Mateo 8:17 - Biblia Dc en Mixe de Quetzaltepec

¹⁷ Paaty ya'atë jëtu'un tyuunë jyajtë ets y'atëwëty ko ja Dios ja kyäjpxynyajxpë Jeséas ojts y'ënä'äny: Yë'ë yajnëjkxtaay tu'kë'ëyë ëëts ja mpa'am'ajtëm ets ja n'ëyo'on'ajt njotmay'ajtëm.

Biblia Mixe de Quetzaltepec

¹⁷ Paaty ya'atë jëtu'un tyuunë jyajtë ets y'atëwëty ko ja Tios ja kyäjpxynyajxpë Jeséas ojts y'ënä'äny: Yë'ë yajnëjkxtaay tu'kë'ëyë ëëts ja mpa'am'ajtëm ets ja n'ëyo'on'ajt njotmay'ajtëm.

Mateo 8:17 ပူးပေါင်းရင်းမြစ်များ

Isaías 53:4

Yë'ë ojts tmënaxy tyajnaxy ja n'ëyo'on'ajtëmë, ojts tmë''ëyoy yë mpëjkën'ajtëmë, ëëtsajtëm jëtu'un ojts nma'ayëm ntajëm ko Dios yë'ë yajtsëtyujtëp ets yë'ë o'ktëy tuunëp.

1 Pedro 2:24

Kristë ojts ja npoky'ajtëm tmënëjkx ma ja nyi'kx kyopkën jam kruutskëjxm ets jëtu'un nyäjxy ijxtëm jeexyë ja poky të nku'o'këmën ets ënät njuuky'ajtmëty mëtëy. Yë Kristë ojts tsyëtyuty wyintëkoy ets miits mtsoktë.

Mateo 1:22

Jëtu'un ya'atë tyuunë jyajtë ets y'atëwëty mëti'ipë Dios tyukkajpxnajxën ja kyäjpxynyajxpë:

Mateo 2:23

Ko jam jyajtë, Nazaret ojts nyëjkxtë tsënääpyë. Jëtu'un y'atëëy mëti'ipë ënety ja Dios ja kyäjpxynyajxpëtëjk të tnikajpxtën, ko y'ënantë, ja Mesías: Nazareno yajtijëty.

Mateo 2:15

Jam ojts tsyëënëtë, koonëm ja Herodes y'o'ky. Jëtu'un tyuunë jyajtë ets y'atëwëty mëti'ipë ja Dios tyukkajpxnajxën ja kyäjpxynyajxpë: Jap Egiptë ojts nmëkäjpxyës ja n'u'unkës.

Marcos 1:32

Wäänë y'ijty ko ja xëëw kyëtäky, koots, ënät ja Jesús yajtuknimiiny ni'ëmukë ja pa'amja'ay ets mëti'ipë ënety ja ku'oypyë myëët'ajtëpën.

Lucas 4:40

Ko ja xëëw kyëtäky, ënät ja Jesús yajtuknimiiny ni'ëmukë ja pa'amja'ay wi'ixëty pën pyikyë, ja Jesús ojts tkë'ënixajy tu'uktu'uk ets tyajtsoktaay.

2 Corintios 12:10

Ets jotkujkës näjyawëty koos n'ëyoy, koos nyajwinkäjpxy nyajjëjpkäjpxy, koos nyaj'ixjëtity nyajpajëtity ets koos ëxëëk ja Kristë nkujatë. Koos npëkyë n'ixyë jääjës näjyawëty nmëktä'äky.

Génesis 22:6

Abraham ojts yë nyija'axy tso'owë ja wintsë'kën ets tmooy ja Isaac tääts tpatso'owëty kyejkyijxy, kyoon näjyëtu'un ja tsujkn ets ja jëën ets ojts nyëjkxtë nimäjtsk.