Mateo 5:22 - Biblia Dc en Mixe de Quetzaltepec

²² E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Biblia Mixe de Quetzaltepec

²² E ëjts jëtu'un yam miits nëëmëtë, pën ja myëku'uk tyukjoot'anpëjkpyën nëjkxëp nyitukë. Pën ja myëku'uk y'ojpyën, yë'ë paye'eyëtëp ja tsajptëkotyëtë yajuntë'ajtpë. Pën ja myëku'uk tyijpyën kutsuu, jap nëjkx yajnajtskäxë ëyoowtaknjoty.

Mateo 5:22 ပူးပေါင်းရင်းမြစ်များ

1 Juan 2:9

Pën ënaanp ko yajpaaty ma ja jajën të'kxën, e y'ëxëëk'ijxyp ja myëku'uk, jam ja yajpaatynyëm akootstum.

Santiago 3:6

Näyjyëtu'un yë aaw yä'än ijxtëm yë jëënën, ëxëëktuump ko tii oy tkakäjpxy. Yä'änkëjxm ja ja'ay ja nyi'kx kyopk myä'äty. Jëtu'un ja aaw yä'än ijxtëm jeexyë tyooypyikyën ja jëën mëti'ipë ëyoowtaknjoty tso'onpën ets tyooytyä'äy ja ja'ay jënu'un jyuuky'atën.

Tito 3:2

Ka'ap pën tni'oj tniyaaxëtëty, mä'kxtuktëp, ja'akyukëtë, yajnikëxë'ëktëp ja yujyajtën tëtä'äkyajtën winë'aaw winëjot ma ja ja'ayëtyën ni'ëmukë.

Mateo 10:28

Këtii xytsyë'ëkëtëty mëti'ipë nini'kx yaj'o'kpyën, ka'ap myäyëtëty tyaj'ookëty yë anëmë; yë'ë Dios mtsë'ëkëtëp, jä'ä ko yë'ë myëët'ajtyp yë mëk'ajtën ets tyaj'atëkoyëty yë ja'ay ja y'anëmë mëët ja jyot nyini'kx jap ëyoowtaknjoty.

Mateo 18:35

Tääts ja Jesús jyaak'ënany: Näjyëtu'un ja nTeetyës tsajpjotmëpë tuna'any ja ja'ay ma miitsëtyën, pën jää miitsëty ka'ap ja mmëku'uk xynyimä'kxtë.

1 Pedro 3:9

Këtii ëxëëk xyajwinpitëty ko pën nitu'ukën kyamëta'akëty ëkë ko pën jam mwin'ëw mwinkajpxëtëty; këtii näjyëtu'un xy'atsoowinpitëty, wäänëni'ik ninu'kxta'aktë ets ja Dios kyënu'kxëtëty. Paaty miits ja Dios të mwootsowëtë ets jä'ä xytyuntëty ja oypyë ets ja kënu'kxën wäänëni'ik xypyaatëty.

Romanos 12:10

Nätsyokëtë ijxtëm ja ja'ay tyukä'äx'atyën. Näwyintsë'ëkëtë nixim niyam tu'knax.

1 Pedro 2:23

Ko yajwinkajpxpejty, kä'äp y'ëtsooy ajoot'an; ko yajtsaatsy tyuuny, ka'ap y'ëtsu'uxyäxy; je'eyë ja Dios ojts nyätyukë'ëwanëty ets yë'ë nyipaye'eyëtëty.

Mateo 18:21

Tääts ja Pedro ojts tninëjkxy ja Jesús ets tyajtëëy: Wintsën, ¿jënaak okës ja nmëku'uk nmëmä'kxtukëty koos xymyëtëkoyëty? ¿Wëxtujk okë?

Salmos 109:3

Ëxëëkjatyës xynyikajpx xynyimëtya'aktë xii yaa, nanëkoo je'eyë xy'ojtës xya'axtës.

Salmos 37:8

Ixmats yë äkë toyë, ets ja'atyëkoy yë ëwa'an'at; këtii mjoot'anpëkëty, jä'ä ko yë joot'an ni'ikyë winë tyajma'aty.

Judas 1:9

Yë'ëpaat ja Dios ja tyuunpë mëti'ipë xyëëwajtypyën Miguel, ko tsyiptuuny mëët ja mëjku'u ma ja Moisés ja nyi'kx kyopk tnitsiptuunyën, ka'ap ojts ëxëëkjaty t'ënëëmë, je'eyë t'ënëmaay: Wä'än ja Dios mwinkukajpxëty.

1 Juan 3:10

Nikëxë'kp ja ja'ay mëti'ipë ja Dios u'unk'ajtëpën ets mëti'ipë ja mëjku'u u'unk'ajtëpën. Pën ja oypyë kyatuumpyën ëkë ka'ap ja myëku'uk ttsoky tjawë, ka'ap ja Dios y'u'unk'atyë.

Hechos 17:18

Mäjtskpëky ënety ja wijyjyä'äytyëjk jam yajpaatë: epicúreos tu'pëky yajtijtë, ets jatu'kpëky estoicos, ets y'ëna'antë: ¿Tii tääpë ja'ay atsä'pxy nyimëtyaktëp? Ets ja wiinkpë y'ënantë: Wiink tios yë yowë nyikajpxtëp. Paaty jëtu'un y'ënantë jä'ä ko ënety ja Pablo tnikäjpxy tnimëtyä'äky ja Jesús ets ko o'kpë jyuukpyëka'any.

1 Tesalonicenses 4:6

Ka'ap pën ja myëku'uk ja tyo'oxytyëjk twin'ë'ënëty, jä'ä ko Dios tu'kë'ëyë tukumëtoowta'aja'any mëk'äämpy mëti'ipë jëtu'un ëtëtstëpën; ijxtëm të ntuk'ëwaanëtën janaam jatsojk.

Marcos 14:55

Ja teety wintsënëty mëët ni'ëmukë ja tsajptëkotyëtë yajuntë'ajtpë yajxon tjanty'ixta'atë ja winma'any mëti'ipë yajtuku'ookëtëp ja Jesús. Ka'anëm ënety tpaatë yajxon ja wa'kpäjn.

Mateo 26:59

Ja teety wintsëntëjk, ja mëjja'aytyëjk ets ja ijxpëkyjyä'äytyëjkëty yajxon ja winma'any t'ixta'atë wi'ix ja Jesús tyajpokytyëkëja'antën ets tyaj'ooka'antë.

Deuteronomio 15:11

Yaa naaxwiiny naaxkëjxy xëmë xy'ixa'any yë ëyoopëja'ay, paaty oy kyopkpëkyëty ets mijts xymyo'ojëty xykyäxëty yë mjëëky mëku'uk tii yajmëyäjtypyën.

Juan 11:47

Ënet ja fariseë ja'ayëty ets ja teety wintsëntëjk tyajnämyujkëtë ja tsajptëkotyëtë yajjuntë'ajtpë ets y'ënantë: ¿Tii ënät ntu'unmëp? May ya'atë ye'etyëjk tuun'ëtë'ëtsy ja mëj'ajtën.

Apocalipsis 20:14

Ënet jap yajkujëpijpëy jëënjoty, nëëmejyënpë kyëxë'ëkyën. Ya'atë jëën, nëë mejypyën kyëxë'ëkyën, yë'ë ja mëmäjtskpë ja o'kën.

Hechos 7:37

Ya'atë Moisés yë'ë näjyëtu'un y'ënëmaay ja Israel ja'ayëty: Dios tyuknipëjktaakëjäämpy ets jam ma miitsëtyën tu'uk pyëtsëmëty ja kukäjpxy ijxtëm ëjtsën.

Lucas 12:5

Yë'ë ntuk'ëwaanëjantëp pën mëpaat xytsyë'ëkëtë. Tsë'ëkëtë ja Dios. Ko ënety tëë ja mni'kx mkopk y'ooktë yë'ë yajkutukäämpy pën mnëjkxtëp ëyoowtaknjoty ëkë ka'ap.

Mateo 5:44

E ëjts jëtu'un miits n'ënëëmëtë, tsoktë ja mmëtsipëty ets tuknija'amyätsëtë Dios pën m'ixjëtijt mpajëtijtëtëp.

Mateo 5:34

Temë jëtu'un miits n'ënëëmëtë, ko tii xywyaanta'akëty, ka'ap Dios xyajkajpxëty. Ni tsajpjotmëpë xykyayajkajpxëty, jä'ä ko yë'ë Dios kyutujkën'ajtyp;

Mateo 3:17

Tääts yajmëtooy tu'uk ja ayuk tsajpjotm: Ya'atës n'U'unk'ajtyp, mëti'ipës ni'ik ntsojkpyën, ntukjotkujk'ajtypyës yë'ë.

Abdías 1:10

Wintsëtyu'un jëjptsëtyu'un nëjkx mwë'ëmy ets xëmëkyëjxm nëjkx mkutëkoy ko ëxëëk të xytyuny ets të xyaj'ooky ja mëkä'äx Jacob.

Proverbios 14:16

Yë wijyjyä'äy tsyë'këp yë ëxëëkpë paaty ënätyë jam jyëwä'äky ma tii ëxëëk t'ixyën; e yë tsuuja'ay ka'ap tii tmëjpëjktä'äky.

Salmos 7:4

¿Tëës ja njëëky nmëku'uk ëxëëk ntuunwimmpity ma winë oy të tunyën mëët ëjtsë? ¿ëkë tëës nanëkoo ntsaatsytyuny ja nmëtsipë?.

Génesis 37:4

Ko ojts jëtu'un t'ixtë ja y'äjtyëjkëty, ko ja tyeety mëk ni'ik tsyokyë këtiinëm ja wiinkpë y'u'unk y'ëna'k, ënät ojts tmëtsiptsoontë ets ka'ap t'ëkmëkajpxanëtë.

1 Juan 5:16

Ko pën ja myëku'uk t'ixëty ko tam pyokytyuny ets jä'ä ja poky mëti'ipë ka'ap yaj'ookyën, tuknija'amyätsëtë ja Dios ets ja Dios yajjuuky'atëtëty, ënät jëtu'un pën jä'ä ja poky mëti'ipë ka'ap yaj'ookyën. Jä'ä ko tää poky mëti'ipë yaj'o'kpën, ko pën tääpë jëtu'unpë poky tuny, ka'ap tjëkyepy ja Dios yajtuknija'amyätsëty.

Santiago 2:20

Këtii mtsuu'at xyajtunëty, ja'akyukë yajxon ko ka'ap tsyowpaaty ja mëpëjkën pën ka'ap tii yajtuny oy.

Hebreos 12:25

Näkyëwent'atëtë, mëmëtowtë ja Dios. Mëti'ipë ja Dios kyamëmëtoowtën ko ojts jyamëkajpxëtë yaa naaxwiiny, kyëpäjtë jä'ä. Näyjyëtu'un nëjkx njajtëm pën npäjxëm mëti'ipë xymyëkajpxëmën tsajpjotm.

Hebreos 5:9

Ets ko ojts tyaj'apaatë ja tyuunk, ënät ojts nyäxy yajnitsokpë xëmëkyëjxm ma ja mëti'ipë mëmëtoowëpën,

1 Corintios 6:10

Këtii myajwin'ëëntëty, jä'ä ko jam ma ja Dios ja kyutujktaknën ka'ap yajpaata'antë mëti'ipë jyot nyini'kx yajktëpën, mëti'ipë tsaatsetsy, kepy tsyetsy y'ëwtajtypyën, mëti'ipë ka'ap yë nyiye'etyëjk ëkë tyo'oxytyëjk twintsë'ëkën, ëkë mëti'ipë ato'oxyën, ëkë mëti'ipë myëye'etyëjk pyijkpyën y'ukpyën.

1 Corintios 6:6

Yë mëpëjkpëtëjkëty ka'ap jye'eyëty tsyiptuntë, näjyëtu'un ënätyë nyëjkxkojtë ma ja paye'epyën mëti'ipë ka'ap myëpëkyën.

Hechos 5:27

Ko tyajja'ajtë, tääts ots twoownëjkxtë ma ja tsajptëkotyëtë yajtu'ukmujkpën. Jamts ja teety wintsën y'ënëmaayëtë:

Juan 15:25

E ya'atë paaty jëtu'un tyunyë jyätyë ets y'atëwëty ja aaw ayuk mëti'ipë kuja'ay miinpën ma ja y'ënä'ämënëtyën: Natëkës të y'ëxëëk''ixtë.

Juan 8:48

Ënet ja jutiis ja'ayëty t'ënëmaaytyë ja Jesús: Tëyës n'ëna'antë ko mijts msamaariëtë ja'ay ets ko mijts ku'oypyë mmëët'ajtyp.

Juan 7:20

Ets ja ja'ay y'ëtsoowëtë: Ku'oypyë mijts mmëët'ajtyp. ¿Pën yam myaj'ookanëp?

Marcos 15:1

Ko xyiinytyäky, ënät ja teety wintsëntëjk nyiye'eypyäjtë mëët ja mëjja'aytyëjkëty, ja tsajptëkotyëtë yaj'ijxpëjkpëtëjk ets ni'ëmukë ja tsajptëkotyëtë yajuntë'ajtpë. Ënet ja Jesús ojts tyajnëjkxtë kë'ëtsumy ma ja Pilato. Jamts tkë'ëyajktë.

Mateo 25:41

Ënet ja yajkutujkpë t'ënëëmëja'any ja ja'ayëty mëti'ipë yajpatëpën anajnytsyow: Winwa'ktutëkës, miitsëty yë'ë mpat mnitëjkëyëtëp ets ëxëëk mjatëty, nëjkxtë jap jëënjoty ma jëën nijëna'a kyapi'itsyën, mëti'ipë të yajtuknipëjktaakën yë mëjku'u mëët yë y'anklëstëjk.

Mateo 23:33

Jëtu'un miitsëty tä tsa'anyën, tsa'any mteety'ajt mtaak'ajtëp, ¿wi'ix xykyukä'äka'antë ja tëytyu'unën mëti'ipë jap ëyoowtaknjoty?

Mateo 23:15

Mon tuk miitsëty myajpaatë, yaj'ijxpëjkpëtëjkëty mëti'ipë nyija'awëtëpën ja ënä'ämën tëyajtën, wiinkë'ëy akë'ëypyë oyjyä'äy mnäpyëjkta'akëtën. Mtuknajxtaaytyëp miits ja naaxwiinyëtë ets ja mejy ko ja mja'ay xy'ixta'atë, ets ko xypyaatë ja mja'ayëty, wäänëni'ik ëxëëk xyajjat xyajkëpätë ets nyëjkxëty jap ëyoowtaknjoty këtiinëm miitsëty.

Mateo 17:5

Tam ënety ja Pedro jëtu'un kyäjpxy ko ja yoots mëti'ipë ajajpën nyiju'uxëtë ets jap yootsjoty yajmëtooy tu'uk ja ayuk mëti'ipë ënaanpën: Ya'atës n'U'unk'ajtyp, mëti'ipës ni'ik ntsojkpyën. Ntukxoontäkpyës yë'ë. Mëtoow'itë, mëti'ipë nyikäjpxypën.

Mateo 12:24

Ko ja fariseë ja'ayëty jëtu'un tmëtoowtë, ënät y'ënantë: Yë ku'oypyë wintsën ya'atë ja'ay mooyëp yë myëk'ajtën, paaty yë ku'oypyë t'ixkexy.

Mateo 10:17

Näkyëwent'atëtë, jä'ä ko nëjkxëp myajkë'ëyaktë ma kutuunkëtyën ets nëjkxëp myajwoptë tsajptëkoty.

Abdías 1:12

Ka'ap jeexyë ojts xytyukxoontä'äky yë m'uty ko o'ktëy jyäjty kyëpejty ets ka'ap jeexyë ojts xytyukxoontä'äky yë Judá ja'ayëty ko xit ko'ow jyajtë ets ka'ap jeexyë ojts xynyëxi'iky xytyukxi'iky ma ënety jë'ë ya'ax yajpaatën.

Daniel 3:19

Ko ja Nabucodonosor jëtu'un tmëtooy ja ëna'ktëjk y'ëna'antë, tsaptsëm ojts ja wyiin jyëjp jyajta'ay mëët ja joot'anë. Ënet ni'ënä'ämëy ets tyaj'aanpëktëty ja jëënjut wëxtujk'ok;

Daniel 3:13

Ja Nabucodonosor yajxon ojts jyoot'anpëjknë ets tnikäjxëy ja Sadrac, Mesac ets Abed-negó. E ko jam myiintë,

Lamentaciones 3:52

Yë nmëtsiptëjkës ajotkumonës të xymyatstë, jëtu'un tä ja'ay tmatsyën joon jëyujk ets ka'apës tii poky nmëëtëty;

Jeremias 17:11

Mëti'ipë ja'ay nätyukyajkumeentyakëpën ja wit meeny ka'apë të tnituntën, jëtu'un yë nyäxy tä tu'uk yë pakëtseyën mëti'ipë wiink jëyujk yë tyaa nyimaajëpën. Ma ënety yajxon të myëjaawtëkën, jää nëjkx tyëkooytyä'äy ja kyumeenyajtën, tääts nëjkx je'eyë jyaak jëtity ja'akyupojën.

Proverbios 18:6

Yë tsuuja'ay ko ka'ap tmajts'ity yë wyiin y'aaw, ëxëëk tmëjaty. Mëët ko ka'ap tukjaty wi'ix kyajpxëty myëtya'akëty yajxon muum yajwinkoxy.

Salmos 92:6

Yi'iyë yë tsuuja'aytyëjkëty ka'ap jëtu'unpë tja'akyukëtë.

Salmos 69:4

Nimay yë ja'ayëty mëti'ipës nanëkoo xy'ëxëëk ijxtëpën, këtiinëm jyëtu'unëty yë nkuwaayës; yajxon të nyimayëtë yë nmëtsiptëjkës, nanëkokyëjxmës ëxëëk xytyuntë xy'ënëëmëtë, etsës xytyukmatstë nyajwinpitëty mëti'ipës ka'ap të nmeetsyën.

Salmos 49:10

Jä'ä ko tëkokyë yë ja'ayëty kwanë ko y'ooka'antë tu'knax, jëtu'un mëti'ipë wijyën ets mëti'ipë ka'ap wyijyëtyën, e ja wyit myeenyëty wiinkpë tyuk'oy'atäämpy.

Salmos 35:19

Ka'apës mëpaat yë nmëtsip xytyukxoontä'äky, ka'ap mëpaat wyinmä'äktë mëti'ipës nëkookyëjxm xytsyip'ijxtëpën.

Salmos 25:3

Ka'ap mëpaat nijëna'a tsëtyu'unmëët wyë'ëmtë mëti'ipë mtuk'ijxpäjtëtëpën. Yë'ë tsëtyu'unmëët wë'ëmtëp, mëti'ipë mkäjpxykyumëtoownajxëtëpën.

Salmos 14:1

Ja'ay mëti'ipë winma'anytyukën ënaanp ko ka'ap ma Dios, tëë wyinma'any tyëkooytya'atë, aakyë'ë të tuntë ëxëëkpë. Ka'ap ma pën mëti'ipë oypyë tyunëpën.

Nehemías 5:8

etsës n'ënëmaaytyë: Ëëtsëty oyës wi'ix të nmëwinjatë etsës të nyaj'ëwaatsë pëtsëmtë ja nmëku'uktëjkëtyës mëti'ipë ënety wiinkë'ëy wiink kajpn të yajmënëjkxnëtën tsumy matsy ets juy tooky; ¿e miitsëty tääts ënät ni'ikyë ja mjëëky mëku'uk xytyookan xyakanëtë ets ënät jatëkok ëëts nyaj'ëwaatsëpëtsëmtëtyësë? Amonyë ojts tyimwë'ëmta'atë ninu'un tkanijawëtë wi'ixëtën y'ëtsowtëty.

2 Crónicas 16:10

Ënet ja Asá yajxon tukjoot'anpëjky ja Wintsën ja kyäjpxynyajxpë, ojts tsumy tmatsy. Näy jä'ä xëëw ojts jam ëxëëk yë ja'ay tuny t'ënëëmë.

1 Reyes 21:4

Ja Ahab mon tuk ojts nyëjkxnë ma tyëjkën jä'ä ko ënety jëtu'un ja Nabot të y'ëtsoyë, ko ka'ap tjëkyepy myo'ojëtëty mëti'ipë ja tyeety tyaak tukumaayën. Ko jyä'äjty ma tyëjkën ënätyë nyäkyo'kë, jam nyämyëjjujpetyë potsywinm ets ka'ap ojts y'ëkaaynyë.

2 Samuel 16:7

ja Simí ëxëëkjaty tjanty ënëëmë ets tpojky; tyaa y'ënä'äny: Nëjkx mijts ka'oypyë, ëxëëk ja'ay, yaja'ay'o'kpë.

2 Samuel 6:20

Yë David ojts nyëjkxnë ma tyëjkën ets tkënu'kxa'any ja jampë yajpaatën; e ja Mical, ja nyëëx ja Saúl, ënätyë ojts tnipëtsëmy ja David ets t'ënëmaay: Nëkoo tyam janty'oy y'ëkyaj'ijxnë ja Israel ja kyutujktakn; janty'oy të y'ëkwë'ëmnë, paaty mijts niwa'ats ëxwa'ats mtimy'äjtsnë, jëtu'un tä jeexyë oy na pën ja'ayën.

Génesis 37:8

Ënet ja y'äjtyëjk y'ëtsoowtë: ¿Tii jä'ätën mja'ëna'any ets mijts myajkutujkpë'atëty, tääts ëëtsëty xy'ënä'ämtëtyë? Ni'ikyë ojts jyänty myëtsiptsoonëtë ko jëtu'un wyinkumaay ets ko ojts nikäjpxy wi'ix ënety të wyinkuma'ayën.

Deuteronomio 16:18

Nikajpxpätë yë ja'ayëty mëti'ipë kutuunk'atëpën ma ja naax kajpnën mëti'ipë yë Wintsën mo'ojanëtëpën ets yë'ë myëku'uk tnikopk'atëty ets tnipaye'eytyëty yajxon ja jyiiky myëku'uk ja nyëë pyokyëty ets ja y'amay jyotmayëty.

2 Crónicas 19:5

Ojts ëpëky näjyëtu'un tnikajpxpety ja kutuunktëjk maajaty ja kajpnën mëti'ipë këwent'aty ijtëpën ets ta'tspëky mëët ja mëjnapotsy.

Lucas 22:66

Ko xyiinytyäky ënät ja mëjja'aytyëjk, tsajptëkotyëtë yaj'ijxpëjkpëtëjk ets ja teety wintsënëty myujktë. Jamts ja Jesús ojts tyajnëjkxtë ets tyajtëëwtë:

Hechos 4:15

Tääts ja Pedro ets ja Juan tkäjxpëtsëëmtë jap juntëjoty ets aakyë'ë tyëjkëtyë mëtyakpë.

Hechos 5:21

Ko jëtu'un tmëtoowtë, tää komjëpom ojts tsojkyë nyëjkxtë ma ja mëjtsajptëjkën ets ja ja'ay tyaj'ijxpëjktso'ontë. Ko ja teety wintsën mëët ja jyä'äy jyajtë, ënät twoowmujktë ja tsajptëkotyëtë yajuntë'ajtpë ets ja ijxpëjkpëtëjk näjyëtu'un ets yajwoowtsoowtë mëti'ipë ënety të yajtsumtën.

Hechos 6:12

Tääts ja naax kajpn tyajjoot'anpëjktë ets ja mëjja'aytyëjkëty ets ja tsajptëkotyëtë yaj'ijxpëjkpëtëjkëty ets tmajtstë ja Esteban. Tääts ojts tyajnëjkxtë ma ja tsajptëkotyëtë yajjuntë'ajtpën.

Hechos 6:15

Tam ënety jëtu'un y'ëna'antë, ko ja yajjuntë'ajtpë t'ijxtë ko ja Esteban ja wyiin jyëjp tyë'kxpëky ijxtëm ja Dios kukäjpxy.

Hechos 22:30

Komjëpom, yë'ë ënety ja mëj tsiptuunpë wintsën, oy tnijawëja'any tii ko ja Pablo ja jutiis ja'ay nyi''ëënëty. Tääts ojts tkë'ëkejy ets ja teety wintsëntëjk twoowmujky mëët ni'ëmukë ja tsajptëkotyëtë yajuntë'ajtpë. Tääts ja Pablo tyajpëtsëëmy ets twoowmiiny may ja'aywyintum.

Hechos 23:1

Tääts ja Pablo twin'ijxpejty ja mëjja'aytyëjk ets t'ënëmaay: Mëku'uktëjkëty, ëjts nija'apës ko oyës ja njot nwinma'any nmëëtëty Dios wintum.

Hechos 24:20

Ëkë wä'än ya'atë ja'ay tnikajpxtë mëti'ipë tyam yaajëtyën tii pokyës jëtu'un të ntuny koos ojts nyajpaye'ey ma ja tsajptëkotyëtë yajjuntë'ajtpën.