Mateo 9:13 - Biblia Dc en Mixe de Quetzaltepec

¹³ Nëjkxtë ets xy'ijxpëktëty ja Dios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

Biblia Mixe de Quetzaltepec

¹³ Nëjkxtë ets xy'ijxpëktëty ja Tios ja y'aaw y'ayuk ma y'ënä'änyën: Yë'ëjës ntsojkpy ets ja'ay tmëët'atëty ja pa'ëyo'owën, ka'ap yë'ëjëty ma wintsë'kën xymyo'otëtyës. Jä'ä ko ka'apës yë'ëjëty të niminy yë oyjyä'äytyëjk, pokyjyä'äytyëjkës të niminy.

Mateo 9:13 ပူးပေါင်းရင်းမြစ်များ

Marcos 2:17

Ko ja Jesús tmëtooy, ënät y'ënäny: Mëti'ipë ja'ay oy mëkën, ka'ap yë tsooy tyajm'ëmaaytyä'äky; yë'ë tsooy yaj'ëmaaytyäkpy mëti'ipë pëjkëpën. Ëjts ka'apës yë'ëjëty të niminy wa'ats ja'aytyëjk, pokyjya'ayës të niminy.

Lucas 19:10

Yë naaxwiinyëtë ja'ay yë y'U'unk, yë'ë të niminy ets t'ixta'aja'any, tyajtso'oka'any mëti'ipë tëkoy'ijtpën.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Lucas 5:32

Ka'apës yë'ëjëty të niminy wa'ats ja'aytyëjk, yë'ëjës të niminy pokyjä'äytyëjk.

Mateo 12:7

Jëtu'un ja Dios ja y'aaw y'ayuk y'ënä'äny: Yë'ëjës ntsojkpy ets xymyëët'atëty ja pa'ëyo'owën, ka'ap yë'ëjëty koos xytyukwintsë'ëkëtëty ja jëyujk tsajpkaa. Ko jeexyë xy'ëkwinmëtowtë pën wi'ix jëtu'un tijy, ka'ap jeexyë xypoky'ixtë mëti'ipë ka'ap tii poky tuntën.

Proverbios 21:3

Tun ja nipaye'eyën oypyë ets mëtëypyë, yë'ë jëtu'un yë Dios ni'ik tyukjotkëtäkpy këtiinëm yë wintsë'kën.

2 Pedro 3:9

Ka'ap n'ëna'anmëty ko Dios poxp ko tkuuytyuna'any ja tëëpë twaantä'äkyën, jëtu'un ijxtëm pënëty myäytyë tyajtën; jä'ä tëy mä'kxtujkp jëtu'un, yë'ë jyatuumpy ets jeexyë ni'ëmukë ja'ay jyotwinpijta'ay këtiipë pën y'ëyo'onpaatëty.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Hechos 11:18

Ko jëtu'un tmëtoowtë ja Jerusalenkëtë mëpëjkpëtëjkëty, tää amonyë wyë'ëmtaaytyë ets ja Dios tmëjja'awëtyë: Tyam yajja'akyukë ko tëë jëtu'un ja Dios tuknipëjktaakë ets näjyëtu'un tpaatëty ja juukyajtën xëmëkyëjxmëpë mëti'ipë ka'ap jyutiis'atën, ko ja y'ëxëëk winma'any të t'ëxmatstë.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Hechos 5:31

Tëë ja Dios tpëjktä'äky y'aka'any'äämpy Yajkutujkpë ets Yajknitsokpë, jëtu'unts ja Israel ja'ay t'ëxmatstëty ja y'ëxëëk winma'anyëty ets ja pyoky yajnimä'kxtëty.

Lucas 24:47

ets yajkajpxwa'kxëty ma tu'kë'ëyë ja kajpnën, Jerusalén tsyo'onta'akëty, yajtuk'ëwaanëtëp ets tyajtëkatstëty ja wyinma'any, wä'än ja Dios tmëpëktë ets ja pyoky yajnimä'kxtëty.

Mateo 4:17

Tääts ja Jesús ojts ëka'any ja tyuunk tyajtso'ontä'äky, tkajpxwä'kxy ja Dios ja y'aaw y'ayuk ets y'ënäny: Wimpitë ma Tiosën, jä'ä ko wiinkoonp ja tsajpjotmëpë kuttujkën.

Hechos 2:38

Tää ja Pedro y'ëtsooy: Ixmatstë ja m'ëxëëk winma'anyëty, jootwinpitë ets mnëëpätëty tu'ukjaty Jesús xyëëwkyëjxm ets ja mpoky yajmä'kxtëty, ets näjyëtu'un ja Kënu'kxymyëkajtën myajmo'otëty.

Mateo 3:8

Yajxon mja'ay'atëty ets mkëxë'ëktëty ko të mjootwinpitë ma Tiosën,

Hechos 20:21

Wä'än tjutiis ja'ayëty tkajutiis ja'ayëty, ni'ëmukës të nëëmëtë ets mwinpitëty ma Tiosën, xy'ëxmatstëty ja ëxëëk winma'any ets xymyëpëktëty ja Wintsën Jesús.

Mateo 21:42

Ënet ja Jesús y'ëtsoowëtë: ¿Ka'anëm xykyajpxtë ja Dios ja y'aaw y'ayuk mëti'ipë ënaanpën?: Ja tsaa mëti'ipë ja pojtspëtëjk ojts t'ixka'atstën, jä'ä tyam të nyäxy potsy myëtënääpyë. Ja Wintsën jëtu'un të tuny, ets ëëtsajtëm mëj'ixy n'ijxmëty.

Mateo 12:3

Ets ja Jesús y'ëtsooy: ¿Ka'anëm miits xykyajpxtë mëti'ipë ja David tyuunën ko ja yuu pyatëtë mëët ja myëku'uktëjkë?

Marcos 12:26

E ko xymyëmay xymyëtajtë ja o'kpë pën juukpyëjkp kajuukpyëjktëp, ¿ka'anëm xykyajpxtënëm mëti'ipë ja Moisés ojts tkuja'ayën, ma tnimëtyä'äkyën wi'ix ja Dios ojts myëkäjpxyë ma ja kepy ënety wyintoyënë? Ma ja Dios y'ënëmaayë ja Moisés: Ëjts xyTios'ajt ja Abraham, Isaac ets Jacob.

Juan 10:34

Ënet ja Jesús y'ëtsoowëtë: Ma miits ja m'ënä'ämën mkutujkën xymyëët'atën jëtu'un jap kyëxja'ayëty: Jëtu'unës n'ënany ko miits mtios'atë.

Mateo 19:4

Tääts ja Jesús y'ëtsooy: ¿Këtii xykyajpxtënëm ja mëti'ipë kuja'ay miinpën ko Dios ojts tyajkojy yë naaxwiinyëtë ja'ay, ye'etyëjk ets to'oxytyëjk ojts tyajkojyë?

Mateo 12:5

Ëkë ¿këtiinëm xykyajpxtë ja Moisés ja y'ënä'ämën tyiy'ajtënë? ma y'ënä'änyën: ko yë teetytyëjkëty ka'ap pyokyëty tuntë, oy kyapo'kxtë säpëtë xëëw jap tsajptëkoty.

Lucas 10:26

Ets ja Jesús y'ëtsoowinpijtë: ¿Wi'ix ja Moisés ja y'ënä'ämën kyëxja'ayëty? ¿Wi'ix jap xykyäjpxy?

Marcos 12:33

Ets ko ja Dios tu'ukyë ntsojkmëty mëët tu'kë'ëyë ja'awën ets mëët tu'kë'ëyë jot winma'any ets mëët tu'kë'ëyë mëk'ajtën; ets ko nmëku'uk'ajtëm ntsojkmëty ijxtëm kë'ëm nätsyojkëmën, nikë oy jëtu'un këtiinëm ko jëyujk ëkë tii ntukwintsë'këmëty ja Dios ets ko tii ntukwino'k ntukwinxa'amëty.

Lucas 5:31

Ënet ja Jesús y'ëtsooy: Pën ka'ap tiipa'am tmëët'atën ka'ap yë tsooy tyaj'ëmaaytya'aktë, yë'ë yaj'ëmaaytyaktëp yë tsooy mëti'ipë pëjkëtëpën.