Mateo 7:13 - Biblia Dc en Mixe de Quetzaltepec

¹³ Jap mtëkëtëty ma ja najxtaknën xu'utspë, jä'ä ko mëj ja najxtakn ets ja tu'u mëti'ipë nëjkxpën ëyoowtaknjoty. May ja ja'ay jap tyëkëtë.

Biblia Mixe de Quetzaltepec

¹³ Jap mtëkëtëty ma ja najxtaknën xu'utspë, jä'ä ko mëj ja najxtakn ets ja tu'u mëti'ipë nëjkxpën ëyoowtaknjoty. May ja ja'ay jap tyëkëtë.

Mateo 7:13 ပူးပေါင်းရင်းမြစ်များ

Proverbios 16:25

Tää yë tu'u mëti'ipë tëy ja këxë'kpën, e jam ma jyëjpkëxyën o'kën jam.

Juan 14:6

Ënet ja Jesús y'ëtsoowë: Ëjts jëtu'un tu'u'ajtp, ja tëyajtën ets ja juukyajtën. Ëjtskyëjxm je'eyë tjëkyepy pën jya'tëty ma ja Dios Teetyën.

Juan 10:9

Ëjts jëtu'un ijxtëm ja kemy aawën. Pën tëjkëp ma ëjtsën yë'ë nitso'okaanp. Jëtu'un nyaxa'any ijxtëm ja kupixyny tyëkëtën pyëtsëmtën ets jap jyi'kxypyaatë.

Isaías 55:7

Ja ëxëëk ja'ay wä'än ja ëxëëk në'ë ëxëëk tu'u t'ëxmatsy, mëti'ipë je'eyë ëxëëkpë myëmääpy myëtäjpyën, wä'än t'ëxmatsy; ijxkaptë pën Wintsën'ajtp, ets mpa'ëyow mnajts'ëyowëtëty; yë'ë Wintsën mëjwa'kpätë, mëti'ipë yäjkpyën winë ets mpokymyä'kxëtëty.

Proverbios 9:6

Këtii xëmë tsuu myajpaatë, oy mjuuky'atëty: jëtu'un mnaxtëty mtëkëtëty tä ja'ayën mëti'ipë niwijy nikujk yajpatpën.

Gálatas 5:24

Pën ja Kristë jä'ä''ajtëtëp jëtu'un tpaaty ijxtëm jeexyë të tyajkruutspätën ja y'ëxëëkjot y'ëxëëk winma'anyëty.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

Mateo 3:8

Yajxon mja'ay'atëty ets mkëxë'ëktëty ko të mjootwinpitë ma Tiosën,

2 Corintios 6:17

Paaty näjyëtu'un ja Wintsën y'ënä'äny: Puye'eytyu'utë yë'ëjëty, ets näjyëpëkëtë, ka'ap xytyontëty ja ëxëëkpë, ets miits nkupëktëty.

Mateo 23:13

Mon tuk miitsëty myajpaatë, yaj'ijxpëjkpëtëjkëty, mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Ko miits xy'ëtuktë ja tsajpjotmëpë kuttujkën këtiipë jam pën tyëkëty. Ets ni miits mkatëkëtë ets ni yë'ë ja'ay xykyayajtëkëtë.

Apocalipsis 20:15

Jap yajkujëpijpëtyääytyë mëti'ipë ja xyëëw ka'ap y'akëxë'ëkën nokyjoty mëti'ipë juukyajtënmëëtën.

Filipenses 3:19

yë'ëjëty ëxëëk nëjkx kyukëxë. Jam ja wyinma'any tpëjkta'aktë ma ja kääky uukyën; yë'ë nätyukmëjpëjktakëtëp mëti'ipë jeexyë tsyuktsëtyuuntëpën. Yi'iyë myääytyëp tyajtëp mëti'ipë yaa naaxwiinyëtën.

2 Corintios 4:4

Jä'ä ko ka'ap myëpëktë, ja mëpëjkën yääyëpë naaxwiinyëtën yë'ë yajwinma'anytyëkajtsëtëp këtiipë t'ijxpaatëty ja jajën të'kxën, ja oy aaw oy ayuk ma yajnimëtyä'äkyën ja Kristë ja myëj'ajt jyääntyajtën, ja Kristë mëti'ipë Dios nyäjxypyën.

Hechos 3:19

Paaty xy'ëxmatstëty ja m'ëxëëk winma'anyëty ets mwinpitëty ma Tiosën, jëtu'unts ja mpoky yajmä'kxtëty,

Apocalipsis 20:3

Tää tkujëpijpëy ëyoowtaknjoty ets tku'ëkëëy ets ja y'akë'ë tpëjktakëy ja nyi''ijxwë'ëmën, jëtu'unts ka'ap t'ëkwin'ë'ënëty ja naaxwiinyëtë ja'ay koonëm tu'uk mil jëmëjt nyaxëty. Ënätnëm yajnajtsmatsëty jayiin jawään.

1 Juan 5:19

Nnija'awëm ko ëëtsajtëm Dios xyjyä'ä''ajtëm, tu'kë'ëyë ja naaxwiinyëtë atsojkën ku'oypyë jä'ä'ajtëp.

Mateo 25:46

Ja ëxëëk ja'ay ëts jap yë nyëjkxa'antë ëyoowtaknjoty, e ja wa'ats ja'ayëty jap ja nyëjkxa'antë ma juukyajtën yajpaatyën xëmëkyëjxmëpë.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Génesis 6:12

Jä'ä ko ja naaxwiinyëtë ja'ayëty tëë ënety wyinma'anytyëkoytyë. Ko ja Dios t'ijxy ko yaa naaxwiiny naaxkëjxy mëj këjää ënety ja ja'ay pyokytyuunë.

Apocalipsis 13:8

Ja naaxwiinyëtë ja'ayëty wyintsë'ëkëjantëp ja mëj jëyujk, mëti'ipë ja xyëëw ka'ap jap myintën kuja'ay ma ja nokyën mëti'ipë myë'ijtypyën ja Kupixyny U'unk ja jyuukyajtën, mëti'ipë ja ja'ay yajkruuts päjtën.

Romanos 9:22

Dios jyamëët'ajtyp ja kuttujkën ets jeexyë ja naaxwiinyëtë ja'ay tukumëtoy ja pyoky, je'eyëp ko yë'ë mëk tmëmä'kxtuky ja ja'ay mëti'ipë japaat'ajtëtëp ja ëyo'on.

Lucas 14:33

Näyjyëtu'un miitsëty pën ka'ap xy'ëxmatstë tu'kë'ëyë winë, ka'ap tjëkyëpy n'ijxpëjkpë'atëty.

Isaías 1:9

Kooxyëp yë Wintsën, mëti'ipë maaytyääyëpën winë ka'ap ni pën të tyajwë'ëmy juuky ma ëëtsajtëmën, jëtu'un jeexyë të njajtëm tä yë Sodomë kajpnën ets Gomorra kajpnën.

Apocalipsis 12:9

Jëtu'un yaj'ixkejxy ya'atë mëj tsa'any, mëti'ipë yajtijpën mëjku'u ets Satanás, mëti'ipë wyin'ë'ëmpyën ni'ëmukë ja naaxwiinyëtë ja'ay. Yë'ëts ojts naaxwiinyëtë yajkujëpijpnaxy mëët ja ëxëëkpë ja anklëstëjk.

Génesis 6:5

Ko jëtu'un ja Dios t'ijxy ko ja naaxwiinyëtë ja'ay tyëkooynyë ets je'eyë xëmë tmëmaay tmëët'ajnë wi'ix pyokytyunëtyën.

Lucas 9:33

Ko ja ja'ay jyëwa'ktë ënät ja Pedro t'ënëmaay ja Jesús: Wintsën, oy koos yaajëty. N'oytyuntës tëkëëk yë ujts aaytyëjk; tu'uk mijts yë mjä'ä, tu'uk yë Moisés yë jyä'ä ets tu'uk yë Elías yë jyä'ä. Ja Pedro ka'ap nijawë tii ko jëtu'un y'ënä'äny.

Proverbios 7:27

Ko jam pën nyijkxy ma tyëjkën, jëtu'un tä jeexyë pën nyijkxyën o'kpë.

Isaías 35:8

Jam ja Wintsën tu'uk ja mëjtu'u tyajnaxa'any mëti'ipë yajtijaanpën, Kënu'kxytyu'u. Mëti'ipë ënety ka'ap wya'ats'atën ka'ap nëjkx jam tyëkëtë, yë tsuuja'aytyëjk ka'ap nëjkx jam nyaxtë, yi'iyë nëjkx jam nyaxtë mëti'ipë mëtëy juuky'ajtëpën.

Mateo 7:14

Temë ja najxtakn ets ja tu'u mëti'ipë nëjkxpën ma ja juukyajtën xëmëkyëjxmëpë, xu'uts jä'ä ets wäänë ja ja'ay tpaatë ets jap tyëkëtë.