Mateo 6:16 - Biblia Dc en Mixe de Quetzaltepec

¹⁶ Ko miits m'ayuu'atëty, ka'ap ja mwiin mjëjp xypyëjkta'aktëty yaj'ëyow yaj'ama'at, ijxtëm y'ëtë'ëtstën mëti'ipë oyjyä'äy nätyijëtëp ets ja ja'ay y'ixëtëty ko y'ayuu'atë. Tëy miits n'ënëëmëtë ko yi'iyë kyuma'ayën'atantëp.

Biblia Mixe de Quetzaltepec

¹⁶ Ko miits m'ayuu'atëty, ka'ap ja mwiin mjëjp xypyëjkta'aktëty yaj'ëyow yaj'ama'at, ijxtëm y'ëtë'ëtstën mëti'ipë oyjyä'äy nätyijëtëp ets ja ja'ay y'ixëtëty ko y'ayuu'atë. Tëy miits n'ënëëmëtë ko yi'iyë kyuma'ayën'atantëp.

Mateo 6:16 ပူးပေါင်းရင်းမြစ်များ

2 Samuel 12:16

Ënet ja David mëktä'äky tyëjkëy nu'kxtakpë ets jeexyë ja Wintsën tyajtso'oky ja mëxu'unk, ojts ja David jya''ayuu'aty ets naaxkëjxy tyajnajxy ja tsuu.

2 Samuel 12:21

Ënet yajtëëwë ja myëkutuunktëjk: ¿Tiitën mtuumpy mijts mëj'ënä'ämpë? Ko ënety ja mëxu'unk jyaak juukyëtynyëm mijts mjëëpy myaxp ets m'ayuu'ajtp jää, e tyam ma të y'o'knën ni'ikyë mtëjkënë kääpyë ukpë.

1 Reyes 21:27

Ko yë Ahab tmëtooy jëtu'unpë ja aaw ayuk mëkpë, ënät ojts tkë'tsta'ay ja wyit, aakjä'ä ëxëëk wit ojts nyätyuknijenyë ets y'ayuu'ajty y'ëxëëwajty. Jëtu'un tmëma'ay ja y'ëxëëkwit ets myony tyuk.

Nehemías 1:4

Koos nmëtooy jëtu'unpë ja ayuk, jëtu'unyës ntimjyënuuntaay ets jämyë nyaaxwe'tsy täätsës ntëjkëy yaxpë, kanaak xëëw nmoony ntukjkyës, ojtsës n'ayuu'aty ets nmëjëëytyäky nmënu'kxtäkyës ja Wintsën jampë tsajpjotm y'ityën tsyëënën.

Ester 4:16

Yajmujkta'a tëkokyë Jutiiyë ja'ayëty mëti'ipë tsënaaytyëpën Susa ets xynyijëëytya'ak xynyinu'kxta'aktëtyës, ni pën kyakay kya'uukëty tëkëëk xëëw tëkëëk tsu'um. Yë ntuunpëtëjkës, yë to'oxytyëjktëjkëty mëti'ipës yam mëët nyajpaatyën, nän tyam ëëts njëëytya'aka'an nnu'kxta'aka'antë ayuu axëëw ets yam ninëjkxa'anyës ja yajkutujkpë ets mëët nmëtya'aka'anyës, oy jëtu'un t'ëkpaatëty ka'ap yowë nmëmëtoyës ja ënä'ämën kuttujkën mëti'ipë jää ijtpën. E pën xyaj'o'ktëpës, wä'än t'ixy.

Salmos 109:24

Koos nkakay, ënätyë njawës tyimnatsëyuuypyiky yë nkoxës; ets koos tii nkajë'kxy, ënetyës njawë ntëtskëtä'äky.

Salmos 35:13

Ko ijty pyëkëtë y'ixëtë, näjyëtu'unës ijty ëjts nyajpaaty mon tuk mëët yë'ëjëty, etsës ja nwit ntuktëkë mëti'ipë kuumpën u'kxpën, täätsës näjyëtu'un n'ayuu'aty n'axëëw'aty; ets maas ja njot nwinma'anyën ka'apës npo'kxy mëët ja wa'anën tso'owën.

Salmos 69:10

Koos një'ëy nyä'äxy ets koos ka'ap nkay n'uuky, je'eyës xynyëxi'ik xytyukxi'iktë;

Daniel 9:3

Ënet ja Wintsën të nmënu'kxtä'äkyës, tëëjës n'ayuu'aty ets tëëjës ja nwit mpëjktä'äky mëti'ipë u'kxpën ets tëëjës jaamjoty n'u'unyë.

Malaquías 3:14

Jëtu'un të m'ëna'antë: Nëkoopë Dios nmëtu'unmëty. ¿Tii mpatmëp n'ijxmëp ko ëëtsajtëm näpyëjktakëmëty mon tuk jëtu'un tä ja'ay nyäxyoxyën ko o'kën tëko'oyën y'ity jam Dios wintum mëti'ipë maaytyääyëpën winë?

Mateo 6:1

Ko yë mmëku'uk xypyutëkëty ijxtëm pyaat'atyën, ka'ap nikëxë'ëky tii xytyuntëty ets ja'ay t'ixtëty. Ko nikëxë'ëky tii xytyuntëty, ka'ap ja mTeetyëty tsajpjotmëpë mmo'ojëtëty ja kuma'ayën.

Mateo 6:2

Paaty, ko ja ëyoopëja'ay xypyutëkëty këtii xiitsow yaatsow xymyëtyaakwa'kxëty ijxtëm y'ëtë'ëtstën tsajptëkotypë tyuntën mëti'ipë nätyijëtëp oyjyä'äy ets në'ëjoty tu'ujoty nyäpyëjkta'akëtë ets ja ja'ay wyintsë'ëkëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Mateo 6:5

Ko miits ja Dios xymyëkajpxtëty, ka'ap jëtu'un m'ëtë'ëtstëty ijxtëm mëti'ipë oyjyä'äy nätyijëtëp, tsyojktëp ets ja Dios tmëkajpxtëty tënääpy tsajptëkoty, në'ëjoty tu'ujoty, ets ja ja'ay y'ixëtëty. Tëy miits n'ënëëmëtë ko yi'iyë jëtu'un kyuma'ayën'atantëp.

Marcos 2:18

Tam ënety ja Juan y'ijxpëjkpëtëjk y'ayuu'atë mëët ja fariseë ja'ayëty y'ijxpëjkpëtëjk. Ënet ja ja'ay tnimiintë ja Jesús ets t'ënëmaaytyë: ¿Tii ko yë Juan Yajnëëpäjtpë y'ijxpëjkpëtëjk y'ayuu'atë ets ja fariseë ja'ayëty y'ijxpëjkpëtëjkëty näjyëtu'un, e mijts yë m'ijxpëjkpëtëjk ka'ap y'ayuu'atë?

Lucas 18:12

Ëjts mäjtsk okës n'ayuu'aty tu'ukpë sëmaan, nmoopy xëmë ja nkëpäjtënës, tu'kpëkyës xëmë njëpëky ma ja majk pëkpyën mëti'ipës npatyp n'ijxypyën.

Lucas 2:37

mëmajkta'px jëmëjt ënety ku'ooky të y'ijnë. Xëmë ja Dios twintsë'ëkë ma ja mëjtsajptëjkën xëëny koots; ayuu'ajtp näjyëtu'un ets ja Dios tja'amyetsy.

Hechos 10:30

Tääts ja Cornelio y'ëtsooy: Tyam mëmajktaxk xëëw ma ya'atpë horë yaa n'ayuu'atyës maas ntëjkën. Tiosës nja'amyejtsyp jënäkyxyëëw, ko ojts ajotkumonë n'ijxpaatyës tu'uk ja ye'etyëjk xywyintänës. Atë'kxp ajajp ja wyit kyëxë'ëky.

Hechos 14:23

Ojts ja Pablo ets ja Bernabé tnikajpxpätë ja mëjja'aytyëjk maajëty ja mëpëjkpëtëjk ye'eymyuktën, ets ja Dios tuknija'amyäjtsëtë ets y'ayuu'ajtë, ets tukë'ëtëjkëtyë ja Wintsën mëti'ipë ënety të tmëpëktën.

1 Corintios 7:5

Paaty n'ënëëmëtë, këtii mnäy'ëxmatsëtëty, nätyookëtë nimäjtskëty; ënät tëy pën mkäjpxy'ajtëp ko mnäy'ëxmatsa'anëtë jä'ä ko ja Dios mëkajpxantëp. Ok jatëkok mnäpyuwa'akëtëty, këtiipë ja mëjku'u mëmëta'akëtëty ets myajpokytyunëtëty.

2 Corintios 11:27

Tëës nmënaxy nyajnaxy ja tuunk mëkpë tsaatsypë ets ja amay jotmay, ma nkama'ay nkapo'kxyës, ma ayuu nëëtëëtsë të n'ityësën ets ma ja potmjot näjyëtu'un të nyajnaxyës ets ko ja nwit nxoxës të kyaka'ty.

2 Corintios 6:5

ja näywyop näkya'atsë, ja pujxntëjk, ja nëëmujk tukmujkën; ja mëktuunk, ja yuu nëëtëëtsë ets ko ja tsuu ma'ay kyaminy.