Mateo 5:45 - Biblia Dc en Mixe de Quetzaltepec

⁴⁵ Jëtu'un xyajnikëxë'ëktëty ko Dios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Biblia Mixe de Quetzaltepec

⁴⁵ Jëtu'un xyajnikëxë'ëktëty ko Tios tsajpjotmëpë m'u'unk'atëtë; jä'ä ko xëëw tyajpëtsëmy tyuknijajtääpy oyjyä'äy ka'oyjyä'äy, ets ko tyajtu'uy yajnituutääpy wä'än twa'atsja'ayëty ëkë t'ëxëëkja'ayëty.

Mateo 5:45 ပူးပေါင်းရင်းမြစ်များ

Job 25:3

Yë tsyiptuunpëtëjk ka'ap xmyä'ämyëty nmëtyo'owtä'ämyëty, yë tyë'kxën jyajjën kyutë'kxtääpy winë.

Salmos 145:9

Yë Wintsën aak y'oyjya'awëtyääpy wä'än tpënëty, mëët oyjyot oywyinma'any tkëwent'aty mëti'ipë të tyajkojyën.

Jeremias 5:24

Miitsëty ka'ap ojts xymyëmay xymyëtajtë ets ka'ap ojts m'ëna'antë: Tsojk Wintsën nwinkutsë'këm mëti'ipë nTios'ajtëmën, mëti'ipë xymyo'oyëmën yë nëë tuu ets mëti'ipë nyija'apën jëna'a tyajwintëwa'any ja npëjktä'äky'ajtëmë.

Mateo 5:9

Jotkujk yë ja'ay yajpaatë mëti'ipë tsyojktëp ets jyää'atëty ja jotkujk'ajtën, jä'ä ko yë'ë Dios u'unkniwa'ananëtëp.

Lucas 6:35

Mtsoktëp miits ja mmëtsip, tuntë ja oypyë, tuntë ja mëyajtën; tuk'ënu'kxtë winë mëku'uk ets këtii xyjyëjp'ixtëty ets jatëkok mooywyimpitëtëty. Jëtu'un miits mëj nëjkx myajkumaytyë ets nëjkx m'u'unk'atëtë ja Dios tsajpjotmëpë, jä'ä ko yë'ë oy Tyios'aty ma ja ja'ayëtyën mëti'ipë ka'ap tii tkukajpxën ets ëxëëkpë jyä'äy'ätyën.

Juan 13:35

Pën mnätsyojkëtëp miits nixim niyam, y'ixtëp nyijawëtëp ja ja'ay ni'ëmukë ko ënety miits n'ijxpëjkpë'atë.

Hechos 14:17

ka'ap ojts tyajjëjptuky ja y'oyajtën ma yë'ëjëtyën, xëmë ja Dios ja ijxpäjtën tyäjky ets yajnijawëty ko xëmë oy winë tuny; yë'ë kyejxyp ja nëë tuu ets y'ity ja pëjktä'äky, jëtu'unts mmo'ojëtë mëti'ipë mkaytyëp m'uuktëpën ets jotkujk myajpaatëty.

Efesios 5:1

Miitsëty ma Dios m'u'unk'atëtën ets ko mtsokëtë, juuky'atë ijxtëm yë Dios jyuuky'ätyën.

Filipenses 2:15

këtiipë pën mpoky'ixëtëty, wa'ats aaw wa'ats jot mja'ay'atëty ma ja ja'ayëtyën mëti'ipë ëxëëk juuky'ajtëpën ets ëxëëk ja y'aaw jyotëty. Jëtu'un tä matsa'ajën miits m'ajaj m'atë'kxtëty ma yë'ëjëtyën yaa naaxwiiny.

1 Juan 3:9

Ka'ap pyokytyuny mëti'ipë ja Dios u'unk'ajtëpën, jä'ä ko tap nye'pnyjoty tmëët'aty ja juukyajtën mëti'ipë ja Dios yäjkpyën; ka'ap tjëkyepy pyokytyuun'ëtë'ëtsëty, jä'ä ko Dios u'unk'ajtëp.