Mateo 9:18 - Biblia Dc en Mixe de Quetzaltepec

¹⁸ Tam ënety ja Jesús myëëtmëtya'akëtë ko tu'uk ja Israel wintsën jyä'äjty ets nyäkyoxtënaaytyakë ets y'ënëmaayë: Tapës ja nnëëx tyim'o'këtä'äky ets pën mmiimp mijts ets mkë'ë xypyëjkta'akëty ma yë'ëjën, juuky'atëp jatëkok.

Biblia Mixe de Quetzaltepec

¹⁸ Tam ënäty ja Jesús myëëtmëtya'akëtë ko tu'uk ja Israel wintsën jyä'äjty ets nyäkyoxtënaaytyakë ets y'ënëmaayë: Tapës ja nnëëx tyim'o'këtä'äky ets pën mmiimp mijts ets mkë'ë xypyëjkta'akëty ma yë'ëjën, juuky'atëp jatëkok.

Mateo 9:18 ပူးပေါင်းရင်းမြစ်များ

Mateo 8:2

Tääts ja ja'ay ojts tu'uk nyiminyë mëti'ipë pu'uts pa'am pëjkëpën ets nyäkyoxtënaaytyakë Jesús wyintuuy ets y'ënäny: Wintsën, pën mtsojkpy, yajtsokës ets yajwatskës.

Lucas 13:14

E ja tsajptëjk wintsën ojts tukjoot'anpëky ja Jesús ko ja to'oxytyëjk ojts tyajtso'oky po'kxënxëëwjoty paaty ja ja'ay t'ënëmaay: Tëtujkxëëw nyikutukyëty ets ja'ay tyuntëty. Pën mtso'okantëp, mintë oyjyëna'ajëty ets ka'ap pyo'kxën xëëwjotyëty.

Juan 11:32

Ko ja Maria jyä'äjty ma ja Jesús ënety jamën ojts twinkujxtänë ets t'ënëmaay: Wintsën, ko jeexyë mijts yaa të myajpaaty, ka'ap jeexyë yë n'ayës të y'ooky.

Mateo 9:24

ënät y'ënäny: Pëtsëmtë yaa, yë kiixy u'unk ka'ap yë të y'ooky, maap yë je'eyë. Tääts ja ja'ay je'eyë tukxiktë ja Jesús.

2 Reyes 5:11

Naamán ko jëtu'un tmëtooy, tä tyimwinpijty, yajxon jyoot'anpëjky, tä y'ënäny: Ëjts tyaajës të n'ënaanpë ko ntijën xynyiminëtyës kë'ëm tääts ja Wintsën tmëkajpxëty ets tonëty ja npu'utsës täätsës jeexyë jëtu'un ntso'oky.

Hechos 13:15

Ko tkajpxtaaytyë ja Moisés ets ja käjpxnyajxpëtë ja y'ënä'ämën, ënät ja tsajptëkotyëtë wintsënëty t'ënëmaaytyë ja Pablo ets ja Bernabé: Mëku'uktëjkëty, pën jam tii xynyikajpxa'antë, oy tyam yë ja'ay xytyuk'ëwaanëtëty.

Juan 11:25

Ënet ja Jesús y'ënëmaayë: Ëjts yajjuukpyëjkpë, ëjts nyäjkpy ja juukyajtën. Pën ëjts xymyëpëjkp, oy jya'ooky, juukpyëkaanp jatëkok;

Lucas 18:18

Tääts ja Jesús tu'uk ja kutuunk y'ënëmaayë: Oy yaj'ijxpëjkpë, ¿tiis ntunëp etsës npaatëty ja juukyajtën xëmëkyëjxmëpë?

Lucas 7:2

Jamts ënety tu'uk ja tsiptuunpë wintsën mëti'ipë ja tyuunpë mëk tsyojkpyën, pëjkëp ets ookanëp ënätynyë.

Mateo 28:17

Ko t'ijxtë ja Jesús, tääts t'ëwtajtë, je'eyëp ko tam ja mëti'ipë ka'ap oy myëpëkyën.

Mateo 17:14

Ko ojts jya'të ma ja mayjyä'äyën, ënät tu'uk ja'ay myiiny ma ja Jesúsën ets nyäkyoxtënaaytyakë tääts y'ënëmaayë:

Mateo 15:25

E ja to'oxytyëjk ojts tmëwinkony ja Jesús ets twinkoxtënaay ets t'ënëmaay: Wintsën, putëjkëkës.

Mateo 14:33

Ets pënjaty ënety jap kepy nëëwinye'epyëjoty, ojts nyäkyoxtënaaytya'akëtë Jesús wyintuuy ets t'ënëmaaytyë: Tëy jëtu'un, Dios U'unk mijts.

Mateo 20:20

Ënet ja Zebedeo y'u'unk myiintë mëët ja tyaak ma ja Jesús ets ja u'unktaak nyäkyoxtënaaytyakë Jesús wyintuuy, t'amëtoy tu'uk ja mëyajtën.

Mateo 8:25

Ënet ja y'ijxpëjkpëtëjk yujxëtë ets y'ënëmaayëtë: Wintsën, yaj'ëwaatsëpëtsëëmtëkës. Tyamës nëëji'kxnëtë.

Mateo 9:17

Ets nän ka'ap ja tsatsym nyëë pën t'atämë tuk po'ojoty, jä'ä ko yë tuk po'o kë'tsp yë'ë, tääts tyëkoy ja po'o ets ja tsatsym nyëë. Paaty yë jempyë tsatsym nyëë jap yaj'atämë ma jempyë po'ojën ets jëtu'un mäjtskpëky oy y'ity.

Mateo 9:19

Tääts ja Jesús wya'kujkëy mëët ja y'ijxpëjkpëtëjk ets ojts tpanëjkxtë ja Israel wintsën.

Hechos 28:8

Ja Publio ja tyeety jëënpa'am ets ja ne'pnypya'am ënety jam pëjkëp. Ënet ja Pablo ojts tkukajpxë. Ko ja Dios ojts tuknija'amyätsë ets ojts tkë'ënixajy, ënätyë tsyoky.