Mateo 5:29 - Biblia Dc en Mixe de Quetzaltepec

²⁹ Pën myajpokytyuunëp ja m'aka'anywyiin, juut ets xy'ixka'atsëty. Ni'ikyë oy tu'kpëky mtëkoy'ajtxëtëty mëti'ipë jamën ma mni'kx mkopkën ets këtii ko tu'kë'ëyë mni'kx mkopk yajpëjkta'akëty ëyoowtaknjoty.

Biblia Mixe de Quetzaltepec

²⁹ Pën myajpokytyuunëp ja m'aka'anywyiin, juut ets xy'ixka'atsëty. Ni'ikyë oy tu'kpëky mtëkoy'ajtxëtëty mëti'ipë jamën ma mni'kx mkopkën ets këtii ko tu'kë'ëyë mni'kx mkopk yajpëjkta'akëty ëyoowtaknjoty.

Mateo 5:29 ပူးပေါင်းရင်းမြစ်များ

Job 20:13

jeky jap y'aawjoty tpu'uy'ity ets ëtyä'äkyë'äämpy tkujë'ënaxy.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Mateo 11:6

Ets akujk jotkujk ja'ay yajpaaty mëti'ipë ka'ap y'anäp y'atä'pxën maas ëjtsën.

Mateo 16:26

¿Tii ja ja'ay nyawa'anëty oy tjaniwaanta'ay tu'kë'ëyë winë yaa naaxwiiny pën yajtëkoopy ja jyuukyajtën? ¿Ëkë jënu'un ja ja'ay ja jyuukyajtën t'ëknikëpäjtu'utëty?

Mateo 17:27

Je'eyëp ko këtiipë pën tka'oyjyawëty, nëjkx mnëë jëyujk matsy jap nëë ëkë'p ets ja nëë jëyujk mëti'ipë ëka'any mxuupyën, jap y'aawjoty xypyaata'any yë meeny mëti'ipës nkëpäjtën'atëpën ets mijts yë mjä'ä, tääts nëjkx xykyujuy ja këpäjtën.

Mateo 19:12

Kanaaknax ja winma'any mëti'ipë ëtujkpën ets ka'ap ja'ay pyëkëty; tää mëti'ipë jëtu'un mëxu'unk'ajtpën ka'ap tjëkyepy wi'ix pyëkëtyën, tä mëti'ipë ja'ay kë'ëm y'ëtujkpyën këtiipë ja myëku'uk pyëkëty ets tää mëti'ipë ja'ay kë'ëm ënaanpën ko ka'ap pyëka'any mëët ko yë'ë ja tsajpjotmëpë kuttujkën tukjuuky'ata'any. Pën jyä'äkyujkëp ya'atë winma'any, wä'än tja'akyukë.

Mateo 23:15

Mon tuk miitsëty myajpaatë, yaj'ijxpëjkpëtëjkëty mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mtuknajxtaaytyëp miits ja naaxwiinyëtë ets ja mejy ko ja mja'ay xy'ixta'atë, ets ko xypyaatë ja mja'ayëty, wäänëni'ik ëxëëk xyajjat xyajkëpätë ets nyëjkxëty jap ëyoowtaknjoty këtiinëm miitsëty.

Mateo 23:33

Jëtu'un miitsëty tä tsa'anyën, tsa'any mteety'ajt mtaak'ajtëp, ¿wi'ix xykyukä'äka'antë ja tëytyu'unën mëti'ipë jap ëyoowtaknjoty?

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Mateo 5:30

Ets näjyëtu'un, pën myajpokytyuunëp ja m'aka'anykyë'ë, katspux ets xy'ixjëpipëty tu'uk. Nikë oy ko tu'kpëky mtëkoy'ajtxëtëty mëti'ipë jamën ma mni'kx mkopk ets këtii ko yajpëjktakta'ajëty ëyoowtaknjoty.

Marcos 8:36

¿Tii ja ja'ay tyajwa'anëty ja wit meeny ëkë ja pëjktä'äky ëkë winëjaty pën yajtëkoopy ja jyuukyajtën?

Lucas 12:5

Yë'ë ntuk'ëwaanëjantëp pën mëpaat xytsyë'ëkëtë. Tsë'ëkëtë ja Dios. Ko ënety tëë ja mni'kx mkopk y'ooktë yë'ë yajkutukäämpy pën mnëjkxtëp ëyoowtaknjoty ëkë ka'ap.

Romanos 6:6

Nnija'awëm ko ëëtsajtëm ëxëëk ijty njuuky'ajtëmë, e tëë ja njuukyajtën'ajtëm mëët tu'ukyë ja Kristë kyëruutspety, ets jëtu'un kyutëkoyëty ja ëxëëk winma'any ets ka'ap ja poky xy'ëktëytyu'unënëty,

Romanos 8:13

Pën mjuuky'ajtëp miits ijxtëm ja ni'kx kopk tsokyën, m'ookantëp yë'ë; e pën Kënu'kxymyëkajtën mëët miits xyaj'ooktë mëti'ipë ja mni'kx mkopk tsyojkpyën, xëmëkyëjxm miits mjuuky'ata'antë.

1 Corintios 9:27

Ni'ikyës ja ni'kx nkopk ntëytyuny etsës winë mëtëy ntuny ijxtëm pyaat'atyën, këtiipës nwë'ëmtëty tukxi'iky ma ja ja'ayëtyën mëti'ipës të nyaj'ijxpëktën.

Gálatas 5:24

Pën ja Kristë jä'ä''ajtëtëp jëtu'un tpaaty ijxtëm jeexyë të tyajkruutspätën ja y'ëxëëkjot y'ëxëëk winma'anyëty.

Colosenses 3:5

Yajkutëkoonyëtë tu'kë'ëyë ja naaxwiinyëtë winma'any: Ijxtëm ja ëxëëktu'un ëxëëk kajpxën, ëxëëk winma'any, ëxëëk atsojkën ets meeny atsojkën mëët ko ja'ay ja meeny t'atsoktë, ja meeny tios'ajtëp ets ka'ap Tiosëty.