Mateo 8:22 - Biblia Dc en Mixe de Quetzaltepec

²² Tääts ja Jesús y'ëtsoowë: Patso'onkës, wä'än aak o'kpë tnäyajnaaxtëkëtë.

Biblia Mixe de Quetzaltepec

²² Tääts ja Jesús y'ëtsoowë: Patso'onkës, wä'än aak o'kpë tnäyajnaaxtëkëtë.

Mateo 8:22 ပူးပေါင်းရင်းမြစ်များ

Lucas 15:32

Tyam, kopkpëky ntu'unmëty yë xëëw, tsojk ntukxoontakëmë. Jä'ä ko ya'atë n'u'unkës, jëtu'un tpaaty ijxtëm jeexyë të y'o'knën; e tyam, tëë jyuukpyiky; jëtu'un tpaaty ijxtëm jeexyë të tyëkoy'ityën e tyam tëë yajpaaty.

Colosenses 2:13

Miitsëty, ooky ijty tëëyëp myajpaatë ma Tiosën mëët ko ka'ap xy'ëxmatstë ja pokytyu'unën, e tyam tëë ja Dios mmo'ojëtë ja juukyajtën mëët yë Kristë, mëti'ipë të tme'kxyën tëkokyë yë mpoky'ajtëmë.

Efesios 5:14

Jä'ä ko ja ajajk atë'kxk tu'kë'ëyë tyajnikëxë'kta'ay. Paaty y'ënä'äny: Wijtë käjtë mëti'ipë jëtu'un ijtëpën tä ja'ay myä'äyën, pëtë'ëktë ets ka'ap m'ëk ijnëtëty ijxtëm ja o'kpën, jëtu'un ja Kristë mkujaj mkutë'kxëtëty.

Efesios 2:5

tëë xymyo'oyëmën ja juukyajtën ko mëët ja Kristë ma ënety nyajpatëmën ooky ko ja nëë poky nmëët'ajtëmë. Dios ja myëyajtën të ttuny ets miits të xypyaatë ja nitsokën.

Efesios 2:1

Miitsëty jëtu'un ijty m'itë ijxtëm ja o'kpën, jä'ä ko pokyjoty ijty myajpaatë.

1 Timoteo 5:6

E ja ku'ooky tyo'oxytyëjk mëti'ipë ukp mukëpën ëkë äjtsp pujtpën, jëtu'un ja nyäxy tä jeexyë y'ooky'ityën ma jyuuky'ätyën.

Juan 1:43

Komjëpom ënety ja Jesús nyëjkxa'any jam Galilea ko tpaty ja Felipe ets t'ënëmaay: Pamiinkës.

Mateo 9:9

Ko ja Jesús jam tsyo'ony, ënät ojts t'ijxpaaty tu'uk ja ja'ay mëti'ipë xyëëwajtypyën Mateo. Jam ënety ja Mateo y'u'unyë ma ja Roma yajkutujkpë yajmëkëpetyën ets t'ënëmaay: Pamiinkës. Ënet ja Mateo wya'kujkëy ets tpatso'ony.

1 Reyes 19:20

Ënätyë ja Elisejë ojts ja tsyajpkaa t'ëxmatsy ets ojts tpanëjkxy ja Elías, tä t'ënëmaay ko tnajtspatëy: Nëjkxës je'eyë n'ëknäjyëëkäjpxyë maas yë nteety ntaakën ets mpanëjkxëty. Oy, nëjkx, je'eyëp ko mja'amyätsëp mëti'ipë tyam të ntuknipëkyën.

Mateo 8:21

Tä wiinkpë ja y'ijxpëjkpë y'ënäny: Wintsën ëxmajtskës, nëjkxës jëwyiin ja nteety n'ëkyajnaaxtëkë.

Marcos 2:14

Najxp ënety ja Jesús ko t'ijxpaty ja Leví, Alfeo y'u'unk. Tam ënety y'u'unyë ma yajkukëpetyën. Tääts ja Jesús t'ënëmaay ja Leví: Patso'onkës. Ënet ja Leví ënätyë wya'kujkëy ets ja Jesús tpatso'ony.

Lucas 9:59

Tääts ja Jesús ja ja'ay wiinkpë t'ënëmaay: Pamiinkës. Ënet ja ja'ay y'ëtsooy: Wintsën, minës nëjkx jëwyiin ja nteety n'ëkyajnaaxtëkë.

Lucas 9:60

Ënet ja Jesús y'ëtsooy: Wä'än yë ja'ay tyajnaaxtëkëtë yë y'o'kpë mëti'ipë näjyëtu'un ookantëpën; mijts minmës ets xykyajpxwa'kxëty ja Dios ja kyutujkën.

Lucas 15:24

Yë'ë ko ya'atë n'u'unkës, jëtu'un tpaaty ijxtëm jeexyë të y'o'knën ets tyam jëtu'un ijxtëm jeexyë jatëkok të jyuukpyikyën; jëtu'un tpaaty ijxtëm jeexyë të tyëkoy'ityën e tyam ijxtëm jeexyë të yajpaatyën. Tääts ja xëëw tsyo'ontäky.

Juan 21:19

Ko jëtu'un y'ënäny, ja Jesús yë'ë ojts tijy wi'ix ënety ja Pedro y'ooka'anyën ets tyajknikëxë'ëkëty ja Dios ja myëj'ajt y'oyajtën. Ënet ja Jesús y'ënëmaayë: Pamiinkës.

Juan 21:22

Ënet ja Jesús y'ëtsoowë: Pën ntsojkpyës ets jyuuky'atëty jääpaat maajës ënety nwinpityën, ¿ka'ap kyopkpëkyëty ets mijts xynyijawëty? mijts pamiinkës.