Mateo 5:9 - Biblia Dc en Mixe de Quetzaltepec

⁹ Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Dios u'unkniwa'ananëtëp.

Biblia Mixe de Quetzaltepec

⁹ Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Tios u'unkniwa'ananëtëp.

Mateo 5:9 ပူးပေါင်းရင်းမြစ်များ

1 Crónicas 12:17

Ko ja David jëtu'un tmëtoy'äjty ënät ojts jyëjpye'eyë'ëkëtë ets y'ënëmaayëtë: Pën miitsëty janty tëy ko jä'ä mëmiintëp ja oypyë ja jot winma'any, tyamës n'apëky nkupëky ets miitsëty ëëts xypyuwa'akëtëty; e pën miitsëty je'eyë mintë etsës xykë'ëyaka'antë maas ja nmëtsiptëjkën, ets ka'apës tii poky të ntuuntëkoy, yë Wintsën mëti'ipë y'ëwtajtën ja n'ap'ajt n'ok'ajtëm yë'ë y'ixëp nyijawëp ets xynyipaye'eyëtyës ets mtukëpätëtëty ja mpokyëty.

Salmos 120:6

Jekyës yajxon të njuuky'äty ma ja'ayëtyën mëti'ipë ka'ap tsoktën ets jyää'atëty ja akujkajtën jotkujk'ajtën.

Salmos 34:12

¿Mjuuky'ataanp jekyë? ¿Mtukxoonta'akäämpy yë juukyajtënë?

Mateo 5:45

Jëtu'un xyajnikëxë'ëktëty ko Dios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Mateo 5:48

Wa'ats nnäyaj'itëtë, ijxtëm yë Dios tsajpjotmëpë wa'ats nyäyaj'ityën.

Lucas 20:36

jä'ä ko ka'ap nëjkx t'ëkjëkyäjpnë y'ooktëty. Aakjëtu'un yajpaatanëtë tä Dios kukäjpxy, aak Dios u'unk'atanëtëp jä'ä ko ënety të jyuukpyëktë.

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Dios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Hechos 7:26

Komjëpom ja Moisés tpaty ja jyä'äy, Israel ja'ayëty nimäjtsk jam tsyiptuntë aak yë'ëjëty. Tääts t'ënëmaay: këtii aak miits mtsiptuntë, mtu'kmëku'uk miitsëty. ¿Tii ko mnätsyiikëtë?

Romanos 12:18

Maapaat mëta'aktën, itë akujk jotkujk ma ja ja'ayëtyën.

Romanos 8:14

Tëkokyë ja ja'ayëty mëti'ipë në'ëmooy tu'umooyëpën ja Dios ja Kyënu'kxymyëk'ajtën, Dios ja u'unk'atanëtëp.

Romanos 8:16

Ets nän yë'ë ya'atë Kënu'kxymyëkajtën mëët tu'ukyë yajpaaty mëët ëëts'ajtëmë ets nyajtijmëty Dios y'u'unk.

Romanos 8:19

Tu'kë'ëyë mëti'ipë ja Dios të tyajkojyën jyëjp'ijxtëp ja xëëw ma ja Dios tyajnikëxë'ëkanyën mëti'ipë y'u'unk'ajtypyën.

1 Corintios 6:6

Yë mëpëjkpëtëjkëty ka'ap jye'eyëty tsyiptuntë, näjyëtu'un ënätyë nyëjkxkojtë ma ja paye'epyën mëti'ipë ka'ap myëpëkyën.

2 Corintios 13:11

Tyamës nkajpxwë'ëmy mëku'uktëjkëty, ntukmëtsojktëp ets akujk jotkujk mjuuky'atëty. Yë'ë ixta'atë mëti'ipë wa'atsën. Patuntë mëti'ipë ojts ntuknijayëtën ets itë tu'ukyë mëët ja jotkujk'ajtën. Pën mtuuntëp jëtu'un, m'itantëp mëët ja Dios mëti'ipë ja oyjyot oywyinma'any yäjkpyën tëy tëtä'äky.

2 Corintios 5:20

Yë'ë të xytyuknipëjkëm ets ja Kristë nkutënä'ämyëty, ets jëtu'un tpaaty ijxtëm jeexyë miits mmënu'kxta'akëtën ja Dios, je'eyëp ko ëëts xyajkajpxtëp. Jëtu'un miits nmënu'kxta'aktë mëët ja Kristë ja xyëëw ets mnämyë'oypyëkëtëty mëët ja Dios.

Gálatas 5:22

E ko ja ja'ay tyajtuntë mëti'ipë ja Kënu'kxymyëkajtën yäjkpyën, nätsyojkëtëp ja nixim niyam, ijtëp xoontëp, jotkujk yajpaatë, mä'kxtujktëp, amëku'ukëty, tyuuntëp mëti'ipë paat'ajtëpën,

Efesios 4:1

Paaty ëjts, maas yap tsumy n'ityën koos yë Wintsën Jesukristë tmëpëky, tyam miits nmënu'kxta'aktë ets jëtu'un mjuuky'attëty ijxtëm ja ja'ayëtyën mëti'ipë ja Dios të myëkajpxëtën, ijxtëm miitsëty ojts mjuuky'atën.

Filipenses 4:2

Npëjktsoopyës ja Evodia ets ja Sintique ets tkajpx'oyëtëty ja tsyipëty ma ja Wintsën tmëpëktën.

Colosenses 3:13

Nämyëmä'kxtukëtë nixim niyam ets nänyimä'kxëtë näjyëtu'un. Jëtu'un ijxtëm ja Kristë të mnimä'kxëtën, näjyëtu'un miits yë mmëku'uk xynyimä'kxtëty.

Hebreos 12:14

Jotkujk itë mëët ja ja'ayëty oypyënëty ets wa'ats mjuuky'atëty. Pën ka'ap wa'ats jyuuky'äty, ka'ap ja Dios nëjkx t'ixy.