Mateo 8:10 - Biblia Dc en Mixe de Quetzaltepec

¹⁰ Ja Jesús mëjmëtoy ojts tjawë ko jëtu'un y'ënä'äny ja ja'ay, paaty t'ënëmaay ja mëti'ipë jam pajëtijtëpën: Tëy miits nëëmëtë ko ni tu'ukës ja'ay jëtu'unpë të nkapaaty yaa Israel ijxtëm ya'atë ye'etyëjkën, mëti'ipë mëj këjää tyuk'ijxpejtypyën yë Dios.

Biblia Mixe de Quetzaltepec

¹⁰ Ja Jesús mëjmëtoy ojts tjawë ko jëtu'un y'ënä'äny ja ja'ay, paaty t'ënëmaay ja mëti'ipë jam pajëtijtëpën: Tëy miits nëëmëtë ko ni tu'ukës ja'ay jëtu'unpë të nkapaaty yaa Israel ijxtëm ya'atë ye'etyëjkën, mëti'ipë mëj këjää tyuk'ijxpejtypyën yë Tios.

Mateo 8:10 ပူးပေါင်းရင်းမြစ်များ

Lucas 7:9

Mëjmëtoy ja Jesús tmëtooy ko ja tsiptuunpë wintsën jëtu'un y'ënä'äny ets wya'akwinpijty, tääts t'ënëmaay ja ja'ay mëti'ipë ënety yajpatëpën: Jëtu'un miits n'ënëëmëtë ko ni tu'ukës ja'ay jëtu'unpë të nkapaaty ma Israel kajpnën ijxtëm ya'atë ye'etyëjkën, mëk tmëëtëty ja mëpëjkën.

Mateo 15:28

Ënet ja Jesús y'ënëmaayë: To'oxytyëjk ja'ay, janty mëj ja mmëpëjkën. Wä'än jëtu'un tunyë tjatyë ijxtëm mijts xytsyokyën. Ënätyë ja to'oxytyëjk ja nyëëx tsyoky.

Marcos 6:6

Mëk tja'awëy ko ja ja'ay ka'ap myëpëjkë. Ënet kajpn kajpn jyëtijty tyaj'ijxpëky ja ja'ay.

Lucas 7:50

Tääts ja Jesús tjaaknëmaay ja to'oxytyëjk: Jä'äkyëjxm të mnitso'oky ko mijts të xymyëpekyës, oy mnëjkxnëty akujk jotkujk.

Lucas 5:20

Ko ja Jesús t'ijxy ko mëpëjktëp, tääts t'ënëmaay ja pa'amja'ay: Mmëku'uk, npokymye'kxyp mijts.

Génesis 43:33

Ënet ja myëkä'äxtëjk yë José nyaaxwä'tstaaytyë ijxtëm ënety yë'ë të tni'ënä'ämën, tyajnaaxwe'tsy mëti'ipë ënety mëjjëtyën ets mëti'ipë këjxm ja xyëëw jyëmëjnën ets ok ja mutskpë, je'eyë tmëmay tmëtajtë ko ënety jëtu'un jam kyäytyë ets nyäwyintë'kxëtë jaxim jayam.

Mateo 8:9

Jä'ä ko ëne'emyës näjyëtu'un n'ity maas ja nwintsënënm, ets ëjts nän tamës yë ntsiptuunpëjk mëti'ipës n'ëne'empyën. Koos nitu'uk t'ënëëmë nëjkx, tääts nyijkxy; ets koos nitu'uk n'ënëëmë min, tääts myiny; ets koos ja ntuunpë tii ntuk'ëne'emy, tyuunpy jä'ä.

Mateo 8:11

Tyam miits n'ënëëmëtë ko may ja ja'ay nëjkx myintë xëëwpëtsëmy ets xëëwkëtä'äky ets nyaaxwäätstëty kääpyë ukpë mëët ja Abraham, Isaac ets ja Jacob ma ja tsajpjotmëpë kutujktaknën.

Hechos 2:7

Mëj'ixy t'ijxtë ja ja'ayëty ets nyäy'ënanëtë nixim niyam: Galiletë ja'ay ya'atëty kajpxtëp, ¿këtiijë?