Mateo 8:29 - Biblia Dc en Mixe de Quetzaltepec

²⁹ Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Dios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Biblia Mixe de Quetzaltepec

²⁹ Ets tyëjkëtyë yaxpë jojkpë: Këtii nëkoo yaa miny ma ëëtsëtyën etsës xymyëmayëtëty, Tios mijts m'u'unk'ajtëp. ¿Ëkë yë'ë mnimiimpy ets xyaj'ëyowa'antësë? Tyam ka'ap ja xëëw po'o tpaatynyëm.

Mateo 8:29 ပူးပေါင်းရင်းမြစ်များ

Marcos 1:24

Jesús, Nazaretëtë ja'ay, ¿tii mtsojkpy mëët ëëtsëty? ¿Yë'ë mijts të xynyiminy etsës xyajkutëkoya'antë? Wa'ats mijts n'ixy'äty; mijts Wa'ats yë Dios myajnaxyë.

Lucas 4:34

¿Tiijës xytyuktëytyuunp, mijts Jesús Nazaretëtë ja'ay? ¿Yë'ë të xynyiminy etsës xyajkutëkoyä'änyë? Wa'ats mijts n'ixy'äty, Dios Kënu'kxypyë mijts.

Santiago 2:19

Mijts mmëpëjkpy ko ja Dios tu'ukyë yë'ë, oy ko xymyëpëky; je'eyëp ko yë ku'oypyë myëpëjktëp näjyëtu'un ets tsëtyuuytyëp ko tsë'ëkëtë ja Dios.

Marcos 5:7

Tääts ayaxp ajojkp t'ënëmaay: ¿Tii mtsojkpy mëët ëjts? Dios ni'ik këjxmëpë y'u'unk. Nmënu'kxtäkpy mijts, tun ja mëyajtën Tioskëjxm, këtiis xyajjotkëxy.

Lucas 8:28

Ko t'ijxpaty ja Jesús ets twinkoxtënaay, tääts y'ënäny ayaxp ajojkp: Jesús, Dios ni'ik këjxmëpë y'u'unk, ¿tii mtsojkpy mëët ëjts? Tun ja mëyajtën, këtiis xyajjotkëxy.

2 Pedro 2:4

Dios ka'ap ojts tnime'kxy ja anklëstëjk mëti'ipë ka'ap myëmëtoowën, jap ojts tpëjktä'äky ëyoowtaknjoty, kupi'its kukoots ets kuwëëny kuxotsy jap tuk'ëwxity ja tëytyu'unën.

Mateo 4:3

Ënet ja mëjku'u nyimiinë ets wyinma'any ixa'anyë, ets y'ënëmaayë: Pën Dios mijts mU'unk'ajtëp, t'ënëëmë ya'atë tsaa ets y'awinpitëty tsajpkääky.

Juan 2:4

Ënet ja Jesús y'ëtsooy: Nanë, ¿tiis ko jëtu'un xy'ënëëmë? Ka'anëm tpaaty ja nyixëëw maas winë ntunëtyën.

Lucas 4:41

May ja ku'oypyë pyëtsëëmtë ma ja pa'amja'ayëtyën ets mëk jyänty ëna'antë: Dios mijts m'u'unk'ajtëp. E ja Jesús ojts twinku'ojë ja ku'oypyë ets ka'ap tkupëjky ets kyajpxtëty, jä'ä ko nyija'awëtëp ënety ko ja Jesús jyä'äjëty ja Kristë.

2 Samuel 16:10

E ja ënä'ämpë tyaa y'ëtsooy: Ya'atë ka'ap myijtsëty mpaatyë, yë Sarvia y'u'unk y'ëna'k. Pën xypyojkpës wä'änxyëp yë Wintsën yë'ëjëty të y'ëne'emyë. E pën janty jëtu'unts, ¿pën mëpaat wi'ix y'ëktunyë?

Judas 1:6

Ets ja anklëstëjk mëti'ipë ka'ap ojts oy tyajtu'uye'eytyën ja tyuunk ets t'ëxmajtstë mëti'ipë ënety ja Dios të tyuk'ënä'ämëtën, akootstuuy ojts pyëjkta'akëtë. Japts y'ëwxitë koonëm ja paye'eyën y'itëty.

Hechos 16:17

Ja to'oxy'ëna'k ojts ëëts xypyatsoontë, ets y'ënäny mayjyä'äyjoty: Ya'atë ye'etyëjkëty, Dios ni'ik këjxmëpë myëtuuntëp. Yë'ë mtukmëmëtyakëtëp wi'ix xypyaatëty ja nitsokën.

Marcos 3:11

Ko ja ëxëëk poj t'ijxtë ja Jesús, ënät twinkuxtënaaytyë ets mëk ya'axtë jyoktë: Dios U'unk Mijts.

1 Reyes 17:18

Ënet ja ku'ookytyo'oxy t'ënëmaay ja Elías: ¿Tii tsipës ëjts mëët mijts nmëët'ajtyp, mijts mëti'ipë Wintsën myëtuumpyën? ¿Ëkë je'eyës mijts nëkoo ja nnëë npoky xypyaye'eyanë etsës ja n'u'unk nmaay y'ookëty tyëkoytyë?

2 Samuel 19:22

E ja David tyaa y'ëtsooy: Ya'atë ka'ap miitsëty mpaatëtë, miitsëty Sarvia y'u'unk y'ëna'k. ¿Wi'ix ko xyjyëjpkukajpxëtës? Ëjts wa'atsës nijawë ko ëjts yajkutujkpë'ajtp ma Israel kajpnën, tyam ni pën mëpaat kya'ooky.

Joel 3:4

¿Tiitën mtsojktëp ma ëjtsën? miitsëty Tirë ja'ayëty, Sidónja'ayëty ets Filistejë ja'ayëty. ¿Jam tii ëxëëk xytyuunwinpita'antë? ¿Ëkë jamës tii xytyukkëpäta'antë? Oy ko xytsyoktë, tyam nmo'otëty mëti'ipë mnitëjkëyëtëpën.

Jueces 11:12

Ënet tkejxy tu'uk ja kukäjpxy jam ma ja yajkutujkpën mëti'ipë ënä'ämpëy ma Amón ja'ayëtyën ets tyajtëwtëty: ¿Tii tsipën mijts mjëkyejpy mëët ëjts etsës nëkoo nnaax nkajpn xymyëma'ayëyëty?

2 Reyes 3:13

e ja Elisejë tyaa t'ëtsooy ja Israel yajkutujkpë: ¿Ëjts tii winma'anyës yam n'ëkmëët'ajtyp mëët mijts? ma nëjkx yë'ë xykya'ixy ja ja'ayëty mëti'ipë ijty ja mteety xëmë winë yajtëëpyën. E ja yajkutujkpë ni'ikyë tjanty y'ënëëmë ja käjpxynyajxpë: Ka'ap, jä'ä ko Wintsënës të xyajmintë ets ëëtsëty nitëkëëk yë Moab ja'ayëty xyaj'ooktëty.

2 Crónicas 35:21

yë Necao ojts ja jyä'äy tkexy ma ja Josías ets y'ënëmaayë: Mijts yajkutujkpë, ma m'ëne'emyën jam Judá, këtii ntu'ujës xy'ëtuky, jä'ä ko ka'ap myijtsëty niminy, wiink ja'ayës mëët ntsiptuna'any. Wintsënës kë'ëm të xy'ënëëmë koos njotëkoyëty; paaty n'ënëëmë këtii nëkoo xy'ëtuky mëti'ipë yë'ë të tuknipëjktaakën këtiipë kë'ëm mjotmay xy'ixkukëtëty ets nyaj'atëkoytyëty.

Mateo 8:30

Tam ënety jëkämtëkë ja may ëtsëm jyë'kxtë.