm ma miitsëtyën mëti'ipë ka'ap myëpëkyën. Yë Jesús paaty jëtu'un y'ënäny jä'ä ko nyija'ap ënety pën ka'ap myëpëktën ets pën kë'ëyakanëpën.

Juan 6:61

Ja Jesús ojts nijawë ko jëtu'un myäytyë tyajtë, paaty tyajtëëy: ¿Ya'atë miits mka'oyjya'awëtëpë?

Juan 21:17

E mëtëkëëk ok yajtëëwkojënëpë: Simón, Juan yë myaank, ¿xytsyojkpësë? Ets ja Pedro jyotmaytyëjkëy ko mëtëkëëk ok yajtëyë pën tsyojkpy ets t'ëtsooy: Wintsën, mnija'ap mijts tu'kë'ëyë winë, mnija'ap mijts ko ntsoky. Ets ja Jesús y'ënëmaayë: Këwent'ajtëkës yë nkupixyny.

Lucas 5:22

Jesús, wa'ats ënety tnijawë wi'ix myäytyën tyajtën, paaty tyajtëëy: ¿Tii ko jëtu'un mmaytyë mtajtë?

Marcos 12:15

Ja Jesús ojts nijawë ko ënety nëkoopë je'eyë myintë winma'any'ijxpë. ¿Tii ko xywyinma'any'ixa'antës? Yaktë tu'uk ja meeny, wä'änës n'ëk'ixy.

Marcos 2:8

Näy ënätyë ja Jesús tnija'awëy ko ja ja'ay jëtu'un myäytyë tyajtë ets t'ënëmaay: ¿Ti ko miits jëtu'un mmaytyë mtajtë?

Lucas 7:40

Ënet ja Jesús t'ënëmaay ja fariseë: Simón, tap wäänë nmëkajpxa'any. Ets ja fariseë y'ëtsooy: Oy, Wintsën.

Ezequiel 38:10

Ëjts, Wintsën, ëjts ënaanp: Jä'ä xëëw jä'ä jëmëjt nëjkx ëxëëk winma'any mjotëkëty.