Mateo 5:42 - Biblia Dc en Mixe de Quetzaltepec

⁴² Pën tii m'amëtoowëp, mo'o; ets pën tii tsyojkpy ënu'kxy, tuk'ënu'kx.

Biblia Mixe de Quetzaltepec

⁴² Pën tii m'amëtoowëp, mo'o; ets pën tii tsyojkpy ënu'kxy, tuk'ënu'kx.

Mateo 5:42 ပူးပေါင်းရင်းမြစ်များ

Salmos 37:21

Yë ëxëëk ja'ay je'eyë winë t'amëtoy nu'kxy ets ka'ap t'ëk këpäjnë, yë ja'ay mëti'ipë winma'any jyëkyejpyën pya'ëyoopy yë myëku'uk ets nyayäjkpy winë.

Proverbios 19:17

Ko yë ëyoopëja'ay tii ntuk'ënu'kxmëty, Dios ënety winë yajtuk'ënu'kxp, yë Dios yë'ë nëjkx kë'ëm jëna'a tkujuy ja nu'kxy.

Proverbios 21:26

ko xyëënaxy jyatsojkpy tii. Yë wa'ats ja'ay yäjkpy winë ko tii tmëët'aty ets ka'ap tukwintuk'ooky.

Eclesiastés 11:6

Mni'ipëp yë mtëëmp jopyëp ets mni'ipëp näjyëtu'un jënäkyxyëëw, jä'ä ko ka'ap yajxon yajnijawë mëti'ipë wintëwaanp, pën yë'ë mëjëyëjpë ëkë pën yë'ë okpë, ëkë pën majkpëky wyintëy.

Daniel 4:27

Paaty n'ënëëmë mijts yajkutujkpë ets xypyatunëty tëkokyë mëti'ipë yam ntukwinjawëjäämpyën: mëtëy winë tun ets këtii m'ëk pokytyuunë; ëxmats yë ëxëëktu'un ëxëëk kajpxën ets putëkë yë ëyoopëja'aytyëjk. Jëtu'un jeky mjuuky'atëty ets akujk jotkujk myajpaatëty.

Mateo 5:41

Ko pën atsip mtukpatsëmëtëty tsëmy kë'ëy ets xymyëye'eyëty wëxtujk mëko'px xajpk, ni'ikyë jä'ä xymyëye'eyëty tu'uk mil ja mëkoxk mëko'px xajpk.

Lucas 11:41

Putëkëtë ja ëyoopëja'ay ëmuumtu'ukjot ets jëtu'un ja mjot mwinma'any wya'atstëty.

Romanos 12:20

Näyjyëtu'un: Pën yuu'o'këp ja mmëtsip, yajkay; pën tëtsëp, yajnëë'uuk, jëtu'un jyëënkuuts tyooykyuutsëty mëët ja tsyëtyu'un.

Hebreos 13:16

Ka'ap xyjyä'ätyëkoytyëty ets xytyuntëty ja oypyë ets tu'knax xyajtuntëty mëti'ipë mmëët'ajtëpën, jä'ä ko ya'atë jëtu'unpë wintsë'kën Dios tyukjotkëtäkpy.

Hebreos 6:10

Jä'ä ko yë Dios mëtëy nyipaye'ey, ka'ap tja'atyëkoyä'äny mëti'ipë të xytyuntën ets wi'ix të xypyutëkëtën ja Dios ja nyaax kyajpn ijxtëm tyampaat xytyuun'ëtë'ëtstën.

Santiago 1:27

Ja mëpëjkën oypyë ets wa'atspë Dios Teety wintumpë yë'ë ya'atë: yajputëjkëp ja ku'ooky u'unk ets ja ku'ooky tyo'oxytyëjk mëti'ipë maaytyëp tajtëpën, näjyëtu'un yajputëkëty ka'apë nyäyaj'ëxëëkëtyën mëët ja ëxëëkajtën yaapë naaxwiinyëtën.