Mateo 6:33 - Biblia Dc en Mixe de Quetzaltepec

³³ Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kuttujkën ets xytyuntëty mëti'ipë Dios tsyojkpy ets xy'ëxajëtëty tëkokyë ya'atë jotkujk'ajtën.

Biblia Mixe de Quetzaltepec

³³ Jamts miits jëyëjp xypyëjkta'aktëty ja mjot mwinma'anyëty ma ja tsajpjotmëpë kutujkën ets xytyuntëty mëti'ipë Tios tsyojkpy ets xy'ëxajëtëty tëkokyë ya'atë jotkujk'ajtën.

Mateo 6:33 ပူးပေါင်းရင်းမြစ်များ

Lucas 12:31

Miitsëty, jam xypyëjkta'aktëty ja mjot mwinma'anyëty ma xypyaatëty ja Dios ja kyutujkën ets myajmo'otëty tii mkaytyëp m'uuktëpën ets tii mnätyukxoxëtëpën.

Mateo 5:6

Jotkujk yë ja'ay yajpaatë mëti'ipë tsyojkën'ajtëp ja tëypyë nipaye'eyën, jä'ä ko ku'uxyë y'ita'antë mëët ja jëtu'unpë.

Juan 6:27

Ko tii xytyuntëty ka'ap yë'ëkyëjxmëty ko ja kääky uuky xytsyoktë mëti'ipë këjxp najxpën, yë'ë mnituntëp mëti'ipë mmo'ojëtëp ja juukyajtën xëmëkyëjxmëpë. Ya'atë ja kääky uuky yakäämpy ja naaxwiinyëtë ja'ay ja y'U'unk, jä'ä ko yë'ë Dios Teety yë kuttujkën të myo'oyë.

Romanos 14:17

Ka'ap yë'ëkyëjxmëty jam m'itë ma Dios ja kyutujktaknën ko tii xykyäytyë xy'uuktë, jä'äkyëjxm jam m'itë ko xytyuntë xykyajpxtë mëti'ipë paat'ajtëpën, wi'ix xymyëët'attëty ja jotkujk'ajtën ets ja xoontakën mëët ja Kënukxymyëkajtën.

Salmos 37:25

Ëjts tëës n'ëna'k'aty e tyam tëës nmëjja'ayënë, nijëna'ajës të nka'ixy yë oyjyä'äy atu'uk y'amëjë, ëkë y'u'unk y'ëna'k t'amëtoy yë meeny muum në'ë'aay tu'u'aay.

Salmos 37:3

Jam tu'ukyë këx'ix ma Wintsënën ets kuuytyun mëti'ipë oyën, juuky'at naaxwiiny naaxkëjxy ets näyaj'itët oy.

Mateo 19:29

Ets ni'ëmukë pënjaty të t'ëxmatstën ja jyëën tyëjk, myëkä'äx, tyaak tyeety, y'u'unk y'ëna'k ets ja nyaax kyajpn; wäänëni'ik nëjkx yajmo'otë winë, mëko'px nipätën; näjyëtu'un yajmo'oja'antë ja juukyajtën xëmëkyëjxmëpë.

Romanos 8:31

¿Tii ënät njaaktimkyajpxmëp? Pën Dios mëët ëëtsajtëm, ni pën xykyamëmëtakmëty.

1 Timoteo 4:8

Oy ja ni'kx kopk tjatuk'oy'äty ko näwyo'on näpyojtëmëty, ja pa'ëyo'ow najts'ëyo'owën ni'ik tyuny oymyaajëty, jä'ä ko yë'ë nyimëtyäkpy yë juukyajtën tyampë ets mëti'ipë miimp wiinkoonpën.

2 Corintios 5:21

Kristë nitii poky ojts tkatuny, je'eyë ko ëëtskyëjxm ja Dios pyëjktakë ijxtëm jeexyë ja poky tmëët'atyën, jëtu'unts ja Dios xyaj'ëwaatsëpëtsë'emëty mëët ja Kristë.

Romanos 1:17

Ya'atë aaw ayuk oypyë yë'ë xytyukni''ijxëmë wi'ix ja Dios ja npoky'ajtëm xytyukniwatsmëtyën: mëët ja mëpëjkën tsyo'ontä'äky ets jëtu'un jyëjpkëxy. Jëtu'un ijxtëm ja Dios ja y'aaw y'ayuk këxja'ay myinyën: Ja wa'ats ja'ay mëpëjkën mëët jyuuky'ata'any.

Filipenses 3:9

ets nyajpaata'anyës jam ma yë'ëjën; ka'ap yë'ëkyëjxmëty koos të nyajpaye'ey mëët ja ënä'ämën kuttujkën; yë'ëkyëjxm ko yajmëët'aty ja mëpëjkën ma ja Kristën, mëti'ipë ja Dios nyipaye'eyën'ajtypyën ko të yajmëpëky.

1 Corintios 1:30

Dios miits kë'ëm të mpëjkta'akëtë tu'ukyë mëët ja Kristë Jesús. Kristë Jesús mëët ëëtsajtëm nwijëm nkäjëm ets nän yë'ëkyëjxm ja Dios mëët oy nwë'ëmëm, jëtu'unts ja Dios xyjyä'äy'ajtmëty ets najtspëkë n'ijtmëty.

Mateo 4:17

Tääts ja Jesús ojts ëka'any ja tyuunk tyajtso'ontä'äky, tkajpxwä'kxy ja Dios ja y'aaw y'ayuk ets y'ënäny: Wimpitë ma Tiosën, jä'ä ko wiinkoonp ja tsajpjotmëpë kuttujkën.

Mateo 3:2

ets y'ënä'äny: Ixmatstë ja mka'oywyinma'anyëty; tää wyinkony ja kuttujkën tsajpjotmëpë.

2 Tesalonicenses 1:5

Ya'atë yajknikëxë'kpy ko Dios pyaye'ey ijxtëm pyaat'atyën ets kopkpëky ko mtëkëtëty ma ja kyutujktaknën, jä'ä ko yë'ë tyam mku'ëyo'owëtëp.

Romanos 10:3

Jä'ä ko ka'ap tja'akyyukëtë ko Dios yë'ë ja'ay yajnajxyp wa'ats, e yë'ëjëty kë'ëm tyäty nyäyajnaxa'anëtë wa'ats, ets jëtu'un ka'ap ja Dios tmëmëtowa'antë.

Hechos 28:31

Ja Pablo ëwaatsëtum jam yajpaty ets ja Dios ja kyutujkën tkajpxwa'kxë; nimëtyä'äky wi'ix ja Wintsën Jesukristë ja y'ijxpëjkën y'ixëtyën ets ni pën ijty kyayajjotkëxyë.

2 Pedro 1:11

Jëtu'un akujk jotkujk mtëkëtëty ma ja Wintsën Jesukristë Yajnitsokpë kyutujktaknën ets jam m'itëty xëmëkyëjxm.

1 Reyes 17:13

Tä ja Elías y'ëtsooy: Këtii mtsë'ëkë. Nëjkx yaj'oyë mëti'ipë të xynyikäjpxyën. Jëyëjp ja tsajpmokway xyajtunëty jampë xymyëët'atyën ets xyaj'oyëty tu'uk yë nma'atsyës ets mjä'ä xyaj'oyëty ets mmaank yë jyä'ä näjyëtu'un.

2 Pedro 1:1

Simón Pedro, Wintsën Jesukristë tyuunpë ets y'ayuk kajpxnajxpë, mtuknijayëtë ya'atë noky miitsëty, mëti'ipë ja Yajnitsokpë Jesukristë nTios'ajtëmë të tmëpëktën.

Lucas 1:6

Nimäjtskëty oy ijty yë Dios tmëtuntë, pyatuuntëp ja Wintsën ja y'ënä'ämën ets ka'ap tii poky tmëët'atë.

Jeremias 23:6

Ko ënety yë'ë y'ëne'emy, yë Judá ja'ayëty jotkujk nëjkx yajpaatë ets Jerusalén ja'ayëty ka'ap nëjkx tii jotmay tpaatë. Jä'ä nëjkx tijtë ja Wintsën: Yë Wintsën yë'ë xyajmëtakëm.

Isaías 45:24

ets y'ëna'ana'antë: Yi'iyë tu'uk yë Wintsën yajmëtakp, yë'ë nätyu'uk mëk'ajtën myëët'ajtyp. Tëkokyë nu'unës ënety xymyëtsip'atën, nëxi'iky tukxi'iky wyë'ëma'antë.

1 Corintios 3:22

yë Pablo, yë Apolo, yë Cefas, yë o'kën, yë xëëw po'o, yë miinpë wiinkoonpë, aak miits yë mjä'äjëty,

Hechos 20:25

Nnija'apës ko ka'ap nëjkx xy'ëk'ijxnëtës jënu'un miits të ntuk'ijxpëktën ja Dios ja kyutujkën.

Salmos 112:3

Ma jyëën tyëjkën ujts mëët yë wit meeny ets ja y'oyjyä'äyajtën xëmë tmëët'aty.

Proverbios 8:18

Ëjts nyäjkpyës yë näyajmëjnaxë, yë wit meeny, yë jotkujk'ajtën ets xoontakën;,

Proverbios 10:3

Dios ka'ap tyaj'ayuu'aty yë ja'ay mëti'ipë oyjyä'äyën, mëti'ipë ëxëëk ja'ay'ajtpën ni'ikyë tukpaaty yë yuu, e oy jyakaay jya'ukpë, je'eyëm yë yuu tjawëja'any.

Proverbios 28:10

Mëti'ipë ja'ay yë myëku'uk wyoownëjkxypyën ma ëxëëk tu'ujën, kë'ëm ëxëëk jyata'any kyëpäta'any; e mëti'ipë ka'ap tii tëko'oyën tunyën, oypyë y'ëxajëjantëp.

Eclesiastés 10:2

Yë wijyjyä'äy yë jyot wyinma'any jam tyajtëëynyë ma oypyën, e yë ëxëëk ja'ay jam tyajtëëynyë ma ëxëëkpën.

Isaías 26:9

Winë aaw winëjot mijts nmëmëkxejy koots tsu'um; jam ja njot nwinma'anyës tyimyajpaaty ma mijtsën. Ko ënety mijts xynyipaye'ey ja nëë poky naaxwiiny naaxkëjxy, jää nëjkx ja ja'ay nijawëtë mëti'ipë mëtëy nipaye'eyën'ajtpën.

Isaías 33:6

Ja naax kajpn xëmë tyaj'ita'any jotkujk. Yë ixpëkyajtën ets nija'awën, yë'ë mëk tsoowpatp ets yajnitsokp. Ko yë Wintsën ntsë'këmëty nja'awëmëty, mëj këjää tsyowpaaty.

Mateo 19:28

Tääts ja Jesús y'ëtsoowëtë: Tëy miits n'ënëëmëtë, ko ënety winë y'ajemyëtyä'äy, ma ja naaxwiinyëtë ja'ay ja y'U'unk ja kyutujkën tpëkyën ets nyaaxwäätsëty ma ja oypyë tsujpë ja y'ënyääypyäjnën; ets miitsëty mëti'ipëjaty të xymyëpëktënës mnaaxwä'tsta'atëty ma ja majkmäjtskpë ja ënyääypyäjnën ets xypyaye'eytyëty ja nyëë pyokyëty ja Israel ja'ayëty nimajkmäjtsk teetypë.

Juan 5:4

Yë'ë jam y'ëwxijtëp ko ja nëë yu'kxëty. Jä'ä ko këtakp tu'uk ja Wintsën ja y'anklës ma ja nëëjën ets ja nëë tyajyu'kxy. Pën jëwyiin tëjkëp ko ja nëë yu'kxyën jä'ä tsokp oy ënety tipa'am pën tmëëtëty.