Mateo 7:12 - Biblia Dc en Mixe de Quetzaltepec

¹² Ijxtëm miits xytsyoktë ja'ay mëtunëtëty, jëtu'un ja mmëku'uk mmëtuntë, yë'ë jëtu'unpë tuunk ojts t'antijtë ja käjpxynyajxpëtëjkëty ets ja ënä'ämën tëyajtën.

Biblia Mixe de Quetzaltepec

¹² Ijxtëm miits xytsyoktë ja'ay mëtunëtëty, jëtu'un ja mmëku'uk mmëtuntë, yë'ë jëtu'unpë tuunk ojts t'antijtë ja käjpxynyajxpëtëjkëty ets ja ënä'ämën tëyajtën.

Mateo 7:12 ပူးပေါင်းရင်းမြစ်များ

Ezequiel 18:21

E pën yë ëxëëk ja'ay y'ëxmajtsyp yë y'ëxëëktu'un y'ëxëëk kajpxën ets tpatuny tëkokyë yë ntëyajtënës ets tuny mëti'ipë mëtëyën ets wa'atsën, tëyajtën yë'ë ko tääpë ja'ay juuky'ataanp ets ka'ap y'ooka'any.

Miqueas 6:8

Tëë yë Wintsën m'ënë'ëmxëty mijts naaxwiinyëtë ja'ay, mëti'ipë oyën ets tii y'ëwxijtypyën jeexyë xytyuny: oy winë xypyaye'eyëty, mëtëy mja'ay'atëty ets mwinkutsë'ëkëp, yu'unk naxym ja Dios xymyëtunëty.

Malaquías 3:5

Yë Wintsën mëti'ipë maaytyääyëpën winë jëtu'un y'ënä'äny: Minaanpës ets miitsëty nipaye'eya'antë. Näyjyëtu'un kë'ëm n'ixa'any nmëtowa'anyës wi'ix ënety yajtuntën ja mëti'ipë najtsja'awëtëpën, mëti'ipë ka'ap twintsë'ëkën ja nyiye'etyëjk ëkë ja tyo'oxytyëjk; mëti'ipë nanëkoo ëëwpäjn kajpxpäjn wyäämpyën yë Dios yë xyëëw; mëti'ipë ka'ap tsow tmëjuyën yë tyuunpë, je'eyë mëk tyajtuny; mëti'ipë o'ktëy tyuunpyën ja ku'ookytyo'oxy ets ja ku'ooky u'unk; mëti'ipë yaj'ëyoopyën ja jaaypyaat jaaypyo'kxy ets mëti'ipë ka'ap wyinkutsë'ëkën.

Mateo 5:17

Ka'ap miits mmaytyëty mtajtëty koos yë'ë të niminy ets ja Moisés ja y'ënä'ämën nyaj'atëkoyanë ëkë ets ja käjpxynyajxpëtëjk ja tyuunk mpëjkëja'anyës; ëjts yë'ëjës të niminy etsës nyajtsoowpaata'any ni'ik.

Lucas 6:31

Ijxtëm miits xytsyoktën ets ja ja'ay winë tunëty, näjyëtu'un miits winë tuntë.

1 Timoteo 1:5

Jä'äkyëjxm tääpë ënä'ämën jyääjëty ets winpity atëjy nnätsyojkëmëty nixim niyam mëët ja oyjyot oywyinma'any ets ja mëtëypyë ja mëpëjkën.

Santiago 2:8

Oy ënety xytyuntë ko ja Dios ja kyutujkën xypyatuunëtëty ijxtëm ja y'aaw y'ayuk y'ënä'änyën: Tsok ja mmëku'uk ijxtëm kë'ëm mnätsyokyën.