Mateo 6:25 - Biblia Dc en Mixe de Quetzaltepec

²⁵ Paaty n'ënëëmëtë: Ka'ap xymyëmay xymyëtajtëty tii mkaytyëp m'uuktëp ets mjuuky'atëty ets ja mwitëty mxoxëty mëti'ipë ja mjot mnini'kx mtuk'ëtujktëpën. ¿Këtii jëtää ja juukyajtën këjää tsyowpaaty këtiinëm ja kääky uuky, ets ja ni'kx kopk këtiinëm ja wit xoxë?

Biblia Mixe de Quetzaltepec

²⁵ Paaty n'ënëëmëtë: Ka'ap xymyëmay xymyëtajtëty tii mkaytyëp m'uuktëp ets mjuuky'atëty ets ja mwitëty mxoxëty mëti'ipë ja mjot mnini'kx mtuk'ëtujktëpën. ¿Këtii jëtää ja juukyajtën këjää tsyowpaaty këtiinëm ja kääky uuky, ets ja ni'kx kopk këtiinëm ja wit xoxë?

Mateo 6:25 ပူးပေါင်းရင်းမြစ်များ

Filipenses 4:6

Këtii tii je'eyë xymyëmon xymyëtuktëty, yë'ë Dios tukë'ëtëkëtë tii jam mjotmay'ajtëp, amëtowtë pëjktsowtë ets kukajpxën näjyëtu'un.

1 Pedro 5:7

Tukë'ëtëkëtë ja Dios ja m'amay mjotmayëty, jä'ä ko yë'ë miits m'ijx'ijtëtëp mkëwent'ajtëtëp.

Romanos 8:32

Jä'ä ko ka'ap ja Dios të tukwintuk'ooky ja kyë'ëm U'unk, tëë ni'ëmukë xykyu'o'këmë, ¿Wi'ix ko ënät xykyamo'omyëty mëët yë'ë tu'kë'ëyë winë?

Salmos 55:22

Pëjkta'ak tëkokyë yë mma'ayën mtajën ma Wintsënën, yë'ë xëmë myaj'itanëp amëk jotmëk; yë'ë ka'ap tmajtstu'uty yë ja'ay mëti'ipë mëmëtoowëpën ets ëxëëk jyatëty.

Mateo 6:31

Paaty këtii xymyëmay xymyëtajtëty ets mnäyajtëwëtëty: ¿Tii ënät nkä'ämyëp n'ukmëp?, ëkë ¿tii ënät nwit'ajt nxox'ajtmëp?

Marcos 4:19

je'eyëp ko jä'ä myëmaay myëtajtëp wi'ixjaty yaa naaxwiiny ja ëyo'on jotmayën, ets ja meeny yajtukwin'ë'ëntë ets y'aaktsojktaaytyëp winë. Jëtu'unts ja Dios ja y'aaw y'ayuk ka'ap tyajwinkëxë'ëktë.

Mateo 10:19

Ko myajkë'ëyaktëty ma ja yajkutujkpëtëjkën ëkë ma ja kutuunkën, ka'ap xymyëmay xymyëtajtëty wi'ix m'ëna'antëty ëkë pën tii mkajpxtëp, ma ënety miits mtimkyajpxa'antën jää nëjkx myajmo'otë ja aaw ayuk mëti'ipë mkajpxtëpën,

1 Corintios 7:32

Yë'ës ntsojkpy ets ka'ap miits xymyëmay xymyëtajtëty ja naaxwiinyëtë winma'any. Mëti'ipë ja'ay nätyu'ukën, yë'ë myëmääpy myëtäjpy ja Wintsën ja jyä'ä ets tyajjotkujk'atëty ja Wintsën;

Mateo 6:34

Ka'ap xymyëmay xymyëtajtëty pën tii jëpom wëxtëjkm miimp wiinkoonp, jä'ä ko winjëpom miits xymyëët'atë mëti'ipë mmëmay mmëtajtëpën. Tu'uktu'uk xëëw nyäxy aak myëët'ajtyp ja mëti'ipë yajmääpy yajtajpën.

2 Timoteo 2:4

Nitu'uk ja tsiptuunpë tkamëmay tkamëtajy ja wiink winma'any ko jam tsyiptuny, jä'ä ko oy mëët ja wyintsën wyë'ëma'any.

Lucas 8:14

Ja tëëmt mëti'ipë ojts kyä'äyën äpny akujky, jëtu'un yë'ë ijxtëm ja ja'ayëty mëti'ipë y'amëtoow'ijtëpën ja Dios ja y'aaw y'ayuk ets tmëpëktë, je'eyëp ko yë'ëty, yë'ë myëjpëjktaktëp ja nyaax kyamëty yaa naaxwiiny ets ja myeenyëty, xiktëp xoontëp; jëtu'unts yë'ë nyaxtë ijxtëm ja tsajpmokyonën mëti'ipë tëtspën ets ka'ap tyëëm'aty.

Mateo 13:22

Ja tëëmt mëti'ipë ojts kyä'äyën äpny akujk, jëtu'un jä'ä ijxtëm ja ja'ay Dios y'aaw y'ayuk t'amëtoow'ijtëtën, je'eyëp ko yë'ë myëmaay myëtajtëp ja ajuuy ato'k ets mëk tsojkën'atë ja wit meeny ets yë'ë nyätyukwin'ëënëtë. Tu'kë'ëyë ya'atë, yë'ë yajkumo'onëtyääpy ja Dios ja y'aaw y'ayuk mëti'ipë të tjamëtoow'ityën ets ka'ap maa wyinkëxë'ëky.

Lucas 12:11

Ko pën myajnëjkxëtëty ma ja tsajptëjkën, ma ja kutuunktëjkëtyën ets ma ja tëytyuunpëtëjkëtyën, ka'ap xymyëmay xymyëtajtëty wi'ix m'ëtsowtëtyën ëkë pën tii mkajpxtëp;

Marcos 13:11

Ets këtii maytyëty mtajtëty ko ënety myajtukwinkuwowëtë ja kutuunktëjk. Jëtu'un m'ëna'antëty wi'ix ënety ja Kënu'kxymyëkajtën jää myaj'ayukpaatëtën, ka'ap nëjkx myiitsëty mkajpxtë, Kënu'kxymyëkajtën nëjkx myajkajpxëtë.

Jeremias 45:5

¿M'amëtowäämpy mëti'ipë mëpaat mëjwiin këjää xytyukjotkujk'atyënë? Pën jëtu'un, këtii nëkoo xy'amëtowëty, jä'ä ko ëjts ëyo'on jotmayës je'eyë nkäxäämpy ma naaxwiinyëtë ja'ayën. E mijts ka'ap wi'ix yë mjuukyajtën jyata'any, oy maa mnëjkxëty. Ëjts mëti'ipë Wintsën'ajtpën, ëjts ënaanp.