Mateo 8:6 - Biblia Dc en Mixe de Quetzaltepec

⁶ Wintsën, tapës tu'uk ja ntuunpë pya'amko'knë tëkoty, mujkp xujxp ets nëkooyë y'ëyoownë mëët ja pëjkën ijxën.

Biblia Mixe de Quetzaltepec

⁶ Wintsën, tapës tu'uk ja ntuunpë pya'amko'knë tëkoty, mujkp xujxp ets nëkooyë y'ëyoownë mëët ja pëjkën ijxën.

Mateo 8:6 ပူးပေါင်းရင်းမြစ်များ

Colosenses 4:1

Ets miitsëty, wintsënëty wintajëty, yajxon mja'ay'atëty; najtsjawën'äämpy mja'ay'atëty mëët ja mtuunpëtëjkëty. Ja'amyätstë ko miitsëty tap tu'uk ja mwintsënëty tsajpjotm.

Mateo 4:24

Ojts yajnimëtyä'äky ja Jesús ma Sirië y'itjotmën mëti'ipë tyuun kyajpxën ets ja ja'ay tyajmiintë ja pa'amja'ay, mëti'ipë mëk pëjkëpën, mëti'ipë ja ku'oypyë myëët'ajtëpën, mëti'ipë mo'tëp ets mëti'ipë kë'ëxujxp tekyxyujxtëpën. Ni'ëmukë ja Jesús ojts tyajtsokta'ay.

Colosenses 3:11

Ka'ap yë'ë kyopkpëkyëty pën griegë ja'ay ets jutiis ja'ay, pën tsuky ets pën katsukyën, wä'än tpën ja'ayëty tiija'ayëty, wä'än yë'ëjëty mëti'ipë ka'ap kyajpxwijyëtyën, ëkë mëtuunpë nitookpyë ëkë wä'än t'ëwaatsëtumpëty. Yë'ë kopkpëky ko ja'ay y'ity mëët ja Kristë mëti'ipë tu'kë'ëyë winë myëët'ajtääpyën.

Hechos 9:33

Jam tu'uk tpaty ja ye'etyëjk mëti'ipë xyëëwajtypyën Eneas, xuxyë pa'am myëët'ajtyp, tëë ënety tyuktujkjëmëjtpäjnë ma ja pa'am pyaatëtën.

Filemón 1:16

je'eyëp ko ka'ap y'ëkjëtu'un'ajnë ijxtëm ijty nyitookyëtyën, Wintsën xyëëwkyëjxm xymyëku'uk'ajnëty, mëti'ipë ni'ik tsoowpatpën. Mëkës yë'ë ntsoky njawë, e mijts ni'ik mëpaat xytsyoky xyjyawë, ka'ap jye'eyëty ko nyaaxwiinyëtë ja'ayëty näjyëtu'un ko yajmëkä'äx'aty ko ja Wintsën të tmëpëky.

1 Timoteo 6:2

Pën jää pën twintsën'aty ja mëpëjkpë, ni'ikyë mëpaat twintsë'ëkëtë ko myëpëky. Ni'ikyë mëpaat oy tmëtuntë, jä'ä ko ja mëti'ipë myëtuuntëpën mëpëjkpë jä'ä ets jëëky mëku'uk ja nyäxy. Tuk'ijxpëk ets kajpxwa'kx ya'atë.

Hechos 10:7

Tääts ko ja tsajpjotmëtë kukäjpxy tsyo'ony, ënät ja Cornelio tmëjwooy nimäjtsk ja tyuunpë ets näjyëtu'un tu'uk twoowtsooy ja tsiptuunpë mëti'ipë myëku'ukja'apën ets wyintsë'këp ja Dios.

Hechos 8:7

May ja ku'oypyë t'ixkejxy ja Felipe. Ayaxp ajojkp pyëtsëëmtaaytyë ma ja ja'ayëtyën. Näy tsoktaaytyë ja kë'ëxujxpë tekyxyujxpë ets ja ja'ay tekymya'atëtypë.

Mateo 9:2

Jamts ja ja'ay jya'ajtë mëti'ipë kyiiyjya'ajtën maapäjnkëjxm tu'uk ja pa'amja'ay, kë'ëxujxpë tekyxyujxpë. Ko ja Jesús t'ijxy ja ja'ay ko mëpëjkp, tääts t'ënëmaay ja kë'ëxujxpë tekyxyujxpë: U'unk amëk jotmëk yajpaat, yë mpoky tëë yajme'kxy.

Mateo 8:7

Tääts ja Jesús y'ëtsoowë: Oyës nëjkx nyajtso'oky.