Mateo 9:33 - Biblia Dc en Mixe de Quetzaltepec

³³ Ko ja Jesús t'ixkejxy ja ku'oypyë, tääts ja uum kyajpxë'ky. Janty mëj'ixy ja ja'ay t'ijxtë ets y'ënantë: Nijëna'a jëtu'unpë kyayaj'ixynyëm yaa Israel y'itjoty.

Biblia Mixe de Quetzaltepec

³³ Ko ja Jesús t'ixkejxy ja ku'oypyë, tääts ja uum kyajpxë'ky. Janty mëj'ixy ja ja'ay t'ijxtë ets y'ënantë: Nijëna'a jëtu'unpë kyayaj'ixynyëm yaa Israel y'itjoty.

Mateo 9:33 ပူးပေါင်းရင်းမြစ်များ

Lucas 11:14

Jam ja Jesús ënety t'ixkexy ja ku'oypyë ma tu'uk ja ja'ayën uumpë; ko ja ku'oypyë y'ëxmajtsë, tääts ja ja'ay kyajpxë'ky. Janty mëj'ixy ja ja'ay t'ijxtë.

Isaías 35:6

Ja tekymya'at këjxmëty nëjkx pyujtë'ëktë ets ja uumtëjk nëkooyë nëjkx yaxnëtë jyojknëtë. Jam të'ëts'itjotm të'ëts naaxjotm jam'ataanp ja nëë, xii yaa muum ja nëë myuuta'any.

Lucas 7:9

Mëjmëtoy ja Jesús tmëtooy ko ja tsiptuunpë wintsën jëtu'un y'ënä'äny ets wya'akwinpijty, tääts t'ënëmaay ja ja'ay mëti'ipë ënety yajpatëpën: Jëtu'un miits n'ënëëmëtë ko ni tu'ukës ja'ay jëtu'unpë të nkapaaty ma Israel kajpnën ijxtëm ya'atë ye'etyëjkën, mëk tmëëtëty ja mëpëjkën.

Jeremias 32:20

Ojts jap Egiptë yë mmëjajtën mkutujkën xyaj'ixyë, tyampaat je'eyëm xyaj'ixyë ma Israel kajpnën ets ma nitëkokyë ja'ayëtyën, jëtu'un'äämpy yë mxëëw mëj yajëkyepy oymyaajëty.

Salmos 76:1

Yë Dios wa'ats yajnijawë jam Judá ets xyëëw mëj yajëkyepy jam Israel.

2 Reyes 5:8

Ko ja Wintsën ja myëtuunpë Elisejë, tnija'awëy, ko tëë ja yajkutujkpë nyänyikëëtsyë, mëët ko tmëkjawë ja noky mëti'ipë të yajtuknikexyën, ënät tkäjpxynyikejxy ets t'ënëmaay: ¿Tii ko nëkoo mnänyikëëtsyë? Wä'än tääpë ja'ay tminy, ëjtsës xynyiminëp ets tnijawëty ko ma Israel yë nyaax kyajpnën tää yajpaaty yë ja'ay mëti'ipë myëtuumpyën yë Wintsën.

Marcos 2:12

Pëtë'k ja pa'amja'ay ets ja myaapäjn tkëëyi'ky ets tsyo'onë mayjyä'äyjotm. Paaty ja ja'ay ni'ëmukë mëj'äämpy t'ijxtë ets ja Dios tmëjja'awëtyë tjaantyjya'awëtyë ets y'ënantë: Nijëna'a ëëts ya'atë jëtu'unpë nka'ixynyëm.

Mateo 8:10

Ja Jesús mëjmëtoy ojts tjawë ko jëtu'un y'ënä'äny ja ja'ay, paaty t'ënëmaay ja mëti'ipë jam pajëtijtëpën: Tëy miits nëëmëtë ko ni tu'ukës ja'ay jëtu'unpë të nkapaaty yaa Israel ijxtëm ya'atë ye'etyëjkën, mëti'ipë mëj këjää tyuk'ijxpejtypyën yë Dios.

Mateo 9:32

Tam ënety kyatsoontënëm ja ja'ayëty mëti'ipë të y'ijxë'ëktën, ko twoowmiintë ma ja Jesúsën tu'uk ja ja'ay uumpë, ku'oypyë myëët'ajtyp.