Mateo 5:23 - Biblia Dc en Mixe de Quetzaltepec

²³ Paaty ko m'ayajk m'ako'onën xymyënëjkxëty wintsë'kën wintum ets jam xyjyä'ämyätsëty ko ënety ja mmëku'uk mëët mnämyëtsip'atyë,

Biblia Mixe de Quetzaltepec

²³ Paaty ko m'ayajk m'ako'onën xymyënëjkxëty wintsë'kën wintum ets jam xyjyä'ämyätsëty ko ënäty ja mmëku'uk mëët mnämyëtsip'atyë,

Mateo 5:23 ပူးပေါင်းရင်းမြစ်များ

Génesis 41:9

Ënet y'ënäny, ja mëti'ipë ja uuky nyiwintsën'ajtypyën: Tyamës nja'amyetsy ko ojts tëkok ëxëëk n'ëtë'ëtyës.

1 Reyes 2:44

Mja'amyejtsyp wi'ix ojts ëxëëkjaty xypya'ëy xypyakäjpxyën ja nteetyës David. E paatykyëjxm ënät tyam ja poky mëti'ipë mtuunën kë'ëm xykyumëtowa'any.

Lamentaciones 3:20

koos nmëmay nmëtajy jëtu'unyës näjyawëty nmëjaawkëxy.

Ezequiel 16:63

Ko xyjyä'äymyätsëty mëk nëjkx mtsëtyuny ets ëxëëkëm nëjkx mnäjyawëty, ka'ap xy'ëknimëtya'akanëty ja mtuuntëko'oy mkajpxtëko'oyën ko ënety të nmä'äkxta'ayës ja mpoky. Ëjts Wintsën, ëjts ënaanp.

Oseas 6:6

Ëjts yi'iyës ntsojkpy etsës xytsyoktëty xyjyawëtëty, ka'apës yë'ëjëty njatyimtsoky ets tii winë xytyukwintsë'ëkëtëtyës; yi'iyës ntsojkpy etsës xy'ixkaptëty koos nTiosëty, ka'apës yë'ëjëty tjatyimtsoky ets xymyo'otëtyës wintsë'kën nino'oky nixämpyë.

Mateo 23:19

Wiintsëty. ¿Mëti'ipë ni'ik kopkpëky, ja mëti'ipë yajyojxpën ëkë ja mëti'ipë yajwatsypyën ja yoxyë?

Mateo 5:24

jam xy'ëxmatsëty ja m'ayajk m'ako'onën ma ja wintsë'këntyaknën ets nëjkx jëwyiin ja mmëku'uk mëët xykyajpx'oyë. Ënätnëm mwinpitëty ma ja wintsë'këntyaknën ets xypyëjkta'akëty ja m'ayajk m'ako'onën.

Mateo 8:4

Tääts ja Jesús jyaak'ënany: Ix, ka'ap pën xytyuk'ëwaanëty. Nëjkx ma teety wyintsënën ets xytyuk'ixëty ko tëë mtso'oky ets mënëjkxëp ja mwintsë'kën mëti'ipë ja Moisés nyi'ënä'ämëyën, jëtu'un ja ja'ay nijawëtëty ko tëë mtso'oky ets të mwa'atsy.

Marcos 11:25

Ko miits yë Dios xyjyä'ämyätstëty, pën jam pën tii xytyukmëtsip'atë, nimä'kxtë ets näjyëtu'un ja mteety tsajpjotmëpë mnimä'kxëtëty.

Lucas 19:8

Ënet ja Zaqueo wya'kujkëy ets t'ënëmaay ja Wintsën: Wintsën, tyamës nmo'ojëty ja ëyoopëja'ay kujkwä'kxy mëti'ipës nmëët'ajtypyën; pën tëëjës pën nmeetsy tyamës nyajwinpijtëty taxk jëtu'un.

1 Samuel 15:22

Ënet ja Samuel y'ënäny: Yë Wintsën yë'ë ni'ik y'oyjya'ap ko yajmëmëtowëty, ets ka'ap yë'ëjëty ma winë yajmo'oy yajkexyën, tä yë wintsë'kënën, ëkë ma jëyujk tsajpkaa yajtukwino'okyën. Yajtsoowpatyp ni'ik ko yajkäjpxymyëmëtowëty, ets këtii ko yajmo'ojëty jëyujk'on tsu'utsy'on.