Mateo 6:21 - Biblia Dc en Mixe de Quetzaltepec

²¹ Jä'ä ko ma ja mwit mmeeny y'ityën, jam näjyëtu'un ja mjot mwinma'any yajpaaty.

Biblia Mixe de Quetzaltepec

²¹ Jä'ä ko ma ja mwit mmeeny y'ityën, jam näjyëtu'un ja mjot mwinma'any yajpaaty.

Mateo 6:21 ပူးပေါင်းရင်းမြစ်များ

2 Corintios 4:18

Ka'ap yë'ëjëty n'ixta'ayëm mëti'ipë yaj'ijxpën, yë'ë n'ixta'ayëm mëti'ipë ka'ap yaj'ixyën. Mëti'ipë yaj'ijxpën, këjxp najxp yë'ë; e mëti'ipë ka'ap yaj'ixyën, xëmëkyëjxm yë y'ijtëy.

Lucas 12:34

Jä'ä ko maa ja mwit mmeeny yajpaatën, nän jam ja mjot mwinma'any yajpaata'antë.

Proverbios 4:23

Yajxon winë oy xymyëmay xymyëtajëty ko tii xytyuna'anëty, jä'ä ko jëtu'un xytyunëty jotkujk mjuuky'atëty.

Isaías 33:6

Ja naax kajpn xëmë tyaj'ita'any jotkujk. Yë ixpëkyajtën ets nija'awën, yë'ë mëk tsoowpatp ets yajnitsokp. Ko yë Wintsën ntsë'këmëty nja'awëmëty, mëj këjää tsyowpaaty.

Hebreos 3:12

Mëku'uktëjkëty, näkyëwent'atëtë këtiipë nitu'uk ja mjot mwinma'any xymyëët'atëty ëxëëk, mëti'ipë tuk'ëxmajtspën ja Dios Juukpyë, ko ënety xykyamëpëktë.

Jeremias 4:14

Miitsëty Jerusalén ja'ayëty, yaj'oyëtë mjot mwinma'anyëty ets mnäyajtso'okëtëty. ¿Tii jekyëtën yi'iyë xymyëmaya'an xymyëtaja'antë ëxëëkpë jot winma'any?

Mateo 12:34

Tsa'any miits mteety'ajt m'ap'ajtëp, ¿wi'ix tii oy xy'ëkkajpxtëty pën ëxëëk ja mjot mwinma'anyëty?, jä'ä ko aawjoty jootjoty ja ayuk pyëtsimy mëti'ipë yajkajpxpën.

Hechos 8:21

Ka'ap ya'atë tuunk mpaatyë, jä'ä ko ka'ap yë m'aaw mjot y'oyëty ma Tiosën.

Jeremias 22:17

Mijts yi'iyë mmëmääpy mmëtäjpy wi'ix ja wit meeny xypyaatëty mëët ja antakën; myaj'o'k ja ka'apë tii poky tunyën ets o'ktëy xytyuny xy'ënëëmë ja mnaax mkajpn.

Filemón 1:3

Wä'än ja Dios nTeety'ajtëmë ets ja Wintsën Kristë Jesús mmo'ojëtë ja kënu'kxën ets ja jotkujk'ajtën.

Filemón 1:19

Ëjts Pablo, kë'ëmës yam nja'ay ya'atë noky. Ëjts nkëpätäämpy yë nu'kxy. Ka'apës yam n'ëna'any ets mijts xykëpätëty, jä'ä ko tamës mijts xymyënu'kxy'äty ko të ntukmëmëtyä'äky ja nitsokën ets ja Kristë të mpokymye'kxyë.

Mateo 6:22

Yë wiin yë'ë kutë'kxn'ajtp ma jot nini'kxën. Paaty mijts pën oy ja mwiin, kutë'kxy ja mjot mnini'kx yajpaatëty,