Mateo 5:28 - Biblia Dc en Mixe de Quetzaltepec

²⁸ E ëjts jëtu'un miits nëëmëtë, pën ja to'oxytyëjk y'ixk'ajtyp, tëë ënety tyajtëkoy ja wintsë'kën ma ja pëjkën ukën jyootjoty wyinma'anyjoty.

Biblia Mixe de Quetzaltepec

²⁸ E ëjts jëtu'un miits nëëmëtë, pën ja to'oxytyëjk y'ixk'ajtyp, tëë ënäty tyajtëkoy ja wintsë'kën ma ja pëjkën ukën jyootjoty wyinma'anyjoty.

Mateo 5:28 ပူးပေါင်းရင်းမြစ်များ

Génesis 34:2

E jam ënety tu'uk yë ye'etyëjk yajpaaty mëti'ipë txëëwajtypyën Siquem, yë myaank yë Hamor, Heve ja'ay, mëti'ipë ënety mëj'äämpy ijtëpën ma ja jampë ja naax kajpnën. Ënet ja Dina t'atsip'ajty ets myëëtko'knëtëty ets ojts jëtu'un ja näwyinkutsë'ëkë tkamëët'aty ma ja Dina.

2 Samuel 11:2

Jä'ä xëëw, jënäkyxyëëw ënety ko ja David myä'äypyëti'ky ets jam pyejty këmoon tëjkëjxm, jamts nyäxy tyëkë ko t'ijxpaty jap ëpa'tkë'p tu'uk yë to'oxytyëjk tsyi'iy, janty tsujpë. Ya'atë to'oxytyëjk tëë ënety je'eyë tyukjënajkta'ayë ja myëjaaw.

Job 31:1

Ëjts tëëjës kë'ëm njot nwinma'any npëjktä'äky ko ka'apës n'atsoka'any yë to'oxytyëjk mëti'ipë nätyu'uk'ajtpën.

Job 31:9

Pën tëëjës yë to'oxytyëjk nätyukmëmëtä'äkyë ëkë pën tëëjës yë nmëjëën nmëtëjk yë tyo'oxytyëjk n'ix'ijx npa'ijxë,

Salmos 119:96

Tëës n'ixy ko tëkokyë jënu'un winë y'ityën, këjxp najxp yë'ë, e yë m'ënä'ämën mtëyajtën ka'ap yë kyixy nyäxy.

Éxodo 20:17

Këtii xy'atsojkëty yë mmëku'uk yë jyëën tyëjk, këtii xy'atsojkëty yë tyo'oxytyëjk, këtii xy'atsojkëty yë myëtuunpë kyupëjkpë ye'etyëjkpë, to'oxytyëjkpë ets ni xykya''atsojkëty yë tsyajpkaa ets kyërukts ets tëkokyë ma tmëët'atyën winë.

Proverbios 6:25

Këtii xykyupëkëty ets yë'ë mwin'ëënëtëty ko oy kyëxë'ëky. Këtii xykyupëkëty ets yë'ë mtukyajka'ajëtëty ko janty'oy wyintë'kxy.

Ezequiel 23:16

Ko t'ijxy ja Babilonyë ja'ay, ënät ja tsyojkën ni'ikyë kyëjääjëy mëët yë'ëjëty ets tuknikejxy ja aaw ayuk;

Mateo 15:19

Jä'ä ko jootjoty tsyoony ja ëxëëk winma'any, ënät ja ja'ay yaja'ay ooktë, tyajma'atë ja pëjkën ukën, nyämyëëttsëënëtë nixim niyam, myäätstë, y'anta'aktë ets nixim niyam nyäwyinkajpx nyäjyëjpkajpxëtë.

Mateo 5:22

E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Mateo 5:39

Temë jëtu'un miits n'ënëëmëtë ko ka'ap xytyuunwinpitëty ko pën wi'ix mtunëtëty. Ko pën m'apojtsë'ëkëtëty ni'ikyë tuk'akë'ë wiinkpë m'apënuuky.

Romanos 7:14

Nnija'awëm ëëtsajtëm ko yë ënä'ämën ka'ap yaj'ixy, e ëjts jä'äs ko npokyjyä'äyëty, paatyës jëtu'un nyajpaaty pokyjotm ijxtëm tu'uk ja ja'ayën mëti'ipë juy tookyën.

Deuteronomio 22:22

Pën tu'uk yë ye'etyëjk myëët'ajtyp yë to'oxytyëjk mëti'ipë pëkynyën ets nimäjtsk yajkupaatëtëty. Nimäjtsk nëjkx yajkuka'atstë, jëtu'un ka'ap yaj'ijxta'akëty ja ëxëëktu'un ëxëëkajpxën ma ja Israel kajpnën.

2 Pedro 2:14

Yi'iyë y'ijxtëp tyuuntëp wi'ix ja to'oxytyëjk t'ëkmëpokytyuntën, ka'ap ja pokytyu'unën tsyipëtë. Jëtu'un twin'ëën twinxajtë mëti'ipë ka'anëm ja myëpëjkën oy tmëët'atynyëm; je'eyë tii tjanty atsoktë; ëxëëk ja'ay yë'ëjëty.

1 Juan 2:16

jä'ä ko tu'kë'ëyë mëti'ipë yë naaxwiinyëtë ja'ay y'ixk'ajtypyën ëkë y'atsojkpyën ka'ap jyamëty tsyoony ma Tiosën. Ko tii tsojkën'aty, ko tii pëk maay tjawë ets ko yi'iyë tmëmay tmëtajy yë wit meeny.