Mateo 9:2 - Biblia Dc en Mixe de Quetzaltepec

² Jamts ja ja'ay jya'ajtë mëti'ipë kyiiyjya'ajtën maapäjnkëjxm tu'uk ja pa'amja'ay, kë'ëxujxpë tekyxyujxpë. Ko ja Jesús t'ijxy ja ja'ay ko mëpëjkp, tääts t'ënëmaay ja kë'ëxujxpë tekyxyujxpë: U'unk amëk jotmëk yajpaat, yë mpoky tëë yajme'kxy.

Biblia Mixe de Quetzaltepec

² Jamts ja ja'ay jya'ajtë mëti'ipë kyiiyjya'ajtën maapäjnkëjxm tu'uk ja pa'amja'ay, kë'ëxujxpë tekyxyujxpë. Ko ja Jesús t'ijxy ja ja'ay ko mëpëjkp, tääts t'ënëmaay ja kë'ëxujxpë tekyxyujxpë: U'unk amëk jotmëk yajpaat, yë mpoky tëë yajme'kxy.

Mateo 9:2 ပူးပေါင်းရင်းမြစ်များ

Eclesiastés 9:7

Paaty ni'ik oy, ko xytyukxoonta'akëty yë mkääky m'uuky mëti'ipë mpatyp m'ijxpyën; tukxoontä'äky yë tsatym nyëë mëti'ipë tëëpë nyimaanaxyën ko xy'uukëty, jä'ä ko yë Dios y'oy'ijxyp yë oypyë mtu'unën.

Isaías 44:22

Tëë nimä'kxta'ayëm yë mpoky ets tëëjës jëtu'unyë nyajtëkooytyä'äy mëti'ipë të xytyuuntëkoyën, jëtu'un tä yoots pyojtëkoyën. Niwinpijtkës, tëë mijts nyajnitso'oky.

Mateo 14:27

Tääts ja Jesús y'ënëmaayëtë: Jotmëk yajpaatë. Ëjts yë'ë. Këtii mtsë'ëkëtë.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Mateo 6:12

Pokynyimä'kxtëkës maas ëxëëk tii ntuntën nkajpxtën, jëtu'un tääjës të mpokymyä'kxtën ja mëti'ipës ëxëëk të xytyuntën.

Mateo 8:10

Ja Jesús mëjmëtoy ojts tjawë ko jëtu'un y'ënä'äny ja ja'ay, paaty t'ënëmaay ja mëti'ipë jam pajëtijtëpën: Tëy miits nëëmëtë ko ni tu'ukës ja'ay jëtu'unpë të nkapaaty yaa Israel ijxtëm ya'atë ye'etyëjkën, mëti'ipë mëj këjää tyuk'ijxpejtypyën yë Dios.

Mateo 8:16

Ko tsyu'ujënë, tääts ja Jesús ojts tukninëjkxtë may ja ja'ay mëti'ipë ku'oypyë myëët'ajtëpën. Tu'k'aawkäjpxyëty ojts t'ixkexy ja ku'oypyë ets näjyëtu'un tyajtsoky ni'ëmukë ja pa'amja'ay.

Mateo 9:22

Tääts ja Jesús wya'akwinpijty ets tni''ijxwinpijty ja to'oxytyëjk ets t'ënëmaay: Nnëëxës, jotkujk yajpaat, yë mmëpëjkën yë'ë të myajtso'okyë. Ënätyë tsyoky ja to'oxytyëjk.

Mateo 9:5

¿Mëti'ipë ka'ap tsyipëty, koos n'ëna'anëty: Tëë mpoky yajme'kxy, ëkë koos n'ënëëmëtyë: Pëtë'ëk ets ye'ey?

Mateo 9:6

Tyam miits ntuk'ixa'antë koos ja kuttujkën nmëët'aty yaa naaxwiiny eetsës ja poky nma'kxëty, ëjts, naaxwiinyëtë ja'ay y'U'unk. Ënet ja kë'ëxujxpë tekyxyujxpë t'ënëmaay: Pëtë'ëk, këëyë'ëk yë maapäjn ets nëjkx ma mtëjkën.

Marcos 1:32

Wäänë y'ijty ko ja xëëw kyëtäky, koots, ënät ja Jesús yajtuknimiiny ni'ëmukë ja pa'amja'ay ets mëti'ipë ënety ja ku'oypyë myëët'ajtëpën.

Marcos 10:49

Tääts ja Jesús wya'ak'o'oyëy ets ja ja'ay t'ënëmaay: Nëjkx wowtë. Tääts t'ënëmaaytyë ja wiints: Tsojk pëtë'ëk, tam myajmëkäjpxy.

Marcos 5:34

Tä ja Jesús t'ënëmaay ja to'oxytyëjk: U'unk, paaty të mtso'oky jä'ä koos të xymyëpëky. Nëjkx akujk jotkujk ets tso'oky akëtä'äky xëmë m'itëty.

Marcos 6:50

jä'ä ko tëë ënety ni'ëmukë t'ixtë, tsë'këtëp je'eyë. Ënätyë ja Jesús ojts myëkajpxëtë: Këtii mtsë'ëkëtë, ëjts yë'ë, amëk jotmëk itë.

Juan 16:33

Ntuk'ëwa'anëtëp miits tyam ya'atë tu'kë'ëyë ets ja kijpxyajtën jyää'atëty ma miitsëtyën. M'ëyowantëp miits yaa naaxwiiny, je'eyëp ko amëk jotmëk myajpaatëty, ëjts tëëjës nmëmëtä'äky ja naaxwiinyëtë winma'any.

Juan 2:25

Ka'ap tuk'ëwaanë tsoky, wi'ixjaty ja ja'ay jyä'äy'atën, wa'ats nijawë wi'ix ja y'aaw jyotëtyën.

Juan 21:5

Ënet ja Jesús yajtëëwëtë: Mexyëty, ¿ka'ap tii ajkx të xymyatstë? Ets y'ëtsoowtë: Ka'ap tii.

Hechos 14:9

ets tmëtoow'ity mëti'ipë ja Pablo kyäjpxyp myëtyäkpyën, ënät ja Pablo y'ijxë ko mëk ja Dios tmëpëky ets jyëkyejpy tsyo'okëty.

Hechos 19:12

jëna'ajëty ja Pablo ijty je'eyë yajtukniminy ja paayë ëkë ja wit ets tonëty, yë'ëts myënëjkxtëp ma ja pa'amja'ayën ets tsyo'oky. Näyjyëtu'un tuuntë mëti'ipë ja ku'oypyë myëët'ajtëpën, ets y'ëxmatsëtë.

Hechos 23:11

Jä'ä koots ojts ja Pablo t'a'ijxnaxy pyë'aay ja Wintsën ets y'ënëmaayë: Pablo, jotmëk näpyëjkta'akët. Jëtu'un ijxtëm ja tëyajtën të xynyimëtyä'äkyën ëjtskyëjxm yaa Jerusalén, näjyëtu'un ja tëyajtën xynyimëtya'akëty ëjtskyëjxm jam Roma.

Romanos 5:11

Ets ka'ap yi'iyëty tyaapë, näjyëtu'un ntuk'ijt ntukxo'onëm ja mëti'ipë ja Dios të tunyën Jesukristë mëët, jä'ä ko Jesukristë mëët të nämyë'oypyëjkëmë ja Dios.

Santiago 2:18

Wä'än jëtää tu'uk yë ja'ay tyajtëwëty ets y'ëna'anëty: Mijts, mjamëpëjkpy yë Dios je'eyëp ko ka'ap xyajtuny; ëjts ntuumpyës winë oy. Ëktuk'ijxkës ja mmëpëjkën ma ka'ap tii oy xytyunyën; e ëjts tyam mijts ntuk'ixëty maas tii oy ntunyën, oyës nkamëpëky.