Mateo 8:4 - Biblia Dc en Mixe de Quetzaltepec

⁴ Tääts ja Jesús jyaak'ënany: Ix, ka'ap pën xytyuk'ëwaanëty. Nëjkx ma teety wyintsënën ets xytyuk'ixëty ko tëë mtso'oky ets mënëjkxëp ja mwintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko tëë mtso'oky ets të mwa'atsy.

Biblia Mixe de Quetzaltepec

⁴ Tääts ja Jesús jyaak'ënany: Ix, ka'ap pën xytyuk'ëwaanëty. Nëjkx ma teety wyintsënën ets xytyuk'ixëty ko tëë mtso'oky ets mënëjkxëp ja mwintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko tëë mtso'oky ets të mwa'atsy.

Mateo 8:4 ပူးပေါင်းရင်းမြစ်များ

Isaías 42:21

Yë Wintsën mëti'ipë yaj'ëwaatsëpëtsëëmpën, mëjwiin këjää ja oyajtën të tjayaka'any ma ja y'ijxpëjkënën;

Mateo 10:18

Ëjtskyëjxm nëjkx myajmënëjkxtë ma ja yajkutujkpën ets ma ja kutuunkëtyën. Jëtu'un nëjkx xyaj'ixëtë ja tëyajtën ëjtskyëjxm ma yë'ëjëtyën ets ma ja ka'apë jyutiiyësëty.

Mateo 16:20

Tääts ja Jesús ojts t'ëne'emy ja y'ijxpëjkpëtëjk ets ka'ap pën tuk'ëwaanëtëty ko yë'ë Kristë.

Mateo 17:9

Tam ënety kyëta'aktë Kopkwinm ko ja Jesús ojts y'ënë'ëmxëtë: Ka'ap pën xytyuk'ëwaanëtëty ko jëtu'un të xy'ixtë, jäänëm koos njuukpyëkëty, ëjts, naaxwiinyëtë ja'ay y'U'unk.

Mateo 3:15

Tääts ja Jesús y'ëtsooy: Yajnëëpäjtkës jä'ä ko kopkpëky ets yajpatunëty ijxtëm ja Dios tsokyën. Ënet ja Juan tkupëjky.

Mateo 5:17

Ka'ap miits mmaytyëty mtajtëty koos yë'ë të niminy ets ja Moisés ja y'ënä'ämën nyaj'atëkoyanë ëkë ets ja käjpxynyajxpëtëjk ja tyuunk mpëjkëja'anyës; ëjts yë'ëjës të niminy etsës nyajtsoowpaata'any ni'ik.

Mateo 6:1

Ko yë mmëku'uk xypyutëkëty ijxtëm pyaat'atyën, ka'ap nikëxë'ëky tii xytyuntëty ets ja'ay t'ixtëty. Ko nikëxë'ëky tii xytyuntëty, ka'ap ja mTeetyëty tsajpjotmëpë mmo'ojëtëty ja kuma'ayën.

Mateo 9:30

Ënet ojts y'ijxë'ëktë ets ja Jesús mëktä'äky y'ënëmaayëtë: Këtii tëy pën xytyuknijawëtëty.

Marcos 13:9

Yajxon mnäkyëwent'atëtëty, jä'ä ko myajkë'ëyakantëp miits ma kutuunkëtyën ets nëjkx myajwoptë tsajptëkoty. Myajmënëjkxantëp ma ja yajkutujkpëtëjkën ets ma wintsëntëjkëtyën mëët ëjtskyëjxm, jëtu'un ënety miits xyajnikëxë'ëktë ma yë'ëjëtyën koos të mymyëpëktë.

Marcos 3:12

Tääts ja Jesús ojts mëktä'äky y'ënë'ëmxëtë ets ka'ap pën tuk'ëwaanëtëty pën yë'ë.

Marcos 5:43

Ja Jesús mëk'äämpy ojts tuk'ëne'emy ja ja'ayëty ets ka'ap pën tuk'ëwaanëtëty ko ënety jëtu'un të tyuny të jyätyë ets ja u'unkteety u'unktaak yaj'ënëmaaytyë wä'än tyajkaytyë ja kiixy u'unk.

Marcos 6:11

E ma mkayajkupëktën ets ka'ap tmëtowa'antë mëti'ipë mjanikajpxtëpën, mtsoontëp jam. Ënet ja pu'uxm xywyinxitëty mëti'ipë jamën ma mtekyëtyën ets jëtu'un xytyuk'ixtëty ko pokymyëët wyë'ëmtë.

Marcos 7:36

Tä ja Jesús ojts t'ëne'emy ets ka'ap pën tuk'ëwaanëty. Oyts jënu'un mëktä'äky ja Jesús tjatuk'ëne'emy ja ja'ay ets ka'ap pën nyimëtya'akëtëty, wäänëni'ik ja ja'ay tjantynyimëtya'aktë.

Marcos 8:30

Tääts ja Jesús ojts mëktä'äky t'ënëëmë ja y'ijxpëjkpëtëjk ko yë'ëjëty.

Marcos 9:9

Ko kyëtaknëtë, tsyo'onëtë jam kopkëjxm, ënät ja Jesús y'ënëmaayëtë ets ka'ap pën tuk'ëwaanëtëty mëti'ipë të t'ixtën, koonëm jyuukpyëkëty jatëkok.

Lucas 17:14

Ko ja Jesús y'ijxpatëtë, tääts y'ënëmaayëtë: Nëjkx mwa'këxë'ëktë ma ja teetyën. Tääts ojts nyëjkxtë. Tamnëm ënety tyu'uye'eytyë ko tsyoktaaytyë.

Lucas 21:13

Ko jëtu'un tyunëtëty jyatëtëty, jyëkyejpy xynyimëtya'aktëty ja tëyajtën ëjtskyëjxm.

Lucas 4:41

May ja ku'oypyë pyëtsëëmtë ma ja pa'amja'ayëtyën ets mëk jyänty ëna'antë: Dios mijts m'u'unk'ajtëp. E ja Jesús ojts twinku'ojë ja ku'oypyë ets ka'ap tkupëjky ets kyajpxtëty, jä'ä ko nyija'awëtëp ënety ko ja Jesús jyä'äjëty ja Kristë.

Lucas 5:14

Ojts ja Jesús tyuk'ëne'emyë: Ka'ap pën xytyuk'ëwaanëty. Nëjkx yë teety wintsën tuk'ix ko tëë mtso'oky ets xytyukmëyoxëty ja Dios ja wyintsë'kën, jëtu'un ja ja'ay nijawëtëty ko tëë mtso'oky.

Lucas 8:56

Mëj ixy ja tyaak tyeety t'ijxtë. Tääts ja Jesús y'ënëmaayëtë ets ka'ap pën tuk'ëwaanëtëty ko jëtu'un të tyuny të jyätyë.

Lucas 9:21

Ënet ja Jesús ojts mëk'äämpy tuk'ëne'emy ja y'ijxpëjkpëtëjk ets ka'ap tnimëtya'aktëty.

Juan 5:41

Ëjts, ka'apës nyajtuny ja mëj'ajt oyajtën mëti'ipë ja'ay yajktëpën.

Juan 7:18

Pën yë kyë'ëm winma'any kyäjpxyp ets ja ja'ay myëjpëjktä'äkyë, yë'ë y'ixtääpy ets yajmëjpëjkta'akëty; mëti'ipë y'ixtääpyën ets yajmëjpëjkta'akëty ja mëti'ipë të kyexyën yë'ë mëtëy kajpxp ets ka'ap tjëkyepy wi'ix tëkatsy yajnimëtya'akëty.

Juan 8:50

Ka'apës yë'ëjëty n'ixta'ay wi'ixës yë ja'ay xymyëjjawëtyën; tää mëti'ipë jëtu'unpë y'ixtääpyën ets yi'iyë y'ijxyp tyuunpy tii oy yajtuunp kayajtuump.