Mateo 8:20 - Biblia Dc en Mixe de Quetzaltepec

²⁰ Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Biblia Mixe de Quetzaltepec

²⁰ Tääts ja Jesús y'ëtsooy: Nikë tää wax ja jyut ets joon yë pyä'än; e ëjts, naaxwiinyëtë ja'ay y'U'unk, ni yë'ëjës tkamëët'aty maas yë nkëpajk nkëxkonëtyën.

Mateo 8:20 ပူးပေါင်းရင်းမြစ်များ

Salmos 104:12

Ma nëëpa'ajën jam yë joon jëyujk pyä'än t'oytyuntë, jam kepy'akujk y'ëwtë ya'axtë.

Salmos 104:17

Ma joon jëyujk yë pyä'än tkëxpëktën mutskjatypë, ma näjyëtu'un yë wojny jyuuky'atën tsiinkëjxm.

Salmos 109:22

Ëjts janty ëyoopës nyajpaaty ets mon tuk. Tëës njawë yë njuukyjot tsyëtyujta'ay.

Salmos 40:17

E ëjts maas nyajpaatyën mon tuk, këtiis xyjyä'äytyëkoyëty, Wintsën. Mijtsës xypyutëjkëp etsës xyaj'ëwaatsëpëtsëmy; Wintsën këtii mpo'oxy, tsojkyë min.

Salmos 69:29

E ëjts, maas npëkyë n'ixyën ets maas mon tuk nyajpaatyën, yajpëtë'kës, Dios mëti'ipës nTios'ajtypyën, yajtsokës.

Salmos 84:3

Näyjyëtu'un yë joon jëyujkëty pyatëp yë y'ijtakn jap ma mijts mwintsë'këntyaknën, ets japts yë y'u'unk y'ëna'k yë pyä'än t'oytyuunë, mijts Wintsën mëti'ipë maaytyääyëpën winë, mijts nkutujkpë'ajtyp ets mijts nTios'ajtyp.

Daniel 7:13

Tamës jëtu'un nwinkumaa ëtë'ëtsy koots. Ko ajotkumonë të n'ixyës: Ja'ayën myiny yootsjoty, naaxwiinyëtë ja'ayën yaj'ixy, jä'ä të tninëjkxy ja Mëjja'ay ets të yaj'ënëëmë ets wyinkonëty.

Mateo 12:32

Nyimä'kxäämpy yë Dios ja ja'ay mëti'ipë myëkajpxtëkoopyën ja Naaxwiinyëtë ja'ay y'U'unk; yë'ë tëy pën myëkajpxtëkoopy ja Dios ja kyënu'kxymyëk'ajtën ka'ap yajnimä'kxa'any tyam ma naaxwiiny jyuuky'ätyën ets ni jää ma ënety y'ookyën.

Mateo 12:40

Jëtu'un ijxtëm ja Jonás ojts tëkëëk xëëw tëkëëk tsuu y'ijtyën jap ajkx jootjoty, näjyëtu'unës tëkëëk xëëw tëkëëk tsuujës n'itëtä'any naaxjoty. Ëjts, naaxwiinyëtë ja'ay y'U'unk.

Mateo 12:8

E jëtu'un, yë Naaxwiinyëtë ja'ay y'u'unk myëët'ajtyp ja kuttujkën ma säpëtë xëëwën.

Mateo 13:37

Tääts ja Jesús y'ëtsooy: Yë naaxwiinyëtë ja'ay y'U'unk, yë'ë ja oytyëëmp nyipy,

Mateo 16:13

Ko ja Jesús jyä'äjty jam Cesarea y'itjotm, ma ja Filipo kajpnën; ënät ja y'ijxpëjkpëtëjk tyajtëëy: ¿Wi'ix yë ja'ay y'ëna'antë, ko tnimëtya'aktë yë naaxwiinyëtë ja'ay y'U'unk?

Mateo 16:27

Jä'ä ko minaanp yë naaxwiinyëtë ja'ay Y'u'unk mëët ja tyeety ja myëj'ajt y'oyajtën ets ja y'anklëstëjk ets tmo'oja'any nitu'ukjaty pën wi'ixëty pën të jyuuky'ätyën.

Mateo 17:9

Tam ënety kyëta'aktë Kopkwinm ko ja Jesús ojts y'ënë'ëmxëtë: Ka'ap pën xytyuk'ëwaanëtëty ko jëtu'un të xy'ixtë, jäänëm koos njuukpyëkëty, ëjts, naaxwiinyëtë ja'ay y'U'unk.

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Marcos 8:38

Pën xytyuktsëtyuumpës ets pën ja n'aaw n'ayukës tyuktsëtyuumpy ma ya'atë pokyjyä'äyëtyën, näjyëtu'unës nëjkx ntuktsëtyuny koos jatëkok nminëty mëët ja nTeetyës ja myëj'ajt y'oyajtën ets ja y'anklëstëjk wa'atspë.

Lucas 12:8

Tyam miits nëëmëtë, pën oy xynyikajpxpës ma ja'ayëtyën, näjyëtu'un oy yë naaxwiinyëtë ja'ay yë y'U'unk nyikajpxëtëty ma Dios yë y'anklësën.

Lucas 18:8

Jëtu'un miits nëëmëtë ko ënätyë tpaye'eyä'äny. E yë'ë ënät ko yë naaxwiinyëtë ja'ay yë y'u'unk jatëkok wyimpitëty, ¿jyaak paatëp jëtää ja ja'ay mëti'ipë mëpëjktëpën?

Lucas 2:12

Yë'ë mtuk'ixkaptëp ko xy'ixtëty tu'uk ja mëxu'unk winmotsy winpity kyo'knë jëyujk ajë'kxënjoty.

Lucas 2:16

Tääts janty jotëkoy ojts nyëjkxtë ets tpatë ja Maria ets ja José, tam ja mëxu'unk kyo'knë jëyujk ajë'kxënjoty.

Lucas 2:7

Jam myiiny jyä'äjty ja y'u'unk mëtu'ukpë. Tääts ojts tpity tmotsy mëët ja wit ets tko'ky jëyujk ajë'kxënjoty, jä'ä ko ka'ap ojts ja jya'ajtakn tpaatë ma ja kajpnën.

Lucas 21:36

Jëjp'ixy xëmë myajpaatëty, ja'amyätstë ja Dios janaam jatsojk, jëtu'un ka'ap montëty mtuktëty oy ja ëyo'on jyatunyë, ets akujk jotkujk xywyinkuwa'akëtëty ja Jesukristë.

Lucas 8:3

näjyëtu'un ja Juana, Cuza tyo'oxytyëjk, mëti'ipë jam tuunpën ma ja Herodes y'ëne'emyën; ja Susana ets nimay ja to'oxytyëjkëty ijty pyutëkëtë.

Lucas 9:58

Ënet ja Jesús y'ëtsooy: Nikë tää yë wax yë jyut ets joon tää yë pyä'än; yë naaxwiinyëtë ja'ay yë y'U'unk ka'ap tmëëtëty ma kyëpajk tkëxkonëtyën.

Juan 1:51

Ets ja Jesús jyaak'ënany: Tëy miits nëëmëtë ko xy'ixa'antë ja tsajp ëwa'ats ets ja Dios ja y'anklëstëjk pyätë jyënaktë ma ja naaxwiinyëtë ja'ay ja y'U'unkën.

Juan 12:34

Ënet ja ja'ay y'ënantë: Mëët ja ënä'ämën ëëts nijawëtë ko ja Kristë jyuuky'ata'any xëmëkyëjxm. ¿E wi'ix ko mijts m'ëna'any ko pyëtë'ëka'any ja naaxwiinyëtë ja'ay ja y'U'unk? ¿Pën mtijpy, ja naaxwiinyëtë ja'ay ja y'U'unk?

Juan 13:31

Ko ja Judas ënety të tsyo'onë ënät ja Jesús y'ënäny: Tyam nyikëxë'ëky ja Naaxwiinyëtë ja'ay ja myëj'ajt y'oyajtën, ëts ja Dios ja myëj'ajt y'oyajtën jam nyikëxë'ëky ma ja naaxwiinyëtë ja'ay ja y'U'unkën.

Juan 3:13

Ni pën tsajpjotm të kya'otsy, yi'iyë mëti'ipë jam të tsyoonyën ets yaa naaxwiiny të kyëtä'äky, yë'ë jëtu'un ja naaxwiinyëtë ja'ay ja y'U'unk.

Juan 3:14

Jëtu'un ijxtëm ja Moisés ojts ja tsa'any tyajpëtë'ëkyën jam të'ëts'itjotm, näjyëtu'un ja naaxwiinyëtë ja'ay ja y'U'unk pyëtë'ëka'any;

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Dios Teety yë kuttujkën të myo'oyë.

Juan 6:53

Ënet ja Jesús y'ënëmaayëtë: Tëy miits nëëmëtë, pën ka'ap xytsyu'utstë ja xyixy ja naaxwiinyëtë ja'ay ja y'U'unk, ets pën ka'ap ja nye'pny xy'ukëtë, ka'ap ja juukyajtën xymyëët'atëty.

Juan 6:62

¿Tii tunëtëp jatëtëp ko xy'ixtëty ja naaxwiinyëtë ja'ay ja y'U'unk pya'tëkë jam tsajpjotm ma të tsyoonyën?

Hechos 7:56

Tääts y'ënäny: Ëk'ixtë, ëwa'atsës yë tsajp n'ixy ets näjyëtu'un të n'ijxpaatyës ja Naaxwiinyëtë Ja'ay ja kyutënääpyë Dios pyë'aay, aka'anytsyow tyänë.

2 Corintios 8:9

Jä'ä ko miitsëty tëë xynyijawëtë wi'ix ja Wintsën Jesukristë mëyajtën të tunyën. Jesús jam y'ity tsajpjotm, myëët'ajtääpy tu'kë'ëyë winë, je'eyëp ko ojts myiny yaa naaxwiiny; jëtu'un ojts nyäpyëjktä'äkyë ijxtëm tu'uk ja ëyoopëja'ayën mëët jä'äkyëjxm ko të xytsyojkëm ets npatmëty ja jotkujk'ajtën.