Mateo 7:11 - Biblia Dc en Mixe de Quetzaltepec

¹¹ Oy miits m'ëxëëk ja'ay'atë, mjajtëp ja m'u'unk xymyo'otëty mëti'ipë oyën, ¿ets wi'ixts ja mTeety tsajpjotmëpë tkamo'ojëtëty ja oypyë mëti'ipë m'amëtoowtëpën?

Biblia Mixe de Quetzaltepec

¹¹ Oy miits m'ëxëëk ja'ay'atë, mjajtëp ja m'u'unk xymyo'otëty mëti'ipë oyën, ¿ets wi'ixts ja mTeety tsajpjotmëpë tkamo'ojëtëty ja oypyë mëti'ipë m'amëtoowtëpën?

Mateo 7:11 ပူးပေါင်းရင်းမြစ်များ

Génesis 6:5

Ko jëtu'un ja Dios t'ijxy ko ja naaxwiinyëtë ja'ay tyëkooynyë ets je'eyë xëmë tmëmaay tmëët'ajnë wi'ix pyokytyunëtyën.

Génesis 8:21

Ko jyä'äjty ja xu'kën janty'oy jam Dios wyintum, ënät y'ënäny yë Wintsën: Nijëna'ajës yë naaxwiinyëtë jëtu'un nka'ëkpojknëty mëët ko ënety yë naaxwiinyëtë ja'ay pyokymyëët'atë. Jä'ä ko yë naaxwiinyëtë ja'ay mutsknëm jëtu'un tmëtso'ontaakëtë tuuntëko'oy kajpxtëko'oyën. Yë jëyujkëty nän ka'apës nëjkx n'ëkyajkutëkooynyë, ijxtëm tyam të jyäty të kyëpetyën.

2 Samuel 7:19

Wäänë jëtäätën xy'ixy, ko yë'ëpaat xynyikajpxnë wi'ix myiny wyinkonyën ja n'ënä'ämënës nkutujkënës, wi'ix ja n'u'unk n'okës nëjkx y'ënä'ämtën yajkutuktën. Jëtu'un ijxtëm mijts winë xytyunyën, ka pën mkamëpaatëtëty Wintsën.

Job 15:16

ni'ik yë ja'ay, mëti'ipë pokytyum xëmë yajpatpën ets aakjä'ä xëmë y'ijxyp tyuunpy ka'apë y'oyëtyën, mëti'ipë pokytyuunpën tä jeexyë nëë t'uukyën.

Salmos 84:11

Jä'ä ko yë Dios mëti'ipë yajwintsën'ajtpën, yë'ë xykyutë'kx xykyujajëm ets xykyuwa'anëm; yë Wintsën tsyojkpy jya'ap ets yajmëj'ajtyp yë ja'ay mëti'ipë juuky'ajtëpën wa'ats, ka'ap nitii tukwintuk'ooky.

Salmos 85:12

Yë Wintsën, yë'ë kë'ëm yajminäämpy yë nëë tuu, ets pyëtsëma'any jam kamjotm yë jë'kxy pëky.

Salmos 86:15

E mijts Wintsën, jä'ä mTios'aty yujy tëtä'äky, ets pa'ëyoop, mä'kxtujkp mëët yë tsojkën ja'awën ets tëyajtën.

Salmos 86:5

Jä'ä ko mijts Wintsën, oy mTios'aty ets mpokymyä'kxp; janty'oy ja mjot mwinma'any xyajnikëxë'ëky ma ja'ayëtyën mëti'ipë mëkajpxëpën.

Isaías 49:15

¿Wä'än jëtää tu'uk u'unktaak tja'atyëkoyëty yë y'u'unkë ëkë ka'ap t'ëktsojknëtyë? Pën jyä'äytyëkoopy ëjts ka'apës mijts nja'atyëkoyä'äny.

Isaías 63:7

Ëjts yë'ëjës nimëtya'akäämpy yë nätsyok näjyawë mëti'ipë yë Wintsën jyä'ä'ajtypyën, yë'ëjës nkuuy'ëwäämpy nkuuyya'axäämpy ko oy winë tuny ma ëëtsajtëmën, ko jyot wyinma'any oy tyaj'ixyë ma Israel ja'ayëtyën, ko winë oy të tnajtstun të tnajtskajpxë mëët yë tsyojkën jya'awën mëjwiinpë këjääpë.

Jeremias 17:9

Nitii jëtu'un kyawin'ëëny ets nitii jëtu'un kyayajtsojkën'aty tä yë jot winma'anyën. ¿Pën y'ëkja'akyukëp wi'ix ko jyëtu'unëty?

Jeremias 33:14

Jëtu'un yë Wintsën y'ënä'äny: Pyatäämpy yë xëëw po'o maas nyajkëta'aka'anyën ja kënu'kxën jëtu'un ijxtëmës ojts ntukwinwanëtën yë Israel ja'ayëty ets Judá ja'ayëty.

Oseas 14:2

Wimpitë ma Wintsënën ets jëtu'un xymyëkajpxtëty: Mä'kx yajnitëkoy ëëts yë nnëë npokyëty ets ëxajë kupëk ya'atë aaw ayuk ma mijts myajmëjjaw myajkënu'kxyjyawën.

Miqueas 7:18

Ka'ap ma Dios wiinkpë jëtu'un tä mijtsën, jä'ä ko mijts mpokmye'kxyp yë pokyjyä'äy ets mja'atyëkoopy oy muum mutskpë mnaax mkajpn të mëtëkoyë ets të nkäjpxykyutëjyë. Mijts tëëjës yë mtsojkën mja'awën xytyuk'ixtë ets ka'ap xëmë mtimjyootanpëky.

Malaquías 1:6

Jëtu'un Wintsën mëti'ipë maaytyääyëpën winë t'ënëmaay yë teetytyëjkëty: Yë u'unk ëna'k wyintsë'këtyëp yë tyaak tyeetyëty ets tuunpëtëjkëty wyinkutsë'këtyëp yë wyintsënëty. E ëjts, mijts xytyeety'ajtëpës, ¿tiijës ko xykyawinkutsë'ëkëtë? Pën ëjts miitsëty xyWyintsën'ajtëp, ¿wi'ixës ko xykya mëj ixtë? Miitsëty ni'ikyë xy'ixtijnëtës ets m'ëna'antë: ¿Maaxë mkayajmëj ixy?

Mateo 23:9

Këtii näjyëtu'un pën xytyijtëty teety yaa naaxwiiny, jä'ä ko tu'ukyë je'eyë ja mTeetyëty xymyëët'atë, mëti'ipë jamën tsajpjotm.

Mateo 7:10

¿Ëkë xymyo'otëty yë tsa'anyë pën nëë jëyujk m'amëtoowëtëpë?

Juan 3:16

Yë'ë ko Dios ni'ik ja naaxwiinyëtë ja'ay tsoky, paaty tkejxy ja y'U'unk tu'kpajkpë. Pën myëpëjkpy ka'ap y'ookëty, yë'ë myëët'atëp ja juukyajtën xëmëkyëjxmëpë.

Romanos 3:19

Nnija'awëm ko tu'kë'ëyë mëti'ipë nyimëtyäkpyën ja ënä'ämën, yë'ëkyëjxm nimëtyä'äky ets twinmëtowtëty ja ja'ay mëti'ipë ja ënä'ämën yajmëjnajxtëpën ets amonyë y'itëty ni'ëmukë ets tku'ëtsowtëty ja pyokyëty jam Dios wyintum.

Romanos 3:9

¿Wi'ix na'ëna'anmëty? Ko njutiis'ajtëmë, ¿wä'än jëtää ëëts ni'ik n'oyajtëmë ets këtiinëm ja ka'apë jyutiisëtyë? Niwi'ix'äämpy. Jä'ä ko tëë yajnijawë ko pokyjotm ëëts nyajpata'ayëmë wä'än timpyënëty, oy tjutiisëty kyajutiisëty.

Romanos 8:32

Jä'ä ko ka'ap ja Dios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

Gálatas 3:22

E ja Dios ja y'aaw y'ayuk jëtu'un y'ënä'äny ko ni'ëmukë ja ja'ay pokyjotm y'ijta'atë ets tpaatëty mëti'ipë ja Dios të twinwanën ko ja Jesukristë të tmëpëktë.

Santiago 1:17

tu'kë'ëyë mëti'ipë oyën ets wa'atsën, këjxm yë tsyoony, Dios yë yäjkpy, ja Dios mëti'ipë pyëjktakën winë jam tsajpwinm mëti'ipë ajajp atë'kxpën. Yë Dios ka'ap tyëkatsy, nän yi'iyëm xëmë, ma yë'ëjën ka'ap tii tyëkatsy ets ka'ap tii y'akootsë.

1 Juan 3:1

Ixtë wi'ix ja Dios Teety mëj këjää të xytsyojkëmën ko të xy'u'unkniwa'anëmë. Paaty ka'ap xy'ixy'ajtëm ja ja'ay mëti'ipë tyuuntëpën ja yääyëpë naaxwiinyëtë kyixy nyäxyën, jä'ä ko ja Dios tka'ixy'atë.

1 Juan 4:10

Jëtu'un'äämpy ja Dios të xytsyojkëmë: ka'ap ëëtsajtëm jëwyiin të ntsojkëmë, yë'ë jëwyiin të xytsyojkëmë ets ja y'u'unk të xytyuknikäjxëmë ets të xykyu'o'këmë tääts të nyajpokymyä'kxëmë.