Mateo 9:11 - Biblia Dc en Mixe de Quetzaltepec

¹¹ Ko ja fariseë ja'ayëty jëtu'un t'ijxtë, ënät tyajtëëwtë ja Jesús ja y'ijxpëjkpëtëjk: ¿Tii ko yë mwintsën tmëëtkay tmëët'uuky yë yajkukëpäjtpëtëjk ets pokyjä'äytyëjk?

Biblia Mixe de Quetzaltepec

¹¹ Ko ja fariseë ja'ayëty jëtu'un t'ijxtë, ënät tyajtëëwtë ja Jesús ja y'ijxpëjkpëtëjk: ¿Tii ko yë mwintsën tmëëtkay tmëët'uuky yë yajkukëpäjtpëtëjk ets pokyjä'äytyëjk?

Mateo 9:11 ပူးပေါင်းရင်းမြစ်များ

Mateo 11:19

Ets ënät ja naaxwiinyëtë ja'ay y'U'unk të jyamiinpë, mëti'ipë kääpy ukpën ijxtëm ja ja'ay kaxpën, miitsëty jä'ä m'ëna'antë koos nkäxëty koos n'ajëënëty ets ko yë'ëjës mëët oy nämyäyë ëxëëkja'aytyëjk ets yajkukëpäjtpëtëjk mëti'ipë Roma myëtuuntëpën. Temë jää nyikëxë'ëky ja Dios ja wyijy'ajtën kyejyajtën ma winë yajtunyën.

Lucas 5:30

Tääts ja fariseë ja'ayëty ets ja tsajptëkotyëtë yaj'ijxpëjkpë ojts tuknëëmëtë ja y'ijxpëjkpëtëjk ets t'ënëmaaytyë: ¿Tii ko yë Jesús ets miitsëty xymyëëtkaytyë yë yajkukëpäjtpëtëjk ets pokyjä'äytyëjkëty?

Marcos 2:16

Ja fariseë ja'ayëty, mëti'ipë tuk'ijxpëjktëpën ja jutiis ja y'ënä'ämënëty, ko t'ijxtë ko ja Jesús ënety tmëëtkay ja yajkukëpäjtpëtëjk ets mëti'ipë yajtijtëpën pokyjyä'äy, ënät tyajtëëwtë ja Jesús y'ijxpëjkpëtëjk: ¿Tii ko yë mwintsën tmëëtkay yë yajkukëpäjtpëtëjk ets pokyjä'äytyëjk?

Hebreos 5:2

Jä'ä ko näjyëtu'un ja teety wintsën pyokyjyä'äy'atë, jyëkyejpy tpa'ëyowëty mëti'ipë kyanija'awëtëpën ets mëti'ipë tëkooytyëpën.

Gálatas 2:15

Jutiiyë ja'ay ëëts'ajtëmë, jëtu'un të nmëxu'unk'ajtëmë, ka'ap nyajtijëm pokyjyä'äy ijxtëm ja mëti'ipë ka'ap jyutiisëty.

Lucas 19:7

Ko jëtu'un t'ijxtë, ënätyë tyëjkëtyë kajpxpë ets ni'ojëtë ja Jesús, ko të jyajtä'äky ma ja pokyjyä'äy ja tyëjkën.

Isaías 65:5

Ets y'ëna'antë: Jääyë ëwxit, këtiis nëkoo xytyony; ëjts kënu'kxyës mëj këjää, ka'ap tjëkyepy nëkoo xytyonëtyës. Tääpë ja'ayëty jëtu'un tä jëënën tu'kxëëwpë yeenyën; je'eyës xyajja'antyixy koos xyjyëjp kujokë.

2 Juan 1:10

Pën jam pën mtukninëjkxëtë ja ijxpëjkën mëti'ipë ja Kristë ka'ap tjä'äjëtyën, këtii xyajtëkëtëty mtëkoty ets ni xykyakajpxpo'kxtëty.

Mateo 5:46

Pën yi'iyë miits mtsojktëp mëti'ipë mtsojkëtëpën, ¿tii kuma'ayën mpëktëp mpaatëp? Yë yajkukëpäjtpëtëjkëty mëti'ipë Roma myëtuuntëpën yë'ë jëtu'un ëtëtstëp.

Mateo 9:10

Jëtu'un ojts tëkok jyäty kyëpety ma tu'uk yë tëjkën, kääpy ënety yë Jesús jam ko myäymyiintë yajkukëpäjtpëtëjkëty, Roma myëtuuntëp ets ja ja'ay mëti'ipë yajtijtëpën pokyjä'äytyëjkëty ets nyaaxwä'tstë mëët ja Jesús ets ja y'ijxpëjkpëtëjk.

Hechos 11:3

Ets y'ënëmaayëtë: ¿Tii ko ojts të xykyu'ixë mëti'ipë ka'ap jyutiis'atën? ¿Tii ko mëët të mkay të m'uuky?