Mateo 9:35 - Biblia Dc en Mixe de Quetzaltepec

³⁵ Tyukjëtijtëtyääy ja Jesús ja naax kajpn mëj mutsk ets yaj'ixpëky tsajptëkoty maajëty tu'uktu'uk ja kajpnën ets tuk'ëwaanë ja ja'ay aaw ayuk oypyë ma Dios kyutujkën yajnimëtyä'äkyën ets tyajtso'oky oymyëti'ipë pa'amëty ets pëjkën ato'onën.

Biblia Mixe de Quetzaltepec

³⁵ Tyukjëtijtëtyääy ja Jesús ja naax kajpn mëj mutsk ets yaj'ixpëky tsajptëkoty maajëty tu'uktu'uk ja kajpnën ets tuk'ëwaanë ja ja'ay aaw ayuk oypyë ma Tios kyutujkën yajnimëtyä'äkyën ets tyajtso'oky oymyëti'ipë pa'amëty ets pëjkën ato'onën.

Mateo 9:35 ပူးပေါင်းရင်းမြစ်များ

Hechos 10:38

Mnija'awëtëp näjyëtu'un ko ja Dios tmooy ja Jesús ja Kënu'kxymyëkajtën mëët ja mëk'ajtën, ets ko ja Jesús tuuny ja oypyë ko jyëtijty naaxwiiny ets tyajtsoky ja ja'ay ni'ëmukë mëti'ipë ënety ja mëjku'u yaj'ëyoowëtëpën. Jëtu'un ojts ya'atë tuny jä'äkyëjxm ko ja Dios mëët yajpaaty.

Marcos 6:56

Ko ja Jesús ijty nyijkxy oymyaajëty, kajpntum ëkë kamjotm, ënätyë ja ja'ay tpëjkta'aktë ja pa'amja'ay jam muum tu'ujotm. Jamts tmënu'kxta'aktë ja Jesús ets ja wyit pa'a tyo'onxëtëty oy jënu'unën ja pa'amja'aytyëjk; ets tu'kë'ëyë mëti'ipë tyoontëpën ja Jesús ja wyit, tsoktëp akëtaktëp poj'am.

Mateo 11:5

Tukmëmëtya'aktë ko ja ja'ay wiintspë y'ixë'ëktë, ko ja pajk ma'atpë ye'eytyë, ko ja pu'uts mëëtpë tsyo'oktë, ja natpë tëë myëtoowpëktë, ja o'kpë tëë jyuukpyëktë ets ko ja ëyoopëja'ay ja oy aaw oy ayuk yajtuk'ëwaanëtë.

Lucas 13:22

Jam ënety ja Jesús nyijkx Jerusalén ets yaj'ixpëky maajëty ja kajpn tuknaxyën mëjpë mutskpë.

Hechos 2:22

Miitsëty, Israel ja'ay ja tyiktsëty y'aatsëty, mëtowtë mëti'ipës yam nkajpxäämpyën: Ijxtëm miitsëty wa'ats xynyijawëtën, ojts ja Dios tyaj'ixyë ja kyutujkën mëët ja Jesús, Nazaretëtë ja'ay, ko tyaj'ixyë ja myëj'ajtën y'oyajtën ets kanaakjëjp ja ijxpät.

Marcos 6:6

Mëk tja'awëy ko ja ja'ay ka'ap myëpëjkë. Ënet kajpn kajpn jyëtijty tyaj'ijxpëky ja ja'ay.

Mateo 11:1

Ko Jesús tukmëmëtyaktaay ja majkmäjtskpë y'ijxpëjkpë mëti'ipë tyuntëpën, ojts nyijkxy yaj'ijxpëjkpë, tkajpxwä'kxy ja Dios ja y'aaw y'ayuk maajëty ja kajpnën mëti'ipë jam yajpatpën ma Galilea y'itjotmën.

Mateo 10:1

Tä ja Jesús twoowtsooy ja nimajkmäjtskpë y'ijxpëjkpëtëjk ets tmooy ja kuttujkën ets t'ixkäxtëty ja ku'oypyë ets tyajtso'oktëty oymyëti'ipë pa'amëty ets pëjkën ato'onën.

Marcos 1:14

Ko ja Juan ënety të yajtsumy, ënät ja Jesús tsyo'ony ets ojts nyijkx Galilea y'itjotm. Jamts ojts tkajpxwä'kxy ja oy aaw oy ayuk ma Dios yajnimëtyä'äkyën,